Հինգշաբթի, 12 Մայիսի 2011 18:01
ՎՏԲ-Հայաստան Բանկը VISA հոբելյանական քարտի տիրոջը հանձնել է 500 000 դրամ
Արմինֆո. ՙՎՏԲ-Հայաստան Բանկ՚ ՓԲԸ Հայաստանի բանկերից առաջինն է, որ թողարկեց 100 000-երրորդ VISA քարտը: Visa Electron հոբելյանական քարտը թողարկվել է 2011թ. մարտին ք. Երևանում: Visa քարտի հարյուր հազարերրորդ հաջողակ քարտապանը դարձավ ՎՏԲ-Հայաստան Բանկի հաճախորդ, ՙՀարավկովկասյան երկաթուղի՚ ՓԲԸ աշխատակից Խորեն Աբրահամյանը:
100 000-երրորդ Visa քարտի թողարկմանը և հանձնմանը նվիրված հանդիսավոր արարողությունը տեղի ունեցավ 2011թ. մայիսի 12-ին Golden Tulip հյուրանոցում :
ՎՏԲ-Հայաստան Բանկի Գլխավոր տնօրենի տեղակալ Մհեր Գրիգորյանը հոբելյանական քարտի շահողին հանձնեց 500 000 դրամի վկայական, որի գումարը նույն օրը փոխանցվել է վերջինիս Visa քարտի հաշվեհամարին: Բացի այդ Բանկը հնարավորություն տվեց շահողին մեկ տարվա ընթացքում օգտվել ՎՏԲ-Հայաստան Բանկի Visa վարկային քարտից զրոյական տոկոսադրույքով:
ԱՊՀ երկրներում (Հայաստան, Վրաստան և Մոլդովա) Visa բիզնեսի զարգացման գծով մենեջեր` Իրինա Կամխաձեն նշել է, որ ՎՏԲ-Հայաստան Բանկը հանդիսանում է Visa ընկերության երկարատև գործընկերը հայկական շուկայում: Բանկի սերտ համագործակցությունը հնարավորություն է տալիս ոչ միայն Հայաստանի քաղաքացիներին տրամադրել ունիվերսալ մեթոդ սեփական միջոցները Visa-ի հուսալի և հարմարավետ պրոդուկտների օգնությամբ կառավարելու համար, այլև օգնում է երկրի տնտեսության զարգացմանը անկանխիկ վճարումների ներդրման միջոցով:
Նա նշել է, որ Visa-ն հանդիսանում է գլոբալ վճարային համակարգ, որը աշխարհի ավելի քան 200 երկրների քարտապաններին, առևտրասպասարկման ձեռնարկություններին, ֆինանսական և կառավարական հաստատություններին հնարավորություն է տալիս արագ, ապահով և հուսալի օգտվել էլեկտրոնային վճարումների ցանցից: Էլեկտրոնային վճարումները իրականացվում են VisaNet գլոբալ ինովացիոն պրոցեսինգային համակարգի միջոցով, որը կարող է իրականացնել ավելի քան 20 000 գործարք վայրկյանում, զերծ պահելով սպառողներին խաբեություններից: Visa-ն բանկ չէ, չի թողարկում վճարային քարտեր, չի սահմանում սակագներ և տոկոսադրույքներ սպառողների համար, ինչպես նաև չի տրամադրում վարկեր քարտապաններիրն: Իր հերթին Visa-ի ինովացիոն որոշումները թույլ են տալիս ֆինանսական կազմակերպություններին իրենց հաճախորդներին առաջարկել ֆինանսական գործիքների լայն ընտրանի, այդ թվում դեբետային, կանխավճարային և վարկային քարտային պրոդուկտներ:
ՙՎՏԲ-Հայաստան Բանկը սերտ համագործակցում է Visa ընկերության հետ: 100 000-երրորդ Visa քարտի թողարկումը կարևորագույն ձեռքբերում է, որը վկայում է ՎՏԲ-Հայաստան Բանկի քարտային բիզնեսի զարգացման ռազմավարության հաջողության և մեր հաճախորդների միջև Visa քարտերի պահանջարկի, ինչպես նաև Հայաստանում բանկային պլաստիկ քարտերի շուկայում ՎՏԲ-Հայաստան Բանկի և Visa-ի առաջաատար դիրքերի մասին: ՎՏԲ-Հայաստան Բանկի Visa վճարային քարտը մեր հաճախորդներին հնարավորություն է տալիս արագ և հարմարավետ գնումներ կատարել բոլոր այն առևտրասպասարկային կետերում, որտեղ ընդունվում են Visa վճարային քարտեր` ինչպես Հայաստանում, այնպես էլ ողջ երկրում: Բացի այդ, Բանկի հաճախորդները Հայաստանի տարածքում ավելի քան 200 առևտրասպասարկային կետերում Visa քարտով վճարումներ կատարելիս կարող են ստանալ զեղչեր մինչև 40%՚,-նշել է ՎՏԲ-Հայաստան Բանկի Գլխավոր տնօրենի տեղակալ` Մհեր Գրիգորյանը:
ՎՏԲ-Հայաստան Բանկը հանդիսանում է Visa Intenational միջազգային վճարային համակարգի լիիրավ անդամ 2002 թվականից և ունի Visa քարտի թողարկման և սպասարկման վկայագիր: Բանկն իր անհատ և կորպորատիվ հաճախորդներին առաջարկում է Visa Electron, Visa Classic, Visa Gold և Visa Business քարտեր և Visa քարտերի թողարկմամբ հայկական շուկայում գրավում է առաջատար դիրքեր:
ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է ՎՏԲ-Հայաստան Բանկի 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում-68 մասնաճյուղ:
Ըստ ԱրմԻնֆո գործակալության ՙՀայաստանի բանկերը քարտային բիզնեսում՚ Տեղեկագրի, 2010 թվականի հոկտեմբերի 1-ի դրությամբ ակտիվ քարտերի քանակը հասել է 685 հազարի: Դրանց 44.7%-ը կամ մոտ 306 հազ.քարտ կազմել է ArCa քարտերի բաժինը, Visa քարտերը կազմել են 250 հազար կամ 36.4%, իսկ MasterCard քարտերը` 130 հազար կամ 18.9%: Ակտիվ քարտերի ընդհանուր քանակը տարվա կտրվածքով աճել է 32%, որտեղ ArCa քարտերն աճել էմ 20%, միջազգային Visa քարտերը` 36% և MasterCard քարտերը` 60%:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ