Չորեքշաբթի, 10 Նոյեմբերի 2010 18:54

Ամերիաբանկը ուսանողների համար հայտարարել է մրցույթ` ՙՀՀ բանկային համակարգը 100 տարի անց՚ թեմայով

ԱրմԻնֆո. Բանկը հայտարարել է մրցույթ ՙՀՀ բանկային համակարգը 100 տարի անց՚ թեմայով: Ինչպես ԱրմԻնֆո գործակալությանը տեղեկացվել է Ամրիաբանկի մամուլի ծառայությունից, մրցույթին կարսղ են մասնակցլ բոլոր այն ԲՈՒՀ-երի ուսանողները, որոնք համագործակցության պայմանագիր ունեն Ամերիաբանկի հետ Երևանի պետական համալսարան, Հայաստանի պետական տնտեսագիտական համալսարան, Հայաստանի ամերիկյան համալսարան, Հայաստանում ֆրանսիական համալսարան հիմնադրամ, Հայ-ռուսական /սլավոնական/ պետական համալսարան:

Մրցույթին կարող են մասնակցել նշված ԲՈՒՀ-երի բոլոր այն ուսանողները, ովքեր ունեն համարձակ մտահղացումներ, նորարարական մտքի բարձր թռիչք, անպարագիծ ու վառ երևակայություն` պատկերացնելու ՀՀ բանկային համակարգը 100 տարի անց: Մրցույթի հաղթողների համար սահմանված է մրցանակային ֆոնդ` ըստ զբաղեցրած երեք մրցանակային տեղերի` I տեղ`300,000 ՀՀ դրամ, II տեղ` 200,000 ՀՀ դրամ, III տեղ` 100,000 ՀՀ դրամ: Հայտարարված մրցույթը նպատակ ունի բացահայտել հետաքրքիր, ոչ ստանդարտ մտածողությամբ անձանց, ովքեր Ամերիաբանկում կստանան հետագա մասնագիտական աճի հնարավորություն:

Ամերիաբանկ ՓԲԸ կորպորատիվ, ներդրումային բանկ է, որն իրականացնում է կորպորատիվ և սահմանափակ մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի Տնօրենների խորհրդի նախագահն է Ռուբեն Վարդանյանը, Տնօրինության նախագահ-Գլխավոր տնօրենը` Արտակ Հանեսյանը: Ամերիաբանկի ռազմավարական գործընկերն է Տրոյկա Դիալոգ խումբը` Ռուսաստանի Դաշնության ամենամեծ ներդրումային ընկերություններից մեկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	3.85	0.02
USD	395.05	0.14
EUR	410.46	-0.52
GBP	494.09	-5.04
CAD	274.66	0.23
JPY	25.20	0.04
CNY	54.13	0.01
CHF	441.54	0.69

Նորություններ

Ամերիաբանկը ուսանողների համար հայտարարել է մրցույթ` ՙՀՀ բանկային համակարգը 100 տարի անց՚ թեմայով