Երեքշաբթի, 4 Մայիսի 2010 11:17
Հայաստանի հիփոթեկային ասոցիացիան ստեղծում է խորհրդատվական կենտրոն
ԱրմԻնֆո. Հայաստանի հիոթեկային շուկայի մասնակիցների ասոցիացիան (ՀՀՇՄԱ) մտադիր է քաղաքացիների համար ստեղծել խորհրդատվական կենտրոն: Այս մասին այսօր, ՀՀՇՄԱ տարեկան չորրորդ ընդհանուր ժողովում հայտարարել է ասոցիացիայի գործադիր տնօրեն Էդուարդ Օրեմյանը:
Նրա խոսքերով, խորհրդատվական կենտրոնը պետք է աշխատի հիպոթեկային շուկայի, վարկավորման պայմանների, անհրաժեշտ փաստաթղթերի վերաբերյալ բնակչության իրազեկության բարձրացման ուղղությամբ: Միաժամանակ, Է.Օրեմյանը նշել է, որ Ասոցիացիան այսօր աշխատում է հիպոթեկային շուկայի զարգացմանը խոչնդոտող պրոբլեմների բացահայտման և սահմանման ուղղությամբ: ՙՄենք շարունակում ենք բնակչության իրազեկության բարձրացմանն ուղղված աշխատանքների իրականացումը` հիպոթեկային վարկավորման հնարավորությունների մասին, այդ թվում, զանազան հրապարակումների միջոցով՚,-նկատել է նա, ավելացնելով, որ վերջիններից մեկն էլ հանդիսացավ`ՙՀիպոթեկային վարկեր. 20 հարց և պատասխան՚ ձեռնարկը, որը հրատարակվեց Միջազգային ֆինանսական կորպոռացիայի (IFC) հետ համատեղ:Է.Օրեմյանը նշել է նաև, որ Ասոցիացիայի մասնակցությամբ մշակվել ու ներդրվել են հիպոթեկային վարկավորման նվազագույն ստանդարտները:
Միաժամանակ, Ասոցիացիայի ղեկավարը նշել է, որ տարեսկզբից հիպոթեկային շուկայում նկատվում է ակտիվություն, որը կշարունակվի ամբողջ 2010 թվականի ընթացքում: ՙԱկտիվությւնը պայմանավորված է ինչպես անշարժ գույքի գների իջեցումով, այնպես էլ հիպոթեկաին շուկայի զարգացման ուղղությամբ կառավարության ծրագրերով՚,-ընդգծել է նա, ավելացնելով, որ այսօր գործող`ՙԱզգային հիպոթեկային ընկերությունը՚ և ՙԲնակարան երիտասարդներին՚ ընկերությունները կոչված են աջակցելու շուկայի զարգացմանը:
ՀՀ ԿԲ Խորհրդի անդամ Վախտանգ Աբրահամյանն իր հերթին նշել է, որ անցնող տարին դժվարին տարի էր տնտեսության, ինչպես նաև հիպոթեկային շուկայի համար: ՙՄի կողմից, մասնակիցները ստիպված էին խստացնել վարկավորման պայմանները, իսկ մյուս կողմից` կտրուկ կերպով կրճատել դրանց ծավալները՚,-նշել է Վ.Աբրահամյանը, ավելացնելով, որ ԿԲ կողմից առաջադրված խնդիրների լուծման համար որոշակի քայլեր են ձեռնարկված: Այդ թվում, ՚Ազգային հիպոթեկային ընկերության՚ հիմնումը, որը որոշիչ դեր խաղաց վարկավորման ծավալների ավելացման գործում: Այսպես, 2010 թվականի առաջին եռամսյակի արդյունքներով Հայաստանի հիպոթեկային վարկավորման պերտֆելը աճել է 1.2 մլրդ.դրամով, ինչը, նրա խոսքերով, հանդիսանում է բազմախոստումնալից ցուցանիշ:
Համաձայն ԱրմԻնֆո գործակալության ֆինանսական վերլուծությունների, Հայաստանի բանկերի և վարկային կազմակերպությունների հիպոթեկային պորտֆելը 2010 թվականի ապրիլի 1-ի դրությամբ կազմել է 96.2 մլրդ.դրամ, ապահովելով 8.6% եռամսյակային և տարեկամ 6.1% աճ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները