Հինգշաբթի, 3 Նոյեմբերի 2011 19:02
ՎՏԲ Հայաստան բանկը, Cosmopolitan Հայաստան ամսագիրը և Visa ընկերությունը ներկայացնում են նոր համաբրենդային քարտ կանանց համար` ՎՏԲ-Cosmopolitan:
ԱրմԻնֆո. ՎՏԲ Հայաստան բանկը` Cosmopolitan Հայաստան ամսագրի և Visa ընկերության հետ համատեղ, հայտարարել են «ՎՏԲ-Cosmopolitan-Visaե նոր կանացի համաբրենդային քարտի թողարկման մասին:
ՎՏԲ-Cosmopolitan-Visa քարտը մշակվել է հատուկ դիզայնով` հաշվի առնելով ժամանակակից կանանց ապրելակերպն ու հետաքրքրությունները: Այն տալիս է մի շարք զեղչերի ու հատուկ առաջարկների հնարավորություն Հայաստանի առաջատար ընկերությունների կողմից, որոնց թվում են տարբեր բուտիկներ, գեղեցկության սրահներ, Սպա և բժշկական կենտրոններ:
Բոլոր ցանկացողները կարող են ձևակերպել դեբետային ՎՏԲ-Cosmopolitan-Visa Classic կամ վարկային ՎՏԲ-Cosmopolitan-Visa Gold համաբրենդային քարտերը:
Ներկայումս, ՎՏԲ-Cosmopolitan-Visa համաբրենդային նախագծի շրջանակներում գեղեցիկ սեռի ներկայացուցիչների համար գործում են մոտ 200 հատուկ առաջարկ:
ՎՏԲ-Cosmopolitan-Visa նոր համաբրենդային քարտերի լրացուցիչ առավելությունների թվում են` աշխարհի ավելի քան 200 երկրներում Visa քարտերով ծառայությունների ու գնումների դիմաց արագ և դյուրին վճարման հնարավորություն, մինչև 50 % զեղչեր Հայաստանի լավագույն առևտրային ընկերությունների կողմից, որոնք մասնագիտացած են կանացի ապրանքների ու ծառայությունների ոլորտում, անվճար տարեկան բաժանորդագրություն Cosmopolitan Հայաստան ամսագրին, մասնակցություն ՎՏԲ Հայաստան բանկի և Cosmopolitan Հայաստան ամսագրի կողմից կազմակերպվող հատուկ միջոցառումներին:
Հավելյալ առավելություններ ՎՏԲ-Cosmopolitan-Visa Gold համաբրենդային քարտի քարտատերերի համար` վարկային գիծ վարկավորման երկարացված`55 օր արտոնյալ ժամանակահատվածով, կանացի պայուսակի կորստի եզակի ապահովագրություն:
ՙՎՏԲ-Cosmopolitan քարտի թողարկումը նոր մոտեցում է հայկական շուկայում` ուղղված նպատակային խմբերի համար նախատեսված բանկային ապրանքների ստեղծմանը, ներկայացմանն ու առաջխաղացմանը: Մենք` Cosmopolitan Հայաստան ամսագրի և Visa ընկերության հետ համատեղ, ստեղծել ենք եզակի ու հաջողակ ապրանք: Հույս ունենք, որ մեր հաճախորդները հաճույքով կօգտվեն ՎՏԲ-Cosmopolitan-Visa քարտից: ՎՏԲ Հայաստան բանկը չի պատրաստվում սահմանափակվել այս քարտով. ապագայում ևս մենք նախատեսում ենք ստեղծել ու առաջարկել ժամանակակից և որակյալ համատեղ ապրանքներ ու ծառայություններ, որոնք կգոհացնեն անգամ ամենից պահանջկոտ հաճախորդներին՚,-ասել է ՎՏԲ-Հայաստան բանկի գլխավոր տնօրեն- տնօրինության նախագահ Վ. Օվսյաննիկովը:
ՙCosmopolitan Հայաստան ամսագրի լսարանը ժամանակակից երիտասարդ կանայք են, ովքեր ակտիվ են, և ՎՏԲ –Cosmopolitan –Visa քարտը լիովին համապատասխանում է նրանց կյանքի դինամիկ ընթացքին: Վստահ եմ, որ յուրաքանչյուր աղջիկ շատ մեծ ուրախությամբ կօգտագործի այն, քանզի կստանա զեղչերի շատ լայն հնարավորություններ և առաջարկներ, ինչպես նաև անվճար կբաժանորդագրվի իր սիրելի ամսագրին: ՎՏԲ – Cosmopolitan Visa կանացի քարտը մեզ համար հանդիսանում է համագործակցության առաջին նման փորձը հայկական շուկայում:
Հարկ է նշել, որ Cosmopolitan Հայաստան ամսագրի և ՎՏԲ Հայաստան բանկի համագործակցությունը չի սահմանափակվելու միայն այս քարտով: Մենք նաև ծրագրում ենք մեր քարտատերերի համար բազմաթիվ միջոցառումներ ու նաև Shopping և Beauty/եղեցկություն հատուկ թողարկումներ, որոնցից առաջինը լույս կտեսնի արդեն իսկ դեկտեմբեր ամսին: Անկասկած, VTB-Cosmopolitan-Visa քարտը կդառնա լավագույն նվերը մեր սիրելի ընթերցողի համար՚,- ասել է Cosmopolitan Հայաստան ամսագրի գլխավոր խմբագիր Հրաչուհի Ութմազյանը:
ՙՀամաբրենդային ՎՏԲ-Cosmopolitan- Visa քարտի թողարկումը հաճախորդների հանդեպ բանկի կողմից անհատական մոտեցման դրսևորման վառ օրինակ է: Մենք գտնում ենք, որ այսօր շուկան հասել է համապատասխան մակարդակի, երբ սպառողը կարիք ունի ոչ միայն պարզապես հարմարավետ վճարման միջոցի, այլ նաև ակնկալում է ստանալ ունիվերսալ ապրանք` լրացուցիչ գործառույթներով: Կանանց համար առավել գրավիչ են լավագույն առևտրային ընկերությունների զեղչերն ու առաջարկները: Երեք հզոր գործընկերների` Հայաստանի առաջատար բանկերից մեկի` ՎՏԲ Հայաստան բանկի, թիվ մեկ կանացի ամսագրի` Cosmopolitan-ի և ոչ կանխիկ վճարումների աշխարհի խոշորագույն ցանցի`Visa ընկերության միությունը, հնարավորություն տվեց առաջարկել Հայաստանի գեղեցիկ սեռի ներկայացուցիչներին իրոք հետաքրքիր և շատ օգտակար քարտ, որը կդառնա ոչ միայն գնումների վճարման հարմար միջոց, այլև ոճային լրացում ժամանակակից կնոջ կերպարի մեջ՚,-ասել է Visa ընկերության բիզնեսի զարգացման գծով մենեջեր ԱՊՀ երկրներում` Հայաստան, Վրաստան և Մոլդովա Իրինա Կամխաձե,:
ՎՏԲ-Հայաստան ՓԲԸ-ն դարձավ միջազգային ֆինանսական ՎՏԲ խմբի անդամ 2004 թ.: Ներկայումս, Ռուսաստանի երկրորդ խոշորագույն ռուսական ՎՏԲ ԲԲԸ –ն հանդիսանում է ՎՏԲ Հայաստան բանկի 100 % բաժնետոմսերի սեփականատերը: Բանկը ՌԴ բանկային համակարգի առաջատարներից է և 68 բաժանմունքների շնորհիվ ունի ամենից խոշոր բաժանմունքային ցանցը երկրում:
Visa-ն գլոբալ վճարային համակարգ է, որն ապահովում է աշխարհի ավելի քան 200 երկրներում քարտապանների, առևտրային ընկերությունների, ֆինանսական և կառավարական կառույցների համար արագ, ապահով և անվտանգ էլեկտրոնային վճարումների ցանց: էլեկտրոնային վճարումներն իրականացվում են գլոբալ VisaNet համակարգի կողմից, որն ընդունակ է մշակել վայրկյանում 20 000 գործարք` ապահովելով պաշտպանություն խարդախություններից` սպառողների համար և վճարների իրականացման երաշխիքներ` առևտրային ընկերությունների համար: Visa-ն չի համարվում բանկ, չի թողարկում վճարային քարտեր, չի նշանակում տոկոսադրույքներ հաճախորդների համար և չի տալիս վարկեր քարտապաններին: Իրենց հերթին, Visa ընկերության ինովացիոն լուծումները հնարավորություն են տալիս ֆինանսական ընկերություններին առաջարկել իրենց հաճախորդներին ֆինանսական գործառույթների լայն շարք` ներառյալ դեբետային, կանխավճարային և վարկային քարտային ապրանքները:
Cosmopolitan Հայաստան ամսագիրը հրատարակվում է 2011 թվականի մարտ ամսից և հանդիսանում է Hearst Magazines International հրատարակչական տան Cosmopolitan ամսագրի միջազգային հրատարակություններից մեկը: Հայաստանում ամսագիրը ներկայացնում է Media Partners ընկերությունը: Cosmopolitan Հայաստանն այսօր հանդիսանում է Հայաստանում հրատարակվող միակ միջազգային ամսագիրը` տարեկան 12 համարով և 5000 տպաքանակով:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները