Չորեքշաբթի, 15 Սեպտեմբերի 2010 12:07
«Առէկսիմբանկ Գազպրոմբանկի Խումբ» կատարելագործում է իր տեխնոլոգիական բազան
«Առէկսիմբանկ Գազպրոմբանկի Խումբ» ՓԲԸ տեղեկատվական տեխնոլոգիաների վարչության ղեկավար Հասմիկ Ներսիսյանի հարցազրույցը ԱրմԻնֆո գործակալությանը
«Առէկսիմբանկ Գազպրոմբանկի Խումբ» ՓԲԸ ռազմավարական խնդիրներից մեկն էլ, անկասկած, հանդիսանում է տեխնոլոգիական բազայի և ՏՏ-տեխնոլոգիաների մշտական կատարելագործումը: Բանկում արդեն հաջողությամբ ներդրվել և գործում են Բանկ-Հաճախորդ և Ինտերնետ_բանկինգ համակարգերը: Ավարտվել է միգրացիան դեպի Գազպրեմբանկի «ԳազՔարդՍերվիս» պրոցեսինգային կենտրոն: Դա մեր բանկին պլաստիկ քարտերի շուկայում տալիս է տեխնոլոգիապես նոր ծառայությունների մատուցման յուրահատուկ հնարավորություն: Այսպես, մենք մեր քարտապանների շարժական կապի հեռախոսների համար առաջարկում ենք «Տելեքարդ» համակարգի ծառայությունները, ինչը հնարավորություն է տալիս SMS-հաղորդագրությունների միջոցով հեշտությամբ կառավարել վճարային համակարգերը, միաժամանակ կատարելով փոփոխություններ և վերահսկելով քարտերով գործարքները: Բացի այդ, բանկի բանկոմատների միջոցով կարելի է կատարել կոմունալ վճարներ: Իսկ վերջերս, արդեն, մեր բանկի քարտեր ստանալ ցանկացողներն այն կարող են պատվիրել On-line ռեժիմով, մեր կայգի միջոցով:
Աշխատո՞ւմ է արդյոք բանկում քարտից քարտ գումարների փոխանցման համակարգը:
Այո, բանկն այդ ծառայությունը մատուցում է բանկոմատների միջոցով, ընդ որում, եթե այսօր փոխանցումները կարելի է իրականացնել Առէկսիմբանկի կողմից թողարկված քարտերի միջև, ապա մինչև տարեվերջ Առէկսիմբանկի քարտերից հնարավոր կլինի փոխանցումներ կատարել նաև Գազպրոմբանկի և այլ քարտերի վրա: Այս ծառայությունը որոշակիորեն կփոխարինի վճարահաշվարկային համակարգերի միջոցով իրականացվող դրամական փոխանցումները: Բացի այդ, մենք հանդիսանում ենք ArCa ազգային վճարային համակարգի անդամ` սպասարկող բանկի կարգավիճակով:
Ներդրվա՞ծ է արդյոք բանկում էլեկտրոնային փաստաթղթաշրջանառության համակարգ:
Բանկի ներամուծություններից մեկն էլ հանդիսանում է աստիճանաբար անցումը էլեկտրոնային փաստաթղթաշրջանառությանը` փաստաթղթերի հետ աշխատանքների միասնական համակարգին, որը ներկայացված կլինի էլեկտրոնային տեսքով, «անթուղթ գործավարության» հայեցակարգի իրականացման շրջանակներում: «Առէկսիմբանկ Գազպրոմբանկի Խումբ» ՓԲԸ Հայաստանի բանկերից առաջինն էր, որ սկսեց այդ գործընթացը, որը, ի դեպ, բավականին թանկ ու երկարաժամկետ, սակայն արդյունքում` արդյունավետ գործընթաց է, չէ՞ որ էլեկտրոնային ձևաչափը թույլ է տալիս զգալիորեն կրճատել փաստաթղթերի շրջանառության ժամկետը, բարձրացնում է աշխատանքի օպերատիվությունը, և որպես հետևանք`կառավարման մակարդակը բանկում: Արևմտյան խորհրդատվական ընկերությունների գնահատականներով, անիմաստ թղթաբանության վրա ընկերությունների աշխատակիցները կորցնում են իրենց աշխատանքային ժամանակի 20-30 տոկոսը, և հետևաբար, կառավարման փաստաթղթերի շրջանառության ավտոմատացման անհրաժեշտության հարցը վաղուց արդեն գտնվում է պրակտիկ հարթության վրա: Համակարգը ներդրվել է օգոստոսի վերջին, իսկ էլեկտրոնային փաստաթղթաշրջանառությանն անցնելու գործընթացը, կադրերի պատրաստման հետ միասին, կավարտվի 2010 թվականին: Այստեղ շատ կարևոր է նաև այն, որ բանկի հետ միասին էլեկտրոնային փոստաթղթաշրջանառությանն են ուզում անցնել նաև մեր խոշոր հաճախորդներից շատերը: Նման անցումը, անկասկած, նկատելիորեն կարագացնի շփումները բանկի և հաճախորդների միջև, միաժամանակ բարձրացնելով սպասարկման որակը: Եվ վերջապես, 2013 թվականին մեր պլանների մեջ է մտնում նաև լիակատար անցումը բանկային ՏՏ-տեխնոլոգիաների` ISO 27000 ստանդարտներին:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ