Չորեքշաբթի, 5 Հոկտեմբերի 2011 18:00
ՀՀ վարչապետ. Արցախի տնտեսությունը պետք է զարգանա առաջանցիկ տեմպերով, և նրա ՀՆԱ-ի տեմպերը միշտ պետք է լինեն ավելի բարձր, քան ՀՀ միջին տնտեսական աճը
ԱրմԻնֆո. Վարչապետ Տիգրան Սարգսյանն այսօր մասնակցել է «Արցախ ՀԷԿե ընկերության բաժնետոմսերի 3-րդ թողարկման արարողությանը, որի ընդհանուր ծավալը կազմում է 3 մլրդ 673 մլն 926 հազար դրամ: Ինչպես տեղեկացնում է ՀՀ կառավարության տեղեկատվության և հասարակայնության հետ կապերի վարչությունը, բաժնետոմսերը տեղաբաշխվելու են ազատ բաժանորդագրության միջոցով, որը կտևի մինչ հոկտեմբերի 24-ը: Շնորհիվ բաժնետոմսերի լրացուցիչ երրորդ տեղաբաշխման՝ ընկերությունը կկարողանա ավարտել «Թրղե-2 և 3ե, «Մատաղիս 1 և 2ե ՀԷԿ-երի շինարարությունը, որոնք կոչված են ամբողջությամբ բավարարելու Արցախում էլեկտրաէներգիայի նկատմամբ ներքին պահանջարկը: Նախատեսվում է «Թրղե-2ե-ի շահագործումն սկսել այս տարվա հոկտեմբերին, իսկ «Մատաղիս-1 և 2ե-ը՝ 2012 թ. սկզբին: Ընկերության կապիտալի ավելացումը հնարավորություն կտա նաև ձեռնամուխ լինել «Թրղե կասկադիե 3-րդ ՀԷԿ-ի շինարարությանը, որը կսկսվի 2011 թ. երկրորդ կիսամյակում, իսկ շահագործումը նախատեսվում է սկսել 2013 թ.-ից:
Շնորհավորելով «Արցախ ՀԷԿե բաց բաժնետիրական ընկերության հաջող գործունեության արդյունքների կապակցությամբ՝ Տիգրան Սարգսյանը նշել է, որ ՀԷԿ-ն այս տարիների ընթացքում ապահովել է հուսալի եկամուտներ. «Բաժնետոմսերի 3-րդ թողարկումը ներդրողներին ապահովելու է շարունակական և հաջողված ծրագրի ներքո հուսալիություն և ապահով երաշխիքներ: «Արցախ ՀԷԿե-ի գործունեությունն իրականացվել է թափանցիկ: Հիմքերը, որոնք դրված են նրա զարգացման հայեցակարգում, հիմնված են Լեռնային Ղարաբաղի Հանրապետության էներգետիկ պաշարների գնահատման վրա: Սա կարևորագույն ռեսուրս է, որը մինչ այսօր չի օգտագործվել և մոտակա տարիների ընթացքում ունի, մի կողմից, հուսալիության բարձր աստիճան, մյուս կողմից՝ եկամտի ապահովման հուսալի գործիքներ: Դա նշանակում է, որ տարեցտարի այս նախագծի գրավչությունը բարձրանալու է: Համոզված եմ, որ ներդրողները նույնպես գնալով ավելանալու ենե:
Կառավարության ղեկավարի խոսքով՝ մի քանի տարի առաջ նախագծելով «Արցախ ՀԷԿե-ի ծրագիրը` իրականացվել է համարձակ քայլ. «Այսօր սա իրականություն է, և մենք ունենք շուրջ 1000 ներդրողներ, որոնք գոհ են այս նախագծից և 2 տարի անընդմեջ ստացել են իրենց շահաբաժինները: ԼՂՀ-ի զարգացումն այսօր մեզ համար գերակա խնդիր է: Արցախի տնտեսությունը պետք է զարգանա առաջանցիկ տեմպերով, և նրա ՀՆԱ-ի տեմպերը միշտ պետք է լինեն ավելի բարձր, քան Հայաստանի Հանրապետության միջին տնտեսական աճը: Դա մեր ռազմավարությունն է և մեր քաղաքական դիրքորոշումըե:
Գործադիրի ղեկավարն ասել է, որ ԼՂՀ էներգետիկայի ոլորտում առկա ներուժը հնարավորություն են տալու այս ոլորտում ապահովել առաջանցիկ աճի տեմպեր: Վարչապետը նշել է, որ «Արցախ ՀԷԿե-ի ներկայացրած ռազմավարությունը ցույց է տալիս, որ հնարավոր է շատ կարճ ժամանակում կրկնապատկել էլեկտրաէներգիայի արտադրությունն Արցախում: Տիգրան Սարգսյանը, հանդես գալով որպես «Արցախ ՀԷԿե-ի բաժնետեր, շնորհակալություն է հայտնել ընկերության ղեկավարությանը՝ վերջինիս կառավարումը միջազգային ամենաբարձր չափանիշներին համապատասխան իրականացնելու համար: