Ուրբաթ, 24 Փետրվարի 2012 16:10

ՙԻՆԳՈ ԱՐՄԵՆԻԱ՚ և ՙԿԱՍԿԱԴ Ինշուրանս՚ ապահովագրական ընկերությունները հայտնել են միավորելու իրենց մտադրության մասին

ԱրմԻնֆո. ՙԻՆԳՈ Արմենիա՚ և ՙԿասկադ Ինշուրանս՚ ապահովագրական ընկերությունները հայտնել են միավորվելու մասին իրենց մտադրությունը:

Ինչպես այսօր լրագրողներին հայտարարել է ԻՆԳՈ Արմենիա ապահովագրական ընկերութան գործադիր տնօրեն Լևոն Ալթունյանը, միավորման գործարքը կավարտվի առաջին կիսամյակի վերջին: Առաջիկա օրերին միավորման վերաբերյալ ողջ փաստաթղթերը կներկայացվեն կարգավորող մարմնին: Ըստ Ալթունյանի, միավորման նպատակն է Հայաստանյան ապահովագրական ոլորտում ստեղծել առավել մեծ, ֆինանսապես հզոր և կայուն ընկերություն: Նա ընդգծել է, որ երկու ընկերություններն էլ ունեն միատեսակ աշխատաոճ, դրանք ՙշուկայական երկու ընկերոություններ են, որոնք աչքի են ընկնում քաղաքական ուժերից անկախ և անկողմնակալ գործունեույթունով՚,-նշել է ապահովագրողը:

Աղբյորի համաձայն, միավորման արդյունքում վերակազմավորված ընկերությունը կունենա աննախադեպ լայն ու բարելավված սպասարկումով գործակալական ցանց, բարձր որակավորում ունեցող, փորձառու ապահովագրական մասնագետների հմուտ թիմ և կոնսոլիդացված ֆինանսական կայուն հիմք:

Միավորման գործընթացը սկսված է և ընթանում է ըստ նախատեսված ժամանակացույցի:
ործարքի ընթացքը լրացուցիչ կլուսաբանվի սպասվող զարգացումներին համապատասխան:

Նշենք, որ միավորումից հետո ՙԿասկադ Ինշուրանս՚ ապահովագրական ընկերությունը կդադարեցնի իր գոյությունը:

Ըստ ԱրմԻնֆո գործակալության կողմից կազմված` Հայաստանի ապահովագրական ընկերությունների Ռենկինգի, 2011 թվականի վերջին ՙԻՆԳՈ Արմենիա՚ ապահովագրական ընկերության ակտիվները կազմել են 7.2 մլրդ.դրամ, ապահովագրական պրեմիաները` 4.6 մլրդ.դրամ: ՙԿասկադ Ինշուրանս՚-ի ակտիվները կազմել են 3.6 մլրդ.դրամ, պրեմիաները` 2.1 մլրդ.դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	3.99	0.00
USD	387.62	0.57
EUR	421.19	1.82
GBP	503.29	1.21
CAD	278.40	0.37
JPY	25.40	0.09
CNY	54.45	0.10
CHF	447.49	1.12

Նորություններ

ՙԻՆԳՈ ԱՐՄԵՆԻԱ՚ և ՙԿԱՍԿԱԴ Ինշուրանս՚ ապահովագրական ընկերությունները հայտնել են միավորելու իրենց մտադրության մասին