Երեթշաբթի, 5 Հոկտեմբերի 2010 16:10

ՙՅունիբանկը՚ մասնաճյուղ է բացել Նորքի 7-րդ զանգվածում

ԱրմԻնֆո. Ինչպես ԱրմԻնֆո գործակալությանը տեղեկացրել են Յունիբանկի մամուլի ծառայությունից, այս տարվա հոկտեմբերի 5-ից իր գործունեությունը կսկսի ՙՅունիբանկ՚-ի թվով 34-րդ մասնաճյուղը ` ՙԴավիթ Բեկ՚-ը: Նորաբաց մասնաճյուղը գտնվում է ք.Երեւան, Նորքի 7-րդ զանգված, Ավետիսյանի 28/10 հասցեում: ՙԴավիթ Բեկ՚ մասնաճյուղը կիրականացնի համալիր բանկային սպասարկում, այդ թվում` ավանդների ընդունում, բանկային քարտերի տրամադրում եւ սպասարկում, հաշվարկադրամարկղային սպասարկում, դրամական փոխանցումների իրականացում, վարկավորում, կոմունալ վճարումների ընդունում եւ այլն: Մասնաճյուղը հաճախորդներին կսպասարկի ժամը 9:15-ից մինչեւ 17:00-ը, հանգստյան օրերն են` շաբաթը եւ կիրակին:

Մանրածախ բանկային բիզնեսի զարգացումը ՙՅունիբանկ՚-ի գործունեության առաջնային ուղղությունն է: Իսկ դա ենթադրում է ինչպես մայրաքաղաքային, այնպես էլ` մարզային լայն մասնաճյուղային ցանցի առկայություն: Մասնաճյուղերի քանակի ավելացմամբ Բանկը ձգտում է ներկայացված լինել երկրի բոլոր վարչական շրջաններում` հետեւողականորեն իրականացնելով ՙբանկային սպասարկում տան մոտ՚ ռազմավարությունը:

Հիշեցնենք, որ ՙՅունիբանկ՚-ի երեք մասնաճյուղեր` ՙԱմիրյանը՚, ՙԿոմիտասը՚ եւ ՙՄալաթիան՚ հաճախորդներին սպասարկում են մինչեւ ժամը 20:30-ը, իսկ ՙԶվարթնոց՚ մասնաճյուղը աշխատում է շուրջօրյա: Բանկի բոլոր մասնաճյուղերը միացված են տվյալների միասնական բազային եւ աշխատում են online ռեժիմում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	3.85	0.02
USD	395.05	0.14
EUR	410.46	-0.52
GBP	494.09	-5.04
CAD	274.66	0.23
JPY	25.20	0.04
CNY	54.13	0.01
CHF	441.54	0.69

Նորություններ

ՙՅունիբանկը՚ մասնաճյուղ է բացել Նորքի 7-րդ զանգվածում