Ուրբաթ, 15 Հոկտեմբերի 2010 17:41

IFC-ն օգնում է Ամերիաբանկին բարելավելու ռիսկերի կառավարման համակարգը` առաջարկելով նորարարական ֆինանսական գործիքներ

ԱրմԻնֆո. Համաշխարհային բանկի խմբի անդամ IFC-ն օգնում է Ամերիաբանկին առաջին անգամ ընդգրկվելու միջազգային տոկոսադրույքի և արժույթային սվոպների (swap) գործարքների մեջ, ինչը նոր խթան կհանդիսանա Հայաստանի ֆինանսական համակարգի զարգացման համար` նվազեցնելով փոխարժեքի և տոկոսադրույքի ռիսկերը:

ՙԱյս գործարքը մեզ կօգնի բարելավել ռիսկերի կառավարման համակարգը, ինչն առանձնահատուկ կարևորություն ունի հետճգնաժամային ժամանակամիջոցում՚, ասաց Ամերիաբանկի ներդրումային բանկային գործառնությունների գծով տնօրեն Անդրեյ Շինկևիչը:

IFC-ն և Ամերիաբանկն այսօր ստորագրել են Միջազգային սվոպների և ածանցյալ գործիքների միավորման հիմնական համաձայնագիրը, որը ռիսկերի կառավարման գործարքների համար հանդիսանում է միջազգային ստանդարտ: Ըստ այդ համաձայնագրի, IFC-ն Ամերիաբանկին կտրամադրի ամերիկյան դոլարով արտահայտված տոկոսադրույքի սվոպ և բազմարժույթային սվոպներ, որով և հնարավորություն կտա բանկին ավելի լավ կառավարելու ներգրավված ֆինանսական միջոցների տոկոսադրույքի ռիսկը, ինչպես նաև եվրոյով արտահայտված ավանդային բազայի արտարժույթի ռիսկը և տրամադրելու ավանդային պրոդուկտների ավելի մեծ տեսականի իր հաճախորդներին:

IFC-ի կովկասյան տարածաշրջանի ղեկավար Թոմաս Լյուբեքն ասել է. ՙՍա մեր առաջին սվոպ համաձայնագիրն է Հայաստանում, և մենք ուրախ ենք, որ ապահովում ենք ֆինանսական տեխնոլոգիայի այս բարձր մակարդակը: Այն ռիսկերի կառավարման կարևոր գործիք կտրամադրի մեր վստահելի գործընկեր Ամերիաբանկին՚:

Ամերիաբանկն IFC-ի հաճախորդն է դարձեյ 2009 թվականին, երբ միացել է IFC-ի ՙԱռևտրի համաշխարհային ֆինանսավորման ծրագրին՚: Գործընկերությունն էլ ավելի է ամրացել 2009 թվականի դեկտեմբերին, երբ IFC-ն Ամերիաբանկին տրամադրեց 15 մլն ԱՄՆ դոլարի հիմնական վարկ փոքր հիդրոէլեկտրակայանների ֆինանսավորման նպատակով` զարկ տալու վերականգնվող էներգամատակարարմանը և նվազեցնելու ջերմոցային գազերի արտազատումները Հայաստանում: IFC-ն ներդրումը համալրել է խորհրդատվական ծառայություններով` օգնելու բանկին գնահատել և ուսումնասիրել ծրագրերը, ուշադրությունը կենտրոնացնելով դրանց բնապահպանական և ֆինանսական կողմերի վրա:

Հայաստանն IFC-ի անդամ է դարձել 1995 թվականին Առ այսօր IFC-ն կատարել է 87 մլն ԱՄՆ դոլարի հասնող ներդրում տնտեսության մի շարք ոլորտներում իրականացվող 18 ծրագրերում, ներառյալ` ֆինանսական շուկաները, ընդհանուր արտադրությունը, կայուն էներգետիկան, հանքարդյունաբերությունն ու քիմիական արդյունաբերությունը: IFC-ի խորհրդատվական ծառայություններն ուղղված են զարգացնելու երկրի ֆինանսական ոլորտը, ստեղծելու կայուն էներգետիկա և պարզեցնելու ենթաօրենսդրական դաշտը:

Նշենք, որ Համաշխարհային բանկի խմբի անդամ IFC-ն զարգացող երկրներում համաշխարհային զարգացման ամենախոշոր հաստատությունն է, որի ուշադրությունն ուղղված է մասնավոր հատվածին: Մենք մարդկանց համար ստեղծում ենք աղքատությունից խուսափելու և կենսամակարդակը բարելավելու հնարավորություններ: Մենք այդ անում ենք տրամադրելով ֆինանսավորում` աջակցելով գործարարներին ավելի ու ավելի շատ մարդկանց աշխատանքով ապահովելու և հիմնական ծառայություններ մատուցելու գործում, համախմբելով կապիտալն այլ աղբյուրներից և տրամադրելով խորհրդատվական ծառայություններ` ապահովելու կայուն զարգացում: Համաշխարհային տնտեսության համար անկայուն ժամանակներում մեր նոր ներդրումները 2009թ.-ի ֆինանսական տարում հասել են ռեկորդային 18 միլիարդ դոլարի:

Ամերիաբանկը Հայաստանի առավել դինամիկ բանկերից մեկն է և դասվում է երկրի ամենակայուն ֆինանսական հաստատությունների շարքին: Այն Հայաստանում առաջին ներդումային բանկն է և սկսած 2007թ.-ից տրամադրում է նորարական բանկային պրոդուկտների լայն տեսականի: Ամերիաբանկը հիմնականում վարում է կորպորատիվ և ներդրումային բանկային գործունեություն: Այն պատկանում է ռուսաստանյան առաջատար ներդրումային բանկային ՙՏրոյկա դիալոգ՚ խմբի հետ փոխկապակցված TDA Holdings Limited ընկերությանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.90	0.01
USD	381.47	-0.04
EUR	449.14	-0.89
GBP	514.56	-1.05
CAD	278.81	-0.23
JPY	24.39	-0.07
CNY	54.44	-0.02
CHF	483.12	-1.71

Նորություններ

IFC-ն օգնում է Ամերիաբանկին բարելավելու ռիսկերի կառավարման համակարգը` առաջարկելով նորարարական ֆինանսական գործիքներ