Երկուշաբթի, 26 Հուլիսի 2010 11:47
2011 թվականին Հայաստանում կսկսվի քարտային նախագծերի ՙբում՚
ԱրմԻնֆո. 2011 թվականին Հայաստանում կսկսվի քարտային լոյալ նախագծերի ՙբում՚: ԱրմԻնֆո գործակալության հետ հարցազարույցում նման կարծիք է արտահայտել Յունիբանկի Վարչության անդամ, քարտային բիզնեսի զարգացման տնօրեն Մեսրոպ Հակոբյանը:
Նա գտնում է, որ մինչ այդ բանկերը պետք է տեխնիկապես կահավորվեն: Միաժամանակ Մ.Հակոբյանը տեղեկացրել է, որ Յունիբանկն արդեն այսօր բոլոր ջանքերն է գործադրում այդ ուղղությամբ: Մասնավորապես, բանկն ակտիվորեն աշխատում է սեպտեմբեր-հոկտեմբեր ամիսներին իր սեփական պրոցեսինգային կենտրոնը գործարկելու ուղղությամբ: Նրա խոսքերով, նոր պրոցեսինգային կենտրոնին բանկի կողմից ուղղվել է շուրջ 1 մլն.դոլար: Smart Vista ծրագրային ապահովումով պրոցեսիգային կենտրոնը բանկը գնել է ռուսական BPC ընկերությունից, որը պետք է մշակի ծրագրային բոլոր լուծումները, իսկ անհրաժեշտության դեպքում կիրականացնի նաև համապատասխան սարքավորումների տեղափոխումը Երևան:
Ինչպես տեղեկացրել է Մ.Հակոբյանը, սեփական պրոցեսինգի գործարկումով կընդյալնվի Յունիբանկի ծառայությունների շրջանակը, մասնավորապես, արտադրողների ու առևտրի ցանցերի հետ կստեղծվեն համատեղ նախագծեր: ՙՄենք արդեն նախնական համաձայնագրեր ենք ձեռք բերել մի քանի հայտնի ընկերությունների հետ` լոյալ ծրագրի գործարկման նպատակով, որը հիմնված է բոնուսային միավորների վրա: Այսպես, հաճախորդը, վճարելով տարբեր տեսակի ապրանքների ու ծառայությունների դիմաց, միաժամանակ կարող է ստանալ դրամական տեսքով միավորներ, որոնք կկուտակվեն նրա քարտային հաշվի վրա՚,-բացատրել է նա, ավելացնելով, որ բոնուսային միավորները սահմանվում են առևտրի կամ սպասարկման այն կետի կողմից, որտեղ հաճախորդն իրականացնում է տրանսակցիաները: Նրա խոսքերով, չիպային քարտերի վրա հիմնված լոյալ նախագիծը քարտապաններին հնարավորություն կտա ստանալ on-line real time հաշվեկշիռ, այսինքն, գործարքի ժամանակ ստանալով բոնուսները նա իսկույն կարող է տեսնել իր միավորները:
Նոր պրոցեսինգի շրջանակներում բանկը նախատեսում է իրական բազմարժութային քարտեր, որը նախատեսում է քարտի վրա տարբեր արժույթներով հաշիվներ: Այսինքն, սա որ միայն multicurrency է, այլ նաև multicard multicurrency, ինչը ձեռնտու է ցանկացած արժույթի օգտագործման տեսանկյունից:
Միաժամանակ, Մ.Հակոբյանը հաստատել է, որ սեփական պրոցեսինգային կենտրոնի առկայությունը երբեք էլ չի նշանակում, որ Յունիբանկը դուրս կգա Armenian Card ազգային վճարային համակարգից, որի լիիրավ անդամն է և թողարկում է ArCa քարտեր: ՙՈրպեսզի սեփական էմբոսսերի կողմից թողարկված քարտերը կարողանան անարգել սպասարկվել Armenian Card համակարգի բանկոմատների ցանցում, իսկ ArCa քարտերը`Յունիբանկի պրոցեսինգային կենտրոնում, մենք ArCa հետ արդեն նախաձեռնել ենք երկու պրոցեսինգային համակարգերի H2H երկկողմանի միացումը՚,-ընդգծել է Մ.Հակոբյանը, ավելացնելով, որ հաճախորդների համար ամենագլխավոր առավելություններից մեկն էլ կլինի Յունիբանկի քարտերով տրանսակցիաների կոմիսիոն վճարների իջեցումը, քանի որ այդ ծառայությունների ինքնարժեքը նույնպես կիջնի:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ