Արմինֆո.Հայաստանն աշխատանքներ է տանում տիեզերք երկրորդ արբանյակի արձակման ուղղությամբ, աշխատանքները նախնական փուլում են։ Այդ մասին մայիսի 4-ին լրագրողներին հաղորդել է ՀՀ բարձր տեխնոլոգիական արդյունաբերության նախարար Ռոբերտ Խաչատրյանը։
«Մենք դեռ շուկայի ուսումնասիրություններ ենք կատարում՝ գնահատելով մեր հնարավորություններն ու առաջարկները: Ես չեմ կարծում, որ 2023 թվականին կունենանք երկրորդ արբանյակը, բայց, ամեն դեպքում, աշխատանքներ տարվում են", - նշել է Խաչատրյանը։
Նախարարն անիրատեսական է համարում Հայաստանում արբանյակների արտադրություն հիմնելու հնարավորությունը։ "Բայց եթե մենք կարողանանք երկրորդ կամ երրորդ արբանյակի գոնե մի փոքր մասն արտադրել Հայաստանում, կարծում եմ, դա լավ ձեռքբերում կլինի", - ասել է նախարարը:
Նրա խոսքով՝ արդեն տիեզերք ուղարկված արբանյակից տեղեկատվություն ստանալու գործընթացը շարունակվում է, ստացված պատկերները տեղեկատվության աղբյուր են, դրանք կարելի է օգտագործել շատ բնագավառներում, կիրառման ոլորտներն անսահման են:
"Մենք պետք է արբանյակներին նայենք որպես տեղեկատվության աղբյուր եւ փորձենք առավելագույնս ընդլայնել կիրառման շրջանակը", - նշել է Խաչատրյանը, չբացառելով, որ երկու արբանյակները կարող են օգտակար լինել նաեւ ռազմական նպատակներով:
Հիշեցնենք, որ 2022թ. մայիսի 25-ին ԱՄՆ-ում արձակվել է առաջին հայկական Արմսատ-1 արբանյակը, որն իրականացված փորձարկումներից հետո ցույց է տվել դրական արդյունք:
RUB | 4.21 | -0.05 |
USD | 388.01 | 0.28 |
EUR | 417.11 | -0.44 |
GBP | 484.90 | -1.43 |
CAD | 282.27 | -1.16 |
JPY | 24.97 | -0.13 |
CNY | 53.69 | -0.03 |
CHF | 426.99 | -0.40 |