Չորեքշաբթի, 8 Սեպտեմբերի 2010 15:25
Յունիբանկը կներկայացնի U-100 նոր վարկային քարտը
ԱրմԻնֆո. Յունիբանկն առաջարկում է օգտվել Visa համակարգի քարտերով ստեղծված նոր բանկային պրոդուկտից` U-100 բանկային քարտից, որի լիմիտը կազմում է մինչև 300 հազ.դրամ:
Ինչպես ԱրմԻնֆո գործակալության տեղեկացրել են Յունիբանկի մամուլի ծառայությունից, վարկ կարող են ձևակերպել բացասական վարկային պատմություն չունեցղ բոլոր ֆիզիկական անձինք: Քարտը ստանալու համար բավական է ներկայացնել անձնագիրը, սոցիալական քարտը և աշխատանքի վայրից տեղեկանք աշխատավարձի և զբաղեցրած պաշտոնի վերաբերյալ` եթե հարցվող գումարը գերազանցում է 100 հազ.դրամը:
Վարկի ժամկետը կազմում է 24 ամիս, քարտը տրվում է անվճար, առանց տարեկան սպասարկման վճար գանձելու: Վարկի տոկոսադրույքը կազմում է տարեկան 24%:
Ընդ որում, U-100 քարտի քարտապանին տրամադրվում է 30-օրյա արտոնյալ ժամկետ, որի ընթացքում հաճախորդն ազատվում է վարկի տոկոսները մարելուց: Քարտի տրամադրումն ու վարկի հատկացումը տեղի է ունենում առնվազն 5 աշխատանքային օրում: Քարտը կարելի է ստանալ Յունիբանկի բոլոր 33 մասնաճյուղերում:
Յունիբանկն ունի վարկային քարտերի լայն տեսականի, բոլոր`սպառողական, տուրիստական, բուժսպասարկման վճարների, ապահովագրության և այլ նպատակների համար: Սեփական պրոցեսինգային կենտրոնի գործարկումից հետո, որը տեղի կունենա աշնան սկզբին, բանկն արտադրողների ու առևտրի ցանցերի հետ համատեղ նախագծեր ստեղծելու հնարավորություն կստանա, հաճախորդներին առաջարկելով լոյալության նոր ծրագրեր, որը հիմնված կլինի բոնուսային միավորների վրա: Այսպես, վճարելով զանազան ապրանքների ու ծառայությունների դիմաց հաճախորդը, միաժամանակ կարող է վաստակել միավորներ գումարային տեսքով, որոնք կկուտակվեն նրա քարտային հաշվին:
ՙԱյսպիսվ, քարտապանները կսկսեն պլաստիկ քարտերն ընկալել ոչ միայն որպես կանխիկացման, այլ որպես մի շարք առավելությունների ստացման միջոց, որոնք նրանք չեն կարող ստանալ այլ պայմաններում, քանի որ մեր կողմից մշակված պրոդուկտներն իրենց էությամբ յուրահատուկ են: Մեր գլխավոր նպատակն է հաճախորդներին ապացուցել, որ բանկում փողերը պահելը ձեռնտու է առաջին հերթին իրենց համար՚,-նշել է Յունիբանկի Վարչության նախագահի տեղակալ, մանրածախ բիզնեսի տնօրեն Մեսրոպ Հակոբյանը:
Ներկայումս Յունիբանկի կողմից թողարկված քարտերի թիվը հասնում է 60 հազարի, տեղադրված բանկոմատների քանակը`70-ի, POS-Թերմինալնրի քանակը` 656-ի: Բանկը թողարկում և սպասարկում է տեղական ArCa և միջազգային Visa քարտեր:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ