Արմինֆո.Հայաստանի կառավարության նպատակներից մեկը ոսկու արդյունահանման և վերամշակման, ինչպես նաև ոսկերչական իրերի արտադրության ողջ շղթայի ձևավորումն է: Այդ մասին դեկտեմբերի 6-ին ԱԺ-ում կառավարական ժամի ընթացքում հայտարարել է ՀՀ էկոնոմիկայի նախարար Վահան Քերոբյանը՝ պատասխանելով իշխող "Քաղաքացիական պայմանագիր" խմբակցության պատգամավոր Սիսակ Գաբրիելյանի հարցին։
Պատգամավորը, մասնավորապես, նշել է, որ վերջերս իր գործընկերների հետ այցելել է ոսկերչական գործարաններից մեկը, որտեղ տեղադրված է "դորե" համաձուլվածքի արտադրության ժամանակակից հոսքագիծ: Այս ձեռնարկությունում կարելի է վերամշակել օրական մինչև 100 կգ ձուլվածք, և դա այն դեպքում, երբ երկրի խոշորագույն ոսկու արդյունահանման ընկերությունը տարեկան ստանում է 3 տոննա ոսկի: Այնուամենայնիվ, նույն գործարանը ստիպված է ոսկի գնել արտասահմանում։ Այս առնչությամբ, Գաբրիելյանի տվյալներով, նախապատրաստվում է արտահանվող ոսկու ձուլակտորների համար պետական տուրքի կիրառմանն ուղղված օրենսդրական նախաձեռնությունների փաթեթ:
Ի պատասխան՝ Քերոբյանը նշել է, որ 2021 թվականին իշխանությունների որոշմամբ արգելվել է սև ջարդոնի արտահանումը, ինչը հանգեցրել է այն բանին, որ սկսվել է ժամանակակից մետալուրգիական գործարանի կառուցում: Նույնը վերաբերում է նաև ձուլարանի կառուցման նախագծին, որի վերաբերյալ դեռևս վերջնական որոշում չկա, բայց քայլեր են ձեռնարկվում այդ նախագիծը կյանքի կոչելու ուղղությամբ:
Միաժամանակ, նախարարը նշել է հավասարակշռված մոտեցման անհրաժեշտությունը, որպեսզի հանքարդյունաբերության ճյուղի ընկերությունները չտուժեն, առավել ևս, որ տուժածներ արդեն կան՝ ի դեմս Սոթքի հանքավայրի
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |