Երեթշաբթի, 10 Օգոստոսի 2010 13:12
Հայաստանի բանկային համակարգի կուտակված շահույթը 2010 թվականի երկրորդ եռամսյակում ավելացել է 1,3 %-ով` մինչև 223.4 մլն դոլար
ԱրմԻնֆո. Հայաստանի բանկային համակարգի կուտակված շահույթը 2010 թվականի առաջին կիսամյակում ավելացել է 9,6 %-ով, երկրորդ եռամսյակում` 1,3 %-ով, իսկ տարեկան կտրվածքով` 14,3 %-ով, հունիսի 30-ի դրությամբ հասնելով 82.1 մլրդ դրամի (223.4 մլն դոլար): Ընդհանուր կապիտալում կուտակված շահույթի բաժինը կազմել է 27%: ԱրմԻնֆո գործակալության նախապատրաստած Հայաստանի առևտրային բանկերի ռենքինգի տվյալներով, կուտակված շահույթը դրական մակարդակում է արձանագրվել18 բանկերում, որոնց միագումար կուտակված շահույթը հունիսի 30-ի դրությամբ կազմել է 84.2 մլրդ դրամ (229 մլն դոլար), բացասական մակարդակում է 3 բանկերի գծով, որոնց միագումար վնասը նշված ամսաթվին կազմել է 2.1 մլրդ դրամ (5.6 մլն դոլար):
Կուտակված շահույթի գծով առաջատարն է ՙԱկբա-Կրեդիտ Ագրիկոլ Բանկը՚` 14.7 մլրդ դրամ կամ 40.1 մլն դոլար (տարեկան աճը` 42,8%, 2-րդ եռամսյակում` 6,5%): Նրան հետևում են ՙԷյչ-Էս-Բի-Սի Բանկ Հայաստանը՚` 11.1 մլրդ դրամ կամ 30.1 մլն դոլար (տարեկան աճը`112%, 2-րդ եռամսյակում` 8,6%), ՙԿոնվերս Բանկը՚` 9.2 մլրդ դրամ կամ 25.1 մլն դոլար (տարեկան աճը`3,1%, 2-րդ եռամսյակում` 5,7%), ՙՎՏԲ-Հայաստան Բանկը՚` 8.9 մլրդ դրամ կամ 24.4 մլն դոլար (տարեկան աճը`77,5%, 2-րդ եռամսյակում` 13,7%) և ՙԱրդշինինվեստբանկը՚` 8.6 մլրդ դրամ կամ 23.3 մլն դոլար (տարեկան աճը` 7,3%, 2-րդ եռամսյակում` 6,6%): Վնասի առավել չափը բաժին է ընկել ՙԲՏԱ Բանկին՚` 1.3 մլրդ դրամ (3.5 մլն դոլար)` 10,1% տարեկան աճով և 4,1% եռամսյա անկումով:
Ընդհանուր առմամբ 21 գործող առևտրային բանկերից (հունիսի կեսին ՙԿասկադ Բանկը՚ միավորվեց ՙԱմերիաբանկի՚ հետ) կուտակված շահույթի տարեկան աճ է ապահովել16 բանկ: Կուտակված շահույթի զգալի տարեկան աճ է արձանագրվել ՙԱրմսվիսբանկում՚ և ՙՀայէկոնոմբանկում՚` ավելի քան 2 անգամ: Տարեկան առավել անկում է արձանագրվելՙՀայէկոնոմբանկում՚ և ՙԲԻԲԼՈՍ Բանկ Արմենիան՚` 88,8% և 78,3% համապատասխանաբար: 2010 թվականի 2-րդ եռամսյակում կուտակված շահույթն ավելացել է 15 բանկերում, իսկ առավել եռամսյակային աճ է ապահովել ՙՄելլաթ Բանկը՚` 83,2%, իսկ ամենաէական եռամսյակային անկում է արձանագրվել ՙՀայէկոնոմբանկում՚ և ՙԲԻԲԼՈՍ Բանկ Արմենիայում՚` 89% և 55% համապատասխանաբար:
Հարկ է նշել, որ ՙԿասկադ Բանկը՚, որը 2009 թվականի հուլիսի կեսին միավորվել է ՙԿասկադ Կրեդիտ՚ ՈՒՎԿ հետ, 2010 թվականի մարտի 31-ին միաձուլման շուրջ համաձայնագիր է ստորագրել ՙԱմերիաբանկի՚ հետ` հունիսի կեսին ավարտելով միավորվման և շուկայում ՙԱմերիաբանկի՚ բրենդով գործելու գործընթացը, ինչի առնչությամբ այս ռենքինգում բերվում են համախմբված տվյալներ:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին