Երկուշաբթի, 20 Հունիսի 2011 19:45
ԻՆԳՈ-Արմենիան նոր պրոդուկտ է պատրաստում` գյուղապահովագրություն
Արմինֆո. ՙԻՆԳՈ Արմենիա՚ ապահովագրական ընկերությունը պատրաստվում է շուկա հանել նոր պրոդուկտ` գյուղատնտեսական ռիսկերի ապահովագրություն: Այս մասին ԱրմԻնֆո գործակալությանը տեղեկացվել է ընկերության տնօրեն Լևոն Ալթունյանը, հունիսի 18-19 Աղվերանում լրագրողների համար կազմակերպված սեմինարի ընթացքում: ԻՆԳՈ Արմենիայի կողմից կազմակերպված սեմինարում: Կրթական ծրագրի շրջանակներում, ընկերության մասնագետները լրագրողներին ներկայացրել են ապահովագրության առանձնահատկություններին, ախահովագրական ծառայությունների տեսակներին, զուգեհեռներ անցկացնելով զարգացած երկրների շուկաների միջև:
Լ.Ալթունյանի խոսքերով,ընկերությունը նախատեսում է գյուղատնտեսական ռիսկերի ապահովագրության նոր պրոդուկտը շուկա հանել ընթացիկ տարվա հուլիս-օգոստոս ամիսներին: ՙԾառայությունների սակագները կախված կլինեն ռիսկերի ծավալներից՚,-նշել է նա:
Միաժամանակ, խոսելով պարտադիր ապահովագրության ինստիտուտի ներդրման մասին, Լ.Ալթունյանը վստահություն է հայտնել, որ անցումն այդ համակարգին պետք է լինի աստիճանաբար: ՙԵթե ԱՊՊԱ-ում մենք գործ ունենք բացառապես ԱՃՊ, ֆինանսական հարցերի հետ, իսկ հատուցումներն իրականացվում են գնահատողների ինստիտուտի միջոցով, ապա բժշկական ապահովագրության պարագայում հարցը ոչ միայն վնասի գնահատման, այլ նաև բժշկական ծառայությունների պրովայդերների, կլինիկաների, ամբուլատորիաների, պոլիկլինիկաների և մասնագետների աշխատանքի մեջ է, որոնք վաղուց արդեն կայացել են որպես կառույցներ, հասցնելով նաև ոսկրանալ, աճեցնելով իրենց մինուսներն ու արատները: Առանց այս ամենն արմատախիլ անելու իմաստ չունի խոսել լիարժեք բժշկական ապահովագրության մասին՚,-ընդգծել է ընկերության տնօրենը: Ներկայացնելով բժշկական ապահովագրության հատուցման մեթոդաբանութունը, ընկերության Խորհրդի անդամ Վլադիմիր Մանգոյանը տեղեկացրել է, որ հունվարից սկսած ընկերությունն ստացել է հատուցման 7554 հայտ, 133 մլն.դրամ գումարով: Ընդ որում, վճարվել է 6056 հայտերի դիմաց, 104.4 մլն.դրամ, մերժվել է 328 հայտատուների` 20.2 մլն.դրամ, և մասնակիորեն հատուցվել է 249 հայտատուների, 10.2 մլն.դրամ ընդհանուր գումարով, իսկ ամբողջովին հատուցվել է 79 դեպքերով, 10 մլն.դրամ ընդհանուր գումարով:
Պատասխանելով կյանքի ապահովագրության ներդրման հետ կապված հարցին, Լ.Ալթունյանը նշել է, որ դա նույնպես որոշակի փուլերի անցման կարիք ունի, ինչի համար կպահանջվի առնվազն 1-1.5 տարի: ՙԱյս հարցի արդիականությունը կսկսի աճել կենսաթոշակային ռեֆորմի ներդրմանը զուգահեռ, մինչև կուտակային համակարգին անցնելը: Իմ կարծիքով, երկրի ապահովագրական ընկերություններից մեկը պատրաստ կլինի զբաղվել կյանքի ապահովագրությունով, հետևաբար, նաև կմասնակցի կենսաթոշակային ապահովագրությանը՚,-նշել է Լ.Ալթունյանը, հավելելով, որ ներկայումս ԻՆԳՈ Արմենիան չի դիտարկում մասնակցել կյանքի ապահովագրության շուկային:
Ներկայացնելով ընկերության ցուցանիշների կանխատեսումները, Լ.Ալթունյանը տեղեկացրել է, որ ընկերությունը չի պատրաստվում փոխել պորտֆելի դիվերսիկացման իր ռազմավարությունը: Մասնավորապես, ապահովագրական պորտֆելը համարյա հավասարաչափ բաշխված է պարտադիր և կամավոր տեսակների միջև, և յուրաքանչյուր բլոկը կարող է աճել մոտ 20%-ով: Միաժամանակ, նա տեղեկացրել է, որ տարեվերջին ընկերությունըը պատրաստվում է ապահովել 500 մլն.դրամ զուտ շահույթ, իսկ հունիսի 1-ին այն կազմել է 336 մլն.դրամ: Բացի այդ, ընկերությունը մտադիր է ընդլայնել գործակալների ցանցը ¥որը կազմված է 1347 գործակալներից¤ 800 նոր գործակալներով: Դրանից բացի, նոր հաճախորդներ ներգրավելու նպատակով ընկերությունը ներկայացուցչույթուններ կբացի հանրապետության տարբեր շրջաններում: 2011 թվականի հունիսի 1-ի դրությամբ ընկերության ակտիվները կազմել են 5.6 մլրդ.դրամ, ընդհանուր կապիտալը` 1.9 մլրդ.դրամ, կանոնադրական կապիտալը` 949.4 մլն.դրամ, իսկ հաճախորդների թիվը` 85000 հոգի:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ