Շաբաթ, 13 Նոյեմբերի 2010 12:16
Հայաստանի բանկային համակարգի վարկային ներդրումների ծավալները 2010 թվականի երրորդ եռամսյակում աճել են 7.6%, կազմելով 2.5 մլրդ.դոլար
ԱրմԻնֆո. Հայաստանի բանկային համակարգի կողմից իրականացված վարկային ներդրումների ծավալները 2010 թվականի հոկտեմբերի 1-ի դրությամբ կազմել են 902.9 մլրդ.դրամ ( 2.5 մլրդ.դոլար), տարվա կտրվածքով աճելով 27.2%, իսկ միայն երրորդ եռամսյակում` 7.6%: Ակտիվների կազմում վարկային ներդրումների բաժինը կազմել է 62.2%: Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, տնտեսության վարկավորման բաժինը կազմել է վարկավորման ընդհանուր ծավալների 64.1%, իսկ ֆիզիկական անձանց վարկավորման բաժինը` 30.9%:
Առևտրային բանկերի կողմից երկրի տնտեսության վարկավորման ծավալները 2010 թվականի հոկտեմբերի 1-ի դրությամբ կազմել են 579.1 մլրդ.դրամ կամ 1.6 մլրդ.դոլար, տարվա կտրվածքով աճելով 27.7%, իսկ միայն երրորդ եռամսյակում` 9.4%: Միևնույն ժամանակ, ֆիզիկական անձանց վարկավորման ընդհանուր ծավալներն աճել են 22.2%, իսկ միայն երրորդ եռամսյակում`0.2%, հոկտեմբերի 1-ի դրությամբ կազմելով 278.6 մլրդ. դրամ կամ 771 մլն.դոլար: Ի տարբերություն նախորդ տարիների, 2010 թվականի առաջին երկու եռամսյակներում ֆիզիկական անձանց վարկավորման աճի տեմպերը նկատելիորեն զիջում էին տնտեսության վարկավորման աճի տեմպերին, ինչը 2008-2009 թվականներին պայմանավորված էր համաշխարհային ճգնաժամով, երբ բանկերն ավելի զսպվածությամբ էին իրականացնում սպառողական վարկավորում, հիօպոթեկային վարկավորում և ավտովարկավորում, դրա փոխարեն ակտիվանալով ՓՄՁ վարկավորման լորտում, արդյունաբերական հատվածում, առևտրի և գյուղատնտեսության ոլորտներում: Մանրածախ սպառողական վարկավորման վերականգնումն սկսվեց դիտվել միայն 2009 թվականի չորրորդ եռամսյակից, հիմնականում, ՀՀ Կենտրոնական բանկի կողմից Ազգային հիպոթեկային ընկերության ստեղծման շնորհիվ: Դրա հետ մեկտեղ, ԿԲ գործարկեց ՙՄատչելի բնակարան երիտասարդ ընտանիքներին՚ ծրագիրը, որի շրջանակներում վերաֆինանսավորվում են հիպոթեկային վարկերը: Բացի այդ, ֆիզիկական անձանց վարկավորման տեմպերն սկսեցին աճել նաև ՀՀ ԿԲ և KfW միջև բնակարանային ֆինանսավորման կայուն շուկայի զարգացման ծրագրը շարունակելու շնորհիվ:
2010 թվականի 9 ամիսներին առևտրային բանկերի կողմից տնտեսության վարկավորման ամենամեծ աճ գրանցվել է` տրանսպորտի և կապի ոլորտում` 66.4%, սպասարկման ոլորտւմ` 28.4%, առևտրի ոլորտում` 24.6%, արդյունաբերության ոլորտում` 19.1%, շինարարության ոլորտում` 18.3%, գյուղատնտեսության ոլորտում`17.8%: Մանրածախ վարկավորման մեջ բանկերի հիպոթեկային պորտֆելը 2010 թվականի 9 ամիսներին աճել է 5.3%, միևնույն ժամանակ, ավտովարկավորման ծավալները կրճատվել են 21.1%:
Տնտեսության վարկավորման ծավալներով առաջատարների հնգյակն ունի հետևյալ տեսքը` Ամերիաբանկ` 78.4 մլրդ.դրամ, HSBC Բանկ Հայաստան` 61.7 մլրդ.դրամ, Հայբիզնեսբանկ` 61.2 մլրդ.դրամ, Յունիբանկ` 47.5 մլրդ.դրամ և ՎՏԲ-Հայաստան Բանկ` 41.3 մլրդ.դրամ: ProCredit Bank-ը, որը բանկային շուկա դուրս եկավ 2008 թվականի փետրվարին, սեպտեմբերի 1-ի դրությամբ կարողացել է ապահովել իր վարկային պորտֆելում տնտեսության վարկավորման տեսակարար կշռի 91%, որը կազմել է 14.6 մլրդ. դրամ: Տնտեսության վարկավորման ամենացածր ցուցանիշը վարկային պորտֆելում գրանցել է Մելլաթ Բանկը` 8.2% կամ 1.3 մլրդ.դրամ ¥20 տեղ¤:
Ֆիզիկական անձանց վարկավորմամբ առաջատարը ACBA-Credit Agricole Բանկն է` 49.5 մլրդ դրամ կամ վարկային ներդրումների 52.2%: Նրան հետևում են` ՎՏԲ-Հայաստան Բանկը` 29.7 մլրդ.դրամ կամ 40%, Յունիբանկը` 27.2 մլրդ.դրամ կամ 36.4%: Վարկային պորտֆելում ֆիզիկական անձանց վարկավորման տեսակարար կշռով առաջատարտ ԲՏԱ Բանկն է` 72.8% կամ 2.9 մլրդ.դրամ, որոնք հիմնականում սպառողական վարկեր են, իսկ այս ցուցանիշով ամենացածր արդյունքը գրանցել է ProCredit Bank – ը` 9.1% կամ 1.5 մլրդ.դրամ:
ՏՆտեսության վարկավորման եռամսյակային ամենամեծ աճ է ապահովել 14 բանկ, իսկ տարեկան աճ`15 բանկ: Եռամսյակային ամենամեծ աճ է ապահովել` Առէկսիմբանկ-Գազպրոմբանկի Խումբը` 42% կամ 32.3 մլրդ.դրամ, իսկ ամենամեծ եռամսյակային անկումը` Byblos Bank Armenia-ն` 7.8%: Ֆիզիկական անձանց վարկավորման ծավալներով եռամսյակային աճ է ապահովել 15 բանկ, իսկ տարեկան աճ` 16 բանկ: Մասնավորապես, ֆիզիկական անձանց ամենամեծ եռամսյակային աճն ապանովել է` Ամերիաբանկը` 12%, իսկ տարեկան աճը` ACBA- Credit Agricole Bank-ը` մոտ 2 անգամ, իսկ ամենամեծ եռամսյակային անկում է արձանագրել HSBC Բանկ Հայաստանը` 9%, իսկ տարեկան անկում` Մելլաթբանկը, 47%:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին