Ուրբաթ, 17 Փետրվարի 2012 16:28
NASDAQ OMX Armenia-ի ղեկավարն ընթացիկ տարում լավատեսորեն ակնկալում է 2 նոր IPO-ի իրականացում
ԱրմԻնֆո. Ընթացիկ տարին բեկումային պետք է լինի հայրենական կապիտալի շուկայի համար: Այսօր Երևանում կայացած մամուլի ասուլիսում նման համոզմունք է արտահայտել NASDAQ OMX Armenia գլխավոր տնօրեն Կոնստանտին Սարոյանը: Նա նշել է, որ պոտենցիալ թողարկողների համար շուկայում ընդհանրապես, իսկ մասնավորապես` բորսայում, բաժնետոմսերի թողարկումներ իրականացնելու համար ստեղծված են անհրաժեշտ բոլոր նախադրյալները, սակայն հայ գործարարները գերադասում են ունենալ սպասողական դիրքորոշում:
Հիշեցնենք, որ ըստ ՙՇահութահարկի մասին՚ օրենքի փոփոխությունների, հայրենական այն ընկերությունները, որոնք բորսայում ցուցակվել են և ազատ շրջանառության մեջ ունեն իրենց բաժնետոմսերի 20%-ը, ինչպես նաև ունեն 100-ից ոչ պակաս բաժնետեր, ապա հաջորդ երեք տարիներին 50%-ով ազատվում են շահութահարկի վճարումից:
Կ.Սարոյանը տեղեկացրել է, որ բորսան կշարունակի բանակցել պոտենցիալ թողարկողների հետ, նրանց կապիտալի շուկա դուրս բերելու նպատակով, միաժամանակ ընդունելով, որ այդ բանակցություններն ընթանում են դժվարությամբ և դանդաղ: Այնուամենայնիվ, Կ.Սարոյանն ընթացիկ տարում լավատեսորեն ակնկալում է 2 նոր IPO-ի իրականացում:
Ամփոփելով նախորդ տարվա արդյունքները, տնօրենը տեղեկացրել է, որ բաժնետոմսերով գործարքների դրական միտումները պահպանվեցին նաև 2011 թվականին: Հարթակում կատարված գործարքների ծավալը կազմել է 200.3 մլն.դրամ, գրանցելով 57% տարեկան աճ: Ներկայումս բորսայում շրջանառվում են 3 ընկերությունների բաժնետոմսեր, և ևս 8 ընկերությունների 9 թողարկումներ թույլատրվել են մասնակցել հարթակի սակարկություններին:
Ըստ Սարոյանի, տարեվերջին շուկայի կապիտալիզացիան կազմել է 53.8 մլրդ.դրամ, գրանցելով տարեկան 2.3% աճ: Կորպորատիվ պարտատոմսերի հարթակում 2011 թվականին տեղի է ունեցել ընդամենը 91 գործարք, 708.9 մլն.դրամ գումարով, ինչը 75% ցածր է 2010 թվականի ցուցանիշից: Էապես ընկել է նաև ՌԵՊՈ-պայմանագրերով գործարքների ծավալը, կազմելով 45.6%: 2011 թվականին ցուցակվել է 2 նոր թողարկում և 2 թողարկող` Արարատբանկը և ՙՎալլետտա՚ ընկերությունը, իսկ Ազգային Հիփոթեքային ընկերության պարտատոմսերը թույլտրվել են ազատ հարթակի սակարկություններին: Պետպարտատոմսերով գործարքները մեկ տարում աճել են աննշան չափերով, տարեվերջին կազմելով 5.37 մլրդ.դրամ: Արժութային հարթակը մեկ տարում աճել է 0.6%, մինչև 283.5 մլրդ.դրամ, իսկ դոլարի միջին կշռված փոխարժեքը մեկ տարում ձևավորվել է 372.93 դրամ/դոլար մակարդակի վրա: Նախորդ տարում ամենամեծ թվով գործարքները գրանցվել են միջբանկային կարճաժամկետ վարկերի overnight հարթակում: Այստեղ ծավալները կազմել են 228 մլրդ.դրամ, գրանցելով տարեկան 3.5 անգամյա աճ:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին