Արմինֆո. Հայաստանն ու Ռուսաստանը պատմականորեն կապված են բարեկամական հարաբերություններով։ Այդ մասին դեկտեմբերի 15-ին հայտարարել է ՌԴ կառավարության նախագահի տեղակալ Ալեքսեյ Օվերչուկը՝ հայ-ռուսական տնտեսական համագործակցության միջկառավարական հանձնաժողովի նիստի ժամանակ:
Նա նշել է, որ այդ հարաբերությունները հիմնված են փոխադարձ հարգանքի սկզբունքների վրա։ Ռուսաստանն ու Հայաստանը դաշնակիցներ են, և դաշնակցային հարաբերությունների բարձր դինամիկան ստեղծում է բարձր մակարդակի ինտենսիվ և վստահելի երկխոսություն: Օվերչուկը հիշեցրել է, որ Ռուսաստանը Հայաստանի առաջատար առևտրային գործընկերն է։ Հայաստանի և Ռուսաստանի միջև առևտրաշրջանառությունը 2023 թվականի 9 ամիսներին աճել է 43,5% - ով և կազմել 4,4 մլրդ դոլար։ Ընդ որում, ինչպես նշել է Ռուսաստանի փոխվարչապետը, երկրների միջեւ փոխադարձ առեւտրում պարիտետ է ձեռք բերվել։ Հատկապես լուրջ ցուցանիշներ են արձանագրվել գյուղատնտեսական արտադրանքի մատակարարման և մետաղների առևտրի ոլորտներում։
Օվերչուկը կարևորել է նաև նախօրեին Երևանում Ռուսական արտահանման կենտրոնի ներկայացուցչության բացումը, որի ջանքերով ընթացիկ տարվա 10 ամիսների ընթացքում աջակցություն է ցուցաբերվել 302 եզակի արտահանողների համար ռուսական ապրանքների առաջմղմանը հայկական շուկա՝ 507 գործարքներով:
Ռուսաստանի կառավարության փոխնախագահը նշել է նաև Հայաստանի հետ ներդրումային համագործակցության զարգացումը, որտեղ աշխատում են ռուսական կապիտալով ավելի քան 40 խոշոր ընկերություններ, որոնց մի մասը երկրի խոշորագույն հարկատուներն են: Ռուսական և հայկական ընկերությունների միջև կնքվել է 10 պայմանագիր՝ Երևանին ցորենի, հնդկաձավարի, վարսակի ձավարի և այլ ապրանքների մատակարարման վերաբերյալ:
Օվերչուկն ընդգծել է նաև, որ երկրների միջև զարգանում է համագործակցությունը նաև բանկային-ֆինանսական ոլորտում: Ս.թ. հունվար - սեպտեմբեր ամիսներին Ռուսաստանի և Հայաստանի միջև ընդհանուր հաշվարկներում ռուսական ռուբլու մասնաբաժինը կազմել է 90,3%։
Տրանսպորտի գծով շարունակվում են աշխատանքներն ավելի վաղ ձեռք բերված պայմանավորվածությունների ուղղությամբ: Հայաստանում գործում է "Հարավկովկասյան երկաթուղի" ՓԲԸ-ն, որը ներդրումներ է իրականացնում կոնցեսիոն պայմանագրի շրջանակներում: Ակտիվ տեմպերով աճում են ավտոտրանսպորտով փոխադրումների ծավալները, ինչին մեծապես նպաստել է "Վերին Լարս" միջազգային անցակետի վերակառուցումը: Իրականացված աշխատանքների արդյունքում ապահովվել է երթևեկությունը բոլոր 39 տրանսպորտային գոտիներով, ինչը հնարավորություն է տվել օրական սպասարկել 3900 տրանսպորտային միջոց, սակայն բնակլիմայական պայմանների խնդիրը չի կարող ապահովել շուրջօրյա փոխադրումների ծավալներ:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին