Չորեքշաբթի, 9 Նոյեմբերի 2011 18:41
ՎՏԲ-Հայաստան Բանկը 2011թ. 9 ամիսներին ապահովել է 3.9 մլրդ.դրամի զուտ շահույթ
ԱրմԻնֆո. 2011 թվականի 9 ամիսների արդյունքում ՎՏԲ-Հայաստան Բանկի զուտ եկամուտը կազմել է 3,888 մլն. ՀՀ դրամ, հաճախորդներից ներգրավված միջոցների ծավալը կազմել է 79,092 մլն. ՀՀ դրամ, ֆիզիկական անձանց ժամկետային ավանդների ծավալը 2010թ. դեկտեմբերի 31-ի համեմատությամբ աճել է 23.1%-ով և կազմել է 44,940 մլն. ՀՀ դրամ: հիմնական գործունեության եկամուտը հասել է 9,611 մլն. ՀՀ դրամ` նախորդ տարվա նույն ժամանակահատվածի հետ համեմատությամբ ավելանալով 26.2%-ով, կապիտալի (ROE) և ակտիվների (ROA) եկամտաբերության գործակիցները համապատասխանաբար կազմել են 17,6% և 3,6%: Զուտ եկամտով ՎՏԲ-Հայաստան Բանկը զբաղեցնում է երրորդ տեղը ՀՀ բանկային համակարգում: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից,
Աղբյուրի համաձայն, ՎՏԲ-Հայաստան Բանկում Ֆիզիկական անձանց տրամադրված վարկային փաթեթը ավելացել է 31,4%-ով` 10.7 մլրդ ՀՀ դրամով և կազմել է 44,5 մլրդ ՀՀ դրամ: Կորպորատիվ բիզնեսի հաճախորդների վարկային փաթեթը աճել է 31.5%-ով:
Ֆիզիկական անձանց ավանդային հաշիվներին առկա միջոցների հարաբերական աճը 2011թ. կազմել է 23.1%, բացարձակ աճը` 8.4 մլրդ ՀՀ դրամ, որը ևս մեկ անգամ ապացուցեց ֆիզիկական անձանց ավանդների ներգրավման շուկայում ՎՏԲ-Հայաստան Բանկի առաջատար դիրքերը: Բանկի կորպորատիվ հաճախորդների ժամկետային և ցպահանջ ավանդների ծավալը նույնպես աճել է ավելի քան 50%-ով տարեսկզբի հետ համեմատ:
Նման ցուցանիշներին հասնելը Բանկին նպաստել է այնպիսի վարկային պրոդուկտների պայմանների և սակագների բարելավմանն ուղղված ակտիվ աշխատանքները, ինչպիսիք են` ավտովարկավորումը, փոքր բիզնեսի վարկավորումը, հիփոթեքային և սպառողական վարկերը, դեբետային քարտերը, ինչպես նաև ավանդային պրոդուկտների մասով կատարված ակցիաները`Հաղթանակի օրվան նվիրված ՙՎՏԲ Հաղթանակ՚ և Երեխաների պաշտպանության օրվան նվիրված ՙԱմառը ՎՏԲ-ի հետ՚ ավանդները:
Բացի գործող պրոդուկտների սակագների և պայմանների բարելավումից, Բանկը նաև ակտիվ աշխատել է բիզնես գործընթացների օպտիմալացման և ֆիզիկական անձանց համար բարձր տեխնոլոգիական ծառայությունների ներդրման ուղղությամբ: ՎՏԲ-Հայաստան Բանկը միակ Բանկն է Հայաստանում, որը հնարավորություն է տալիս իր հաճախորդներին վճարային տերմինալների ցանցի միջոցով շուրջօրյա համալրել իրենց բանկային և քարտային հաշիվները (ամբողջ ՀՀ տարածքում շուրջ 400 տերմինալներ):
2011թ. ակտիվ քարտերի ընդհանուր քանակով (տեղական և միջազգային) ՎՏԲ-Հայաստան Բանկը երրորդ հորիզոնականից բարձրացել է առաջին հորիզոնական, թողարկելով և սպասարկելով բացառձակապեսVisa քարտեր: 30.09.2011թ. դրությամբ Բանկի ակտիվ քարտերի քանակը անցել է 122 000, տարեկան աճով 52.5%-ով: Բանկն իր հաճախորդներին տրամադրում է Visa Electron, Visa Classic, Visa Gold, Visa Business և Visa Platinum քարտեր:
Ըստ աղբյուրի, ՎՏԲ-Հայաստան Բանկը մնում է առաջատարներից մեկը ֆիզիկական անձանց դրամական փոխանցումների շուկայում: Բանկն առաջարկում է իր հաճախորդներին Հայաստանի տարածքում և նրա սահմաններից դուրս արագ և հուսալի գումար փոխանցել ինչպես իրենց հաշվեհամարներից, այնպես էլ առանց հաշվի բացման: Բանկը համագործակցում է 8 միջազգային խոշորագույն դրամական փոխանցումների համակարգերի հետ:
2011թ. ՎՏԲ-Հայաստան Բանկում շարունակվել է Բանկի Հայաստանի խոշորագույն մասնաճյուղային ցանցի բարեկարգման և օպտիմալացման ծրագիրը: Բացվել են նոր մասնաճյուղեր Ապարան, Բյուրեղավան և Նոյեմբերյան քաղաքներում: 2011թ. սեպտեմբերի 30-ի դրությամբ Բանկի մասնաճյուղային ցանցը կազմված է եղել Հայաստանի տարածքում գործող 68 մասնաճյուղերից:
ՎՏԲ-Հայաստան Բանկը ներդրել է հաջող և տեղական շուկայում պահանջված
ռեգրեսային ֆակտորինգի նախագիծը և դրա շրջանակներում, մասնավորապես ՀԿԵ հաճախորդների համար մշակել է Հայաստանում նմանատիպը չունեցող հատուկ պրոդուկտ: ՀԿԵ հաճախորդների համար բաց են ֆակտորինգային սահմանաչափեր, որոնցով ֆինանսավորվում են տեղական ընկերությունների` երկաթուղով իրականացվող բեռնափոխադրման ծախսերը: Պրոդուկտի նկատմամբ ունեցած հաճախորդների հետաքրքրությունից ելնելով և կիրառելով ՎՏԲ խմբի հնարավորությունները` ՎՏԲ-Հայաստան Բանկը 2012թ. նախատեսում է ներդնել նաև փորձնական ծրագրեր ոչ ռեգրեսային և միջազգային ֆակտորինգի գծով:
Փաստաթղթային գործառնությունների մասով ՎՏԲ-Հայաստան Բանկը նույնպես գրանցել է լավ արդյունք` 2011թ. 9 ամիսների ընթացքում տրամադրված երաշխիքների և ակկրեդիտիվների ծավալն աճել է 77%-ով 2010թ. նույն ժամանակաշրջանի համեմատությամբ:
2011թ. երկրորդ եռամսյակում, ելենով շուկայի պահանջարկից, Բանկը ներդրել է 2 նոր վարկային պրոդուկտ կորպորատիվ հաճախորդների համար` վարկ «Հասանելիե և ՙԱռևտրային հիփոթեք՚:
ՙ2011թ. ՎՏԲ-Հայաստան Բանկը, որպես ունիվերսալ բանկ, շարունակել է մանրածախ բիզնեսի զագացմանն ուղղված ակտիվ քաղաքականությունը, հաջողությամբ ավելացնելով ֆիզիկական անձանց վարկային և ավանդային փաթեթները և շուկայում ամրապնդելով առաջատար դիրքերը բոլոր ցուցանիշներով, ինչպես մանրածախ, այնպես էլ կորպորատիվ բիզնեսի ուղղությամբ: Այս պահին տարվում են լայնածավալ աշխատանքներ բոլոր պրոդուկտների և Բանկի կորպորատիվ բլոկի բիզնես գործընթացների արդիականացման և օպտիմալացման ուղղությամբ: Մենք շարունակում ենք ակտիվորեն զարգացնել և մեր հաճախորդերին առաջարկել առավել ունիվերսալ և հարմար բանկային պրոդուկտներ, և 2011թ. ավարտին սպասում ենք գործունեության հիմնական ցուցանիշների բարձր աճ՚,-ասել է ՎՏԲ-Հայաստան Բանկի լխավոր տնօրեն-Տնօրինության նախագահ Վ. Օվսյաննիկովը:
Նշենք, որ ՙՎՏԲ-Հայաստան Բանկ՚ ՓԲԸ բաժնետոմսերի 100 տոկոսի բաժնետերն է ՎՏԲ բանկը ԲԲԸ: ՎՏԲ-Հայաստան բանկը գործում է 2004 թվականից (2006 թվականի հունիսից ՎՏԲ բրենդի տակ), իրականացնում է գործունեություն 1996թ. ՀՀ կենտրոնական բանկի կողմից տրամադրված բանկային գործունեություն ծավալելու թիվ 64 լիցենզիայի հիման վրա: 2011թ. սեպտեմբերի 30-ի դրությամբ բանկի մասնաճյուղերի ցանցը բաղկացած էր ՀՀ ողջ տարածքում գործող 68 մասնաճյուղերից, դրանցից 24-ը Երևանում և 44-ը մարզերում:
Իրավաբանական անձանց տրամադրվող ծառայությունների ոլորտում բանկը տրամադրում է բանկային ծառայությունների լայն շրջանակ, այդ թվում` խոշոր (կորպորատիվ) և միջին բիզնեսի վարկավորում, արտաքին առևտրային գործարքներ, սինդիկացիոն վարկեր, ավանդներ և դրամարկղահաշվարկային ծառայություններ, դեպոզիտար ծառայություններ, ինչպես նաև լիզինգ և գանձապետական ծառայություններ, որոնք առաջարկվում են միջին և խոշոր ձեռնարկություններին և ֆինանսական կազմակերպություններին: Ֆիզիկական անձանց առաջարկվող ծառայությունները ներառում են վարկավորում անհատներին և փոքր բիզնեսին, ավանդներ, դրամային փոխանցումներ, պլաստիկ քարտեր և մի շարք այլ բանկային ծառայություններ:
2011թ. սեպտեմբերի 30-ի դրությամբ բանկն ունի մոտ 1043 աշխատակից:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները