Չորեքշաբթի, 9 Նոյեմբերի 2011 14:20
ՙՆաիրի Ինշուրանսը՚ գործարկում է բժշկական անհատական ապահովագրության նոր ծրագիր
ԱրմԻնֆո. ՙՆաիրի Ինշուրանս՚ ապահովագրական ընկերությունը գործարկում է բժշկական անհատական ապահովագրության նոր ծրագիր: Այս մասին ԱրմԻնֆո գործակալությանը տեղեկացրել է Ընկերության գործադիր տնօրեն ոռ Խաչատրյանը: Նա ընդգծել է, որ ներկայումս ծրագիրը գործում է փորձնական ռեժիմով, իսկ հիմնական ռեժիմին կանցնի 2012 թվականից:
.Խաչատրյանը ճշգրտել է, որ ընկերության կողմից մշակված ծրագիրը մի փոքր տարբերվում է անհատական բուժապահովագրության դասական սխեմայից և ենթադրում է, վերջնական արդյունքում, խմբակային պայմանագրի կնքում: ՙԵթե կորպորատիվ ապահովագրությունը հենվում է կազմակերպության ղեկավարի և ապահովագրողի միջև փոխհարաբերությունների վրա, ապա մեր ընկերության ծրագիրը ենթադրում է կազմակերպության աշխատակիցների հետ անմիջական ակտիվ շփումներ, որոնք էլ պետք է հանդիսանան իրենց առողջության ապահովագրման նախաձեռնողները՚,-նշել է .Խաչատրյանը:
Նա հավելել է, որ նոր պրոդուկտը նախատեսված է սպառողների տարբեր նպատակային խմբերի, ինչպես նաև 65-ից ավելի տարիք ունեցողների համար:
Նրա խոսքերով, խմբակային ապահովագրությունը որոշակի առավելություններ ունի անհատականի նկատմամբ: Ամենագլխավոր առավելությունը ապահովագրողը համարում է գնային մատչելիությունը, քանի որ պոլիսի արժեքը կտատանվի 35-160 հազ.դրամի սահմաններում և կախված կլինի ապահովագրված աշխատկիցների և պայմանագրով նշված բժշկական ծառայությունների թվաքանակից:
Ընդ որում, նվազագույն ծրագիրով նախատեսում է մինչհիվանդանոցային և հիվանդանոցային փուլերում բժշկական շտապ օգնություն, ամբուլատոր ծառայությունների ամբողջական փունջ, այդ թվում նաև խորհրդատվություններ, դիագնոստիկ հետազոտություն և լաբորատոր ախտորոշում: Ծածկվում են նաև դեղամիջոցների վրա ծախսված գումարները: Մինիմալ ծրագիրը ներառում է նաև պլանային և պրոֆիլակտիկ միջոցառումներ` կապված բնակչության առողջության հետ:
ՙՆաիրի Ինշուրանսի՚ գործադիր տնօրենը գտնում է, որ նման ծրագրերը կարող են նպաստել բժշկական ապահովագրության մասսայականացմանը: Նա գտնում է, որ շուկան պետք է հասնի այնպիսի մակարդակի, երբ բժշկական ապահովագրության պահանջարկը կսկսի ապահովել ոչ թե կազմակերպության ղեկավարը, այլ իրենք` աշխատակիցները, ինչն էլ իր հերթին թույլ կտա ձևավորել այս պրոդուկտի համարժեք ընկալումը քաղաքացիների կողմից:
Վարդան Արամյան. այսօր մեզ համար ամենավտանգավորը գերհավակնոտ և անիրատեսական նպատակների սահմանումն է
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
Invia Investments հայաստանյան բրոքերը ITS-ում սակարկության հասանելիություն կտրամադրի