Երկուշաբթի, 30 Հունվարի 2012 18:52

Եվրագոտու ճգնաժամը սպառնում է Հայաստանի վարկային ծավալների 10% անկում

ԱրմԻնֆո. Եվրագոտում առկա հարավոր ռեցեսիան սպառնում է Հայաստանում վարկային ծավալների 10% անկում: Այս մասին այսօր տեղի ունեցած մամուլի ասուլիսում հայտարարել է Ամերիաբանկի զարգացման գծով տնօրեն Տիգրան Ջրբաշյանը, պատասխանելով ԱրմԻնֆո գործակալության թղթակցի հարցին:

Այնուամենայնիվ, փորձագետը տեղեկացրել է, որ դա Հայաստանի վարկային շուկայի զարգացման սցենարներից մեկն է, ընդ որում ամենաբացասականը և քիչ հավանականը: Մյուս երկու սցենարները խոսք են տալիս դրական փոփոխություններ և ենթադրում, մի դեպքում`վարկավորման ծավալների պահպանում, իսկ մյուս դեպքում`վարկավորման ծավալների որոշակի նվազում: ՙԻնչպես արտաքին, այնպես էլ ներքին քաղաքական և տնտեսական դեպքերը նույնպես կազդեն վարկավորման ծավալների վրա՚,-նկատել է փորձագետը, որպես ներքին գործոններ նկատի ունենալով առաջիկա ընտրություններն ու նախընտրական գործընթացները, իսկ որպես արտաքին գործոններ` Եվրոգոտու գործընթացները:

Տ.Ջրբաշյանը ճշգրտել է, որ ներկայումս բանկային համակարգում առկա է իրացվելիության որոշակի կրճատում: Բացի այդ, առաջացել են որոշակի դժվարություններ, որոնք կապված են օտարերկրյա կապիտալի ներգրավման հետ, մասնավորապես, խստացվել են օտարերկրյ ներդրողների պայմաները տեղեկան փոխառուների նկատմամբ:

Անդրադառնալով Ռուսաստանի տնեսության իրավիճակին և ապագային` գլոբալ միտումների ֆոնի ներքո, Տ.Ջրբաշյանը նշել է, որ Ռուսաստանը, ինչպես նաև բազմաթիվ երկրներ, կարձագանքեն Եվրագոտու տնտեսական փոփոխություններին`նավթի և մետաղների գների փոփոխությանը: Ռուսաստանին, նշել է փորձագետը, Եվրագոտու պրոբլեմների հետևանքով սպասվում է նաև իրացման շուկաների անկում: Ռուսաստանի պրոբլեմը, նկատել է նա, չեն կարող չանդրադառնալ Հայաստանի տնտեսության վրա, բացի այդ, Եվրոպան նույնպես հանդիսանում է Հայաստանի առևտրական գործընկերը:

Ըատ եվրոպական լրատվամիջոցների, միջազգային վարկանշային Standard&Poor's գործակալությունը սպասում է, որ Եվրագոտու տնտեսությունը կհայտնվի ռեցեսիայի իրավիճակում արդեն 2012 թվականի առաջին եռամսյակում: Ընդ որում,ըստ գործակալության վերլուծաբանների, ընթացիկ տարվա 2-րդ կիսամյակում Եվրոպան նորից կմտնի տնտեսական զարգացման գոտի: Դրա հետ մեկտեղ գործակալությունը չի բացառում, որ հնարավոր է նաև Եվրագոտու համար ավելի վատթար տարբերակ, երբ ռեցեսիան կլինի ավելի խորը: Standard&Poor's-ի գնատականներով, նման զարգացումների շանսերը կազմում են 40%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Եվրագոտու ճգնաժամը սպառնում է Հայաստանի վարկային ծավալների 10% անկում