Ուրբաթ, 26 Հունվարի 2018 17:04

Արմինֆո. Ամերիաբանկը շարունակում է գլխավորել հիմնական ֆինանսական ցուցանիշներով, չնայած աճի տեմպերի որոշակի զսպվածությանը, ինչը, այնուամենայնիվ, նրան չի խանգարում ավելի մեծացնել  շահույթը:

Ըստ Հայաստանի Բանկերի Էքսպրես-Ռենկինգի, բանկի ակտիվները 2017 թվականի վերջին կազմել են 677.7 մլրդ դրամ ($ 1,4 մլրդ, 1 տեղ): Դրանց կառուցվածքում 69.2% կամ 468.9 մլրդ դրամ ($ 968,4 մլն, 1 տեղ) կազմել են վարկային ներդրումները և այլ վարկերը, իսկ 8.5% կամ 57.8 մլրդ դրամ ($ 119.4 մլն)`արժեթղթերում կատարված ներդրումները: 2017 թվականին Բանկի վարկային պորտֆելը կրճատվել է 6.5%, իսկ արժեթղթերում կատարված ներդրումներն աճել են 14.2%, ինչն ակտիվների անկումը պահպանել է 5,8%-ի վրա: Համեմատության համար նմշենք, որ 2016-ին բանկը ցուցադրել էր այս ցուցանիշների զգալի աճ, քանի որ վարկային պորտֆելն աճել էր 63%, արժեթղթերում կատարված ներդրումները`63,4%, ակտիվները` 39.2%: Եվ չնայած արժեթղթերում կատարված ներդրումների աճի դանդաղմանը, որ բանկը այս ցուցանիշներով հաստատվել էր երկրորդ հորիզոնականում:

Ամերիաբանկի ընդհանուր պարտավորությունները 2018-ի հունվարի 1-ին կազմել են 607.8 մլրդ դրամ, կամ $ 1.3 մլրդ, չնայած 7.2% անկմանը, 2016-ի 43.2% աճի համեմատ: Դրանց կառուցվածքում, հաճախորդների հանդեպ պարտավորությունների (ժամկետային և ցպահանջ ավանդներ) ծավալը կազմել է 61,7% կամ 375.2 մլրդ դրամ ($ 775 մլն, 2 տեղ), միջազգային ֆինանսական կառույցներից ներգրաված վարկեր`29,5% կամ 179,1 մլրդ դրամ ($ 369,9 մլն, 1 տեղ), իսկ սեփական պարտատոմսերի տեղաբաշխումից ստացված միջոցները`6.7% կամ 40.9 մլրդ դրամ ($ 84.6 մլն): 2017 թվականին բանկը 9,5% կրճատվել է հաճախորդների հանդեպ պարտավորությունները, ինչպես նաև միջազգային ֆինանսական կառույցներից ներգրավված վարկերը`16.9%, բայց 2.3 անգամ ավելացրել է սեփական պարտատոմսերի տեղաբաշխումից ստացված միջոցները: 2016 թվականին Բանկը ցուցադրել էր հաճախորդների հանդեպ պարտավորությունների և միջազգային ֆինանսական կառույցներից ներգրավված փոխառությունների զգալի աճ:

Բանկի ընդհանուր կապիտալը հաշվետու տարում ավելացրել է 8.6%, կազմելով 69.9 մլրդ դրամ կամ $ 144.5 մլն` կուտակված շահույթի 22.7% աճի հաշվին, մինչև 29,8 մլրդ դրամ կամ $ 61,5 մլն: 2016 թվականը Բանկը եզրափակել էր 7,7 մլրդ դրամի կամ $ 15,9 մլն-ի զուտ շահույթով, աճը`24%: Միայն IV եռամսյակում զուտ շահույթը կազմել էր 2,3 մլրդ դրամ, ավելանալով 3-րդ եռամսյակի համեմատ`13%: Ամերիաբանկի նորմատիվային ընդհանուր կապիտալը 2018-ի հունվարի 1-ին հասավ 84,1 մլրդ դրամի (տարեկան աճը`2,7%), ինչը գրեթե 3 անգամ գերազանցում է նորմատիվային նվազագույն գումարը (30 մլրդ դրամ): Կապիտալի համարժեքության նորմատիվը 2017-ի վերջին բանկն ապահովեց 12.74% մակարդակում (պահանջվող նվազագույնը`12%), ընդհանուր իրացվելիության նորմատիվը`29.74% (պահանջվող նվազագույնը`15%), ընթացիկ իրացվելիությունը`93,35% (պահանջվող նվազագույնը`60%), նախորդ տարվա, համապատասխանաբար, 15.87%, 31.23% և 133.17%-ի համեմատ:

Նշենք, որ Բանկն առաջատարների շարքում է նաև արդյունաբերական ոլորտի վարկավորման (ներառյալ էներգետիկ համալիրը), գյուղատնտեսության, շինարարության, առևտրի, տրանսպորտի և կապի, հանրային սննդի և սպասարկման, հիփոթեքային վարկավորման ծավալներով: Բանկը առաջատար է նաև ժամկետային և ցպահանջ ավանդների գծով:

2016 թվականի մարտից Բանկը ձեռնամուխ եղավ իր պարտատոմսերի թողարկմանը, որոնք 2018 թվականի հունվարի 1-ին հասան 8-ի, որից 5-ը`դոլարով, $ 55 մլն ընդհանուր ծավալով, 1-ը`եվրոյով և 3 մլն ծավալով, և 2-ը` դրամով և 2,5 մլրդ.դրամ ընդհանուր ծավալով, որոնք ցուցակված են «ՆԱՍԴԱՔ ՕԷՄԷՔՍ Արմենիա» ֆոնդային բորսայի հիմնական «Abond» ցուցակում:

Դրա հետ մեկտեղ, Ամերիաբանկը 2016 թվականի հուլիսին իր ներդրումային կառավարիչ respons Ability Investments AG-ի միջոցով հաջողությամբ տեղաբաշխեց $ 20 միլիոնի պարտատոմսերը Լյուքսեմբուրգի չորս ներդրումային հիմնադրամներում, ստացված միջոցները նախատեսելով ուղղել ՓՄՁ վարկավորմանը և էներգետիկ արդյունավետության և վերականգնվող էներգետիկայի բնագավառի ֆինանսավորման նախագծերի իրականացմանը: Բանկի տարբերիչ պարգևներն են` Euromoney (2017, 2016, 2014թ, 2012թ, 2011թ), Global Finance (2016, 2015г, 2013թ, 2012թ), The Banker/FT (2016թ, 2015թ, 2013թ, 2010թ),  իսկ Commerzbank-ից 2008 թվականից ի վեր արժանանում է «STP-Award» մրցանակին:

Հիշեցնենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%: