Երեքշաբթի, 6 Դեկտեմբերի 2011 18:09
Համաձայնագիր է ստորագրվել Հարավարևելյան Եվրոպայի Եվրոպական Ֆոնդի և ՙՓոքր և Միջին բիզնեսների վարկավորման աջակցություն՚ ՓԲԸ միջեւ
ԱրմԻնֆո. Երեկ Երևանում համաձայնագիր է ստորագրվել Հարավարևելյան Եվրոպայի Եվրոպական Ֆոնդի և ՙՓոքր և Միջին բիզնեսների վարկավորման աջակցություն՚ ՓԲԸ-ի` Հայաստանի Կենտրոնական բանկի դուստր ընկերության միջև, համաձայն որի Ընկերությունը 2 մլն եվրոյի ներդրում է կատարել վերոնշյալ ֆոնդի նորաստեղծ ՀՀ դրամով ֆինանսական պատուհանում: Այս ներդրման շնորհիվ Հայաստանի Կենտրոնական բանկն իր ֆինանսական աջակցությունն է ցուցաբերում փոքր և միջին ձեռնարկությունների վարկավորմանը Հայաստանում:
Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, Ֆոնդը ստեղծել է ՀՀ դրամով ֆինանսական պատուհանը` աջակցելու և խթանելու Հայաստանի փոքր և միջին ձեռնարկություններին տեղական արժույթով վարկավորմանը: Տեղական արժույթով վարկավորումը համարվում է ամենաարդյունավետ միջոցը արտարժույթային ռիսկերը նվազեցնելու գործում: Մասնավորապես, ներկայումս փոքր և միջին ձեռնարկությունները հնարավորություն կունենան ներգրավել երկարաժամկետ տեղական արժույթով վարկեր` խուսափելով արտարժույթային ռիսկից: Այն նաև արդյունավետ մեխանիզմ է լրացուցիչ ֆինանսավորման միջոցներ ներգրավելու համար, մասնավորապես արդեն իսկ երմանիայի տնտեսական համագործակցության և զարգացման դաշնային նախարարությունը 5 մլն եվրոյի ներդրում է նախատեսել` խթանելու տեղական արժույթով վարկավորումը Հայաստանում, ինչպես նաև Ֆոնդի այլ նպատակային երկրներում: Նոր ստեղծված ֆինանսական պատուհանի դռները բաց են նոր միջազգային դոնոր կազմակերպությունների և տեղական ֆինանսական ընկերությունների համար:
ՙՄենք շատ ուրախ ենք, որ Հայաստանը հանդիսանում է ներդրող այս ֆինանսական միավորում: Այն փաստը, որ Հայաստանի Կենտրոնական բանկը էական ներդրում է իրականացնում, մեծ վստահություն է ներշնչում Ֆոնդի և նրա երկրի տնտեսության զարգացման վրա հետագա դրական ազդեցության գործում՚, – ասել է Եվրոպական Ֆոնդի տնօրենների խորհրդի նախագահ դոկտոր Կլաուս լաուբիթթը:
Իր հերթին, ներդրումային կոմիտեի նախագահ Մոնիկա Բեքը նշել է. «Չնայած, որ փոքր և միջին ձեռնարկությունները կազմում են Հայաստանի տնտեսության ողնաշարը, նրանք չեն կարողանում համապատասխան արտարժութային եկամուտներ ձևավորել և դրանով ֆինանսավորել իրենց երկարաժամկետ արտարժույթային պարտավորությունները: Նրանք ամբողջությամբ կրում են արտարժույթի` ԱՄՆ դոլարի նկատմամբ ազգային արժույթի արժեզրկման ռիսկը, քանի որ վարկը տրամադրվում է ԱՄՆ դոլարով: Հետևաբար, ՀՀ Կենտրոնական բանկը հիանալի օրինակ է ծառայում` ներդնելով Ֆոնդի տեղական արժույթով ֆինանսական պատուհանում: Աջակցելով վարկային գործիքների տեսականու ընդլայնմանը, մասնավորապես տեղական արժույթով երկարաժամկետ վարկերը, ՀՀ Կենտրոնական բանկը խթանում է փոքր և միջին ձեռնարկատիրության զարգացմանը միաժամանակ նպաստելով բանկային համակարգի կայունությանը և զարգացմանըե:
Կենտրոնական բանկի նախագահ Արթուր Ջավադյանն ասել է. ՙՄենք շատ բարձր ենք գնահատում ֆոնդի հետ համագործակցությունը փոքր և միջին ձեռնարկությունների վարկավորման բնագավառում: Բանկային համակարգի կայուն զարգացման համար չափազանց կարևոր է փոքր և միջին ձեռնարկությունների տեղական արժույթով ֆինանսավորման ևս մեկ աղբյուրի առկայությունը: Կենտրոնական բանկի դուստր կառույցի կատարած ներդրումը ֆոնդի կապիտալում հնարավորություններ է ընձեռում Հայաստանի ֆինանսական ինստիտուտներին լրացուցիչ ֆինանսական միջոցներ ներգրավել միջազգային աղբյուրներից: Հայկական երկու բանկեր` Կոնվերս բանկն ու Արարատ բանկը, արդեն իսկ միջոցներ են ներգրավել ֆոնդից փոքր և միջին ձեռնարկությունների ֆինանսավորման նպատակով և ակնկալվում է, որ նորաստեղծ ֆինանսավորման պատուհանի շնորհիվ համագործակցող ֆինանսական ինստիտուտների թիվը կավելանա: Սա, անշուշտ, մեծ ձեռքբերում է, և այս առթիվ շնորհավորում եմ բոլորիս՚:
Նշենք, որ Հարավարևելյան Եվրոպայի Եվրոպական Ֆոնդի նպատակն է նպաստել Հարավային Եվրոպայի և Եվրոպական հարևանության արևելյան տարածաշրջանի տնտեսական զարգացմանն ու բարգավաճմանը, այդ թվում` Ալբանիան, Հայաստանը, Ադրբեջանը, Բելառուսիան, Բոսնիա և Հերցեգովինան, Բուլղարիան, Խորվաթիան, Մակեդոնիան, Վրաստանը, Կոսովոն, Մոլդովան, Մոնտենեգրոն, Ռումինիան, Սերբիան, Թուրքիան և Ուկրաինան: Այս Ֆոնդն երկարաժամկետ ֆինանսական միջոցներ է տրամադրում փոքր և միջին ձեռնարկություններին, տնային տնտեսություններին` բնակարանների վերանորոգման վարկերի տեսքով, և այս ամենն իրականացնում է ֆինանսական հաստատությունների միջոցով: Կարևորելով ֆինանսական միջոցների հասանելիությունը փոքր և միջին ձեռնարկությունների զարգացման համար` ֆոնդն աջակցում է տեղական ֆինանսական ինստիտուտներին բարձրացնելու իրենց հնարավորությունները ապահովելու համապատասխան կայուն ֆինանսական միջոցներ: Ֆոնդի ներդրումային գործունեության աջակցության նպատակով, Ֆոնդի հատուկ զարգացման ընկերությունը, մեծապես օգնում է գործընկեր ֆինանսական ինստիտուտներին` տրամադրելով տեխնիկական աջակցություն և խորհրդատվություն նշված վարկավորման ոլորտներում գործնական ունակությունների և կառավարման հմտությունները զարգացնելու նպատակով:
Նշենք նաև, որ Փոքր և միջին բիզնեսների վարկային օժանդակություն ՓԲԸ-ը ստեղծվել է 28/12/2010 թվականին միջազգային մասնագիտացված ֆինանսական հաստատությունների հետ համագործակցության միջոցով` աջակցելու փոքր և միջին ձեռնարկությունների ֆինանսավորումը Հայաստանում: Մասնավորապես Ընկերության հիմնական նպատակն է բանակցել փոքր և միջին ձեռնարկությունների վարկավորման բնագավառում մասնագիտացված տարբեր միջազգային ֆինանսական կազմակերպությունների հետ` ապահովելու համար միջազգային ֆինանսական շուկաներից ֆինանսական միջոցների ներհոսք դեպի հայաստանյան վարկատու ինստիտուտներ: Ընկերության միակ սեփականատերը ՀՀ Կենտրոնական բանկն է:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները