Արմինֆո. Հայաստանի էներգետիկ ոլորտում կան բազմաթիվ խնդիրներ, որոնք այքան էլ ակնհայտ չեն: Այդ մասին հայտարարել է վարչապետ Նիկոլ Փաշինյանը` նախօրեին «Ֆեյսբուքի՚ իր էջում ուղիղ եթերի ընթացքում պատասխանելով քաղաքացիների հարցերին:
Որպես օրինակ` նա նշել է, որ Վրաստան էլեկտրաէներգիա արտահանելու համար ստեղծվել է ընկերություն, որը արտոնություններ է ստացել գործարքից, ինչն, արդյունքում, թերի է ստացել պետությունը: Որպես մեկ այլ օրինակ` վարչապետը հիշատակել է Երևանի ՋԷԿ-ը, որն իր գործունեության հաշվին մարում է համակարգին չառընչվող երրորդ ընկերության պարտքերը: Նա նշել է, որ կառավարությունն արդեն որոշակի փոփոխություն է կատարել գազի և էլեկտրաէներգիայի սակագներում առանձին սոցիալական խմբերի համար` սակագներնը նվազեցնելով, համապատասխանաբար, 10 և 20 դրամով: Բացի այդ, վարչապետը հաղորդել է, որ ստեղծվել է աշխատանքային խումբ, որն զբաղվում է գազի և էլեկտրաէներգիայի սակագների հիմնավորման հետազոտմամբ:
Նրա ասելով, ոլորտի գլխավոր խնդիրը միասնական կանոնների և կարգի ներդրումն է, իսկ ինչ վերաբերում է սակագներին, ապա դրանք պետք է լինեն ոչ թե բարձր կամ ցածր, այլ` արդյունավետ: «Ես հասկանում եմ սակագինը նվազեցնելու ձգտման տրամաբանությունը, սակայն կառաջարկեի հարցը դիտարկել այլ տեսանկյունից. անհրաժեշտ է ունենալ գազի և էլեկտրաէներգիայի արդյունավետ սակագին, որպեսզի համոզված լինենք, որ այն ձևավորվում է արդյունավետ շուկայական տրամաբանության շրջանակում՚, - ասել է Փաշինյանը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |