Երեթշաբթի, 15 Հունիսի 2010 17:52
Յունիբանկը հուլիսին կգործարկի իր սեփական պրոցեսինգային կենտրոնը
ԱրմԻնֆո. Յունիբանկն ընթացիկ տարվա հուկիսին կգործարկի իր սեփական պրոցեսինգային կենտրոնը, որտեղ իրականացվող ներդրումների ծավալը կկազմի ավելի քան 1 մլն.դոլար:
Ինչպես ԱրնԻնֆո գործակալությանը տեղեկացրել են Յունիբանի մամուլի ծառայությունից, սեփական պրոցեսինգային կենտրոնի վերաբերյալ որոշումը բանկն ընդունել է մանրածախ բիզնեսը զարգացնելու նկատառումներով, կապված հաճախորդների անընդհատ աճող և փոփոխվուղ պահանջները բավարարելու անհրաժեշտության հետ: Սեփական պրոցեսինգային կենտրոնին անցնելը Յունիբանկին հնարավորություն կտա էապես բարձրացնել քարտերի թողարկման ծավալները, վարկային քարտերի միջոցով հաճախորդներին առաջարկելով ավելի գրավիչ պայմաններ: Նոր պրոցեսինգային կենտրոնի հզորությունների օգտագործումը հնարավոևություն կտա նաև բարձրացնել անվտանգությունը, բանձրացնելով քարտերով մատուցվող ծառայությունների որակը: ՙՍեփական պրոցեսինգային կենտրոնի գործարկումով կընդլայնվի ծառայությունների մեր շարքը, մենք կարող ենք արտադրողների և առևտրի ցանցերի հետ ստեղծել համատեղ նախագծեր: Արդեն մի քանի հայտնի արտադրողների հետ կան նախնական համաձայնություններ՚,-տեղեկացրել է Յունիբանկի քարտային բիզնեսի գծով տնօրեն Մեսրոպ Հակոբյանը:
Նրա խոսքերով, նոր գաղափարը հիմնված է բոնուսային միավորների վրա: Այսպես, հաճախորդը, վճարելով տարբեր սակագների և ծառայությունների համար, միաժամանակ ստանում է միավորներ` գումարային արտահայտությամբ, որոնք կուտակվում են նրա քարտային հաշվի վրա: ՙԴրանով ծրագրի մասնակից-ընկերությունները հաճախորդներին են վերադարձնում ծախսված գումարների մի մասը, իրենց հաճախորդների նկատմամբ ցուցաբերելով լոյալ վերաբերմունք՚,-ճշգրտել է Մ.Հակոբյանը:
Պրոցեսինգային կենտրոնի ստեղծման մասին որոշումը Յունիբանկի կողմից ընունվել է մեկ տարի առաջ: Ներկայւմս տեղադրվում են համապատասխան սարքավորումները, որոնց տեստավորումից հետո պրոցեսինգային կենտրոնը կսկսի գործել: Աղբյուրի համաձայն, քարտային բիզնեսի զարգացումը հանդիսանում է Յունիբանկի գործունեության ռազմավարական ուղղություններից մեկը 2010 թվականին:
2010 թվականի հունիսի 1-ի դրությամբ բանկը թողարկել է ավելի քան 43900 քարտ, որոնց մեջ Visa քարտերը կազմել են 32984, իսկ տեղադրված բանկոմատների քանակը`69: Հետագայում բանկը մտադիր է թողարկել նաև չիպային քարտեր և ավելացնել բանկոմատների ու թերմինալների ցանցը, ինչպես նաև մասնակցել MasterCard համակարգին:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի