Արմինֆո. Հայկական ատոմակայանը չափազանց կարևոր դեր է խաղում Հայաստանի էներգետիկ համալիրի համար: Այդ մասին պաշտոնավարման 100 օրվա կապակցությամբ մամուլի ասուլիսի ժամանակ ասել է ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:
Նախարարը հիշեցրել է, որ ներկայուս կայանում երկրորդ էներգաբլոկի շահագործման ժամկետը 10 տարով երկարաձգելու միջոցառումներ են անցկացվում: Հունիսի 1-ին ՀԱԷԿ բլոկի աշխատանքը դադարեցվել էր և վերանորոգման աշխատանքներից հետո շահագործման հանձնվել օգոստոսի 1-ին: Արթուր Գրիգորյանն ընդգծել է, որ բլոկի ժամանակին շահագործման հանձնելը կարևոր նշանակություն ունի, քանի որ չաշխատելու յուրաքանչյուր օր լրացուցիչ 200 մլն դրամ վնաս կարող է հասցնել Հայաստանին:
Ըստ որում, ինչպես նշել է նախարարը, այս տարի ամռանը էլեկտրաէներգիայի աննախադեպ սպառում է եղել: <Նման ծավալները բնորոշ են ձմռան սեզենին, հատկապես՝ ամանորյա տոներին>,- ընդգծել է Արթուր Գրիգորյանը՝ ավելացնելով, որ բարձր պահանջարկը պայմանավորված էր շոգ եղանակով, և կարևոր էր անխափան էլեկտրամատակարարմամբ ապահովել սպառողներին: <Արդյունքում հաջողվեց այնպես անել, որ ոչ մի խափանում տեղի չունենա»,- փաստել է նախարարը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |