Չորեքշաբթի, 16 Նոյեմբերի 2011 17:37
Լոնդոնյան փորձագետը կանխատեսում է թանկարժեք մետաղների համաշխարհային գների կայունացում
ԱրմԻնֆո. Թանկարժեք մետաղների համաշխարհային գները կարճաժամկետ ապագայում կկայունանան և կմնա ներկայիս մակարդակի վրա, մասնավորապես, մեկ ունցիա ոսկու գինը կկազմի 1600-1700 դոլար, արծաթի գինը` 32-34 դոլար: Այս մասին այսօր Երևանում կայացած մամուլի ասուլիսում հայտարարել է հայկական ծագումով լոնդոնյան գործարար Ռոբերտ Թադեոսյանը, պատասխանելով ԱրմԻնֆո գործակալության թղթակցի հարցին:
Նա նշել է, որ այս տարի թանկարժեք մետաղների համաշխարհային գները ցուցադրեցին ցնցումներ, տատանվելով մեկ ունցիայի դիմաց 1200-1600 դոլարի, իսկ հետագայում` նաև 1900-1600 դոլարի սահմաններում: Նրա կարծիքով, այդ ամենի պատճառը սպեկուլյատիվ գործոններն էին, այդ թվում նաև թանկարժեք մետաղների չինական շուկայի կողմից: ՙՉինաստանն արդեն դադարեցրել է սպեկուլյացիան, և, իմ կարծիքով, շուտով թանկարժեք մետաղների շուկայում գները կկայունանան՚,-նկատել է նա:
Միևնույն ժամանակ, Թադեոսյանը հայտարարել է, որ Հայաստան է ժամանել սեփական բիզնես հիմնելու նպատակով: Թանկարժեք իրերի աշխարհում հայտնի լինելով որպես ՙճարմանդների արքա՚, Ռ.Թադեոսյանը Երևանում կբացի Tadeosian բրենդի առաջին խանութը, իսկ հետագայում նախատեսում է Հայաստանում հիմնել ոսկերչական ձեռնարկություն, որի արտադրանքը կարտահանվի բազմաթիվ երկրներ, այդ թվում` Ճապոնիա և ԱՄՆ: ՙՄինչ այդ, խանութի գործունեության փորձի հիման վրա, անհրաժեշտ է ուսումնասիրել շուկան, հասկանալ ուժեղ և թույլ կողմերը: Եվ եթե ձեռնարկությունն ստեղծվի, ապա արտադրության մեջ կարելի է կիրառել մի կողմից հայկական ոսկերչական վարպետության դարավոր ավանդույթներն ու տեխնիկան, իսկ մյուս կողմից` ինձ ոգեշնչող հայկական մոտիվները և սիմվոլիկան: Ցանկացած պարագայում, իմ դիզայնը ձգտում է դեպի պարզություն և հստակություն: Իսկ եթե ես ինքս էլ սկսեմ աշխատել որևէ էթնիկ տարրի վրա, ապա կաշխատեմ այնպիսի ձևով այն փոխել, որպեսզի համապատասխանի ՙTadeosian՚ ոճին՚,-նկատել է նա: Խոսելով ՙTadeosian՚ խանութների գնային քաղաքականությունից, նա նշել է, որ երևանյան նոր խանութում գների կլինեն բնակչության լայն խավերի համար մատչելի` 100-ից մինչև 10000 դոլար:
Լ.Թադեոսյանը նաև պատմել է թանկարժեք մետաղների շուկա իր դուրս գալու մասին: ՙՄի ժամանակ իմ առաջին աշխատատեղը Merrill Lynch բանկն էր: Յոթ տարի անց որոշեցի փոխել գործունեությանս ոլորտը: Ես էլ էի ուզում ՙբոսս՚ լինել, և գիտեի, որ բանկային ոլորտում երբեք դրան չէի հասնի: Ուզում էի աշխարհով մեկ ճանապարհորդել, ներթափանցել նորաձևության և դիզայնի աշխարհ: Ես գիտեի, որ դրա համար ունեմ 3 տարի, քանի որ, եթե մինչև 30 տարեկանն այդ ամենին չհասնեմ, ապա ստիպված կլինեմ վերադառնալ բանկ: Ես հասկացա, որ ճարմանդների ոլորտում կա ազատ նիշա, հատկապես միջազգային մակարդակով, դրա համար էլ որոշեցի լրացնել այդ բացը: Ճարմանդները փոքր չափերի ապրանքներ են, հեշտ փոխադրվող, և միևնույն ժամանակ, բարձր գնահատվող: Դրանք գերազանց իրեր են, որոնց կարելի է առաջարկել աշխարհի բոլոր հաճախորդներին՚,-կիսվել է նա: Հայաստան կատարած իր այցի շրջանակներում Ռ.Թադեոսյանը մտադիր է հանդիպել նաև երկրի պաշտոնական անձանց հետ:
Նշենք, որ գործունեության 20 տարիների ընթացքում Tadeosian ընկերությունը հասցրել է աշխարհին ներկայանալ ավելի քան 4000 դիզայներական որոշումներով և մոտ 12000 տեսակի ճարմանդներով, որոնց մեջ կան յուրօրինակ` օպտիկական մանրաթելով, ռուբինի 18 կարատանոց և անգամ ժամացույցով ճարմանդներ: Այսօր ընկերության իրերը վաճառվում են 60 երկրներում և ավելի քան 1000 առևտրի կետերում: Ընկերության արտադրանքի տեսականին կազմված է` մատանիներից, ճարմանդներից, կուլոններից, ապարանջաններից, ժամացույցներից ¥տղամարդու և կանացի¤: Իսկ զարդերը պատրաստված են ավանդական նյութերից` ոսկի, արծաթ, պողպատ, լաջվարդ, օնիքս, ապակե մանրաթել և այլն:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի