Երեթշաբթի, 31 Հունվարի 2012 20:49
2011 թվականի հունվար-դեկտեմբեր ամիսներին Հայաստանում իրականացվել է անշարժ գույքի օտարման 48107 գործարք
ԱրմԻնֆո. 2011 թվականի հունվար-դեկտեմբեր ամիսներին Հայաստանում իրականացվել է անշարժ գույքի օտարման 48107 գործարք: Ըստ Անշարժ գույքի պետական Կադաստրից ԱրմԻնֆո գործակալությանը տրամադրված տվյալների, նշված գործարքների մեծ մասը`37011 գործարք կամ գործարքների ընդհանուր թվի 77%-ը, եղել է առք և վաճառքի գործարք, 10798 գործարք, կամ 22.4%-ը`նվիրատվության, 298 կամ 0.6%-ը`փոխանակության գործարք:
Օտարման գործարքների ընդհանուր թվի 18191-ը կամ 37.8%-ը կատարվել է մայրաքաղաքում, որից 13727-ը կամ 75.5%-ը` առք և վաճառքի գործարք, 4386-ը կամ 24.1%-ը`նվիրատվության և 78-ը կամ 0.4%-ը`փոխանակության գործարք: Մարզերում տեղի ունեցած օտարման գործարքների մեծ մասը կատարվել է Կոտայքի մարզում`6672 գործարք, Լոռիում`4013 և Արմավիրի մարզում`3712 գործարք:
Բազմաբնակարան շենքերում իրականացվել է 18282 գործարք կամ ընդհանուր ծավալների 38%-ը, հողատարածքներով`16225 ¥33.7%¤ գործարք, իսկ 8257 գործարք կամ 17.2%-ը`մասնավոր տներով գործարքներ:
Բնակարանների օտարման գործարքների 67%-ը կամ 12266 գործարք իրականացվել է Երևանում, որի 9125-ը կամ 74.4%-ը` բնակարանների առք և վաճառքով: Մարզերում իրականացված գործարքների մեծ մասն իրականացվել է Կոտայքում`1392 և Շիրակում`1266 գործարք: Մասնավոր տների օտարման գործարքների 25.7%-ը կամ 2124 գործարք, կատարվել է Երևանում: Մարզերում մասնավոր տների ամենամեծ թվով գործարքներն իրականացվել են Արմավիրում` 915, Լոռիում` 895, Շիրակում` 877, Կոտայքում` 864 և Արարատում` 845 գործարք: Հողի օտարման գործարքների ընդհանուր ծավալներում Երևանում տեղի է ունեցել 832 գործարք, իսկ մարզերում ամենամեծ ծավալները գրանցվել են Կոտայքում` 3708, Արմավիրում`1934, Արարատում`1915 գործարք:
Միայն 2011 թվականի 4-րդ եռամսյակում Հայաստանում տեղի է ունեցել անշարժ գույքի օտարման 13047 գործարք, որից 10079-ը կամ 77.25%-ը` եղել են առք և վաճառքի գործարքներ, 2896-ը կամ 22.2%-ը` նվիրատվության իսկ 72-ը կամ 0.6%-ը` փոխանակության գործարքներ: Բնակարանների օտարման գործարքներից 4804-ը կամ 36.8%-ը տեղի են ունեցել Երևանում, որից 3109-ը կամ 64.7%-ը տեղի է ունեցել բազմաբնակարան շենքերում, ընդ որում, 2308-ը կամ 74.2%-ը եղել են առք և վաճառքի գործարքներ: