Չորեքշաբթի, 23 Մայիսի 2012 15:40
Հայաստանի 8 ապահովագրական ընկերությունների ընթացիկ պարտավորությունները 2012 թվականի առաջին եռամսյակում աճել են 46 տոկոսով
ԱրմԻնֆո. Հայաստանի 8 ապահովագրական ընկերությունների ընթացիկ պարտավորությունները 2012 թվականի առաջին եռամսյակում աճել են 46%-ով, 2012 թվականի ապրիլի 1-ին կազմելով մինչև 21.3 մլրդ.դրամ կամ պասիվների 59.3%-ը, տարեկան կտրվածքով աճելով 32.1%:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, ընթացիկ պարտավորությունների կազմում ընթացիկ կրեդիտորական պարտավորությունների բաժինը կազմել է 15.4% կամ 3.2 մլրդ.դրամ: 8 ապահովագրական ընկերությունների ապահովագրական պահուստները 2012-ի առաջին եռամսյակում աճել են 77.7%, իսկ տարեկան կտրվածքով` 31.5%, կազմելով 15.2 մլրդ.դրամ, ընթացիկ պարտավորությունների մեջ կազմելով 1.3%: Ապահովագրկան պահուստների ամենամեծ չափերը գրանցել է` ՙՌոսգոսստախ Արմենիա՚` 4.3 մլրդ.դրամ, իսկ ամենափոքր չափերը` ՙՍԻԼ Ինշուրանս՚`663.7 մլն.դրամ, ապահովագրական ընկերույթունները:
Ըստ Ռենկինգի, Հայաստանի 8 ապահովագրական ընկերությունների միագումար սեփական կապիտալը 2012-ի առաջին եռամսյակում կրճատվել է 2.5%, ապրիլի 1-ին կազմելով 14.5 մլրդ.դրամ կամ 37.2 մլն.դոլար, տարեկան կտրվածքով աճելով 5.5%: Սեփական կապիտալի չափերով 2012-ի առաջին եռամսյակի առաջատարներն են` ՙՌոսգոսստախ Արմենիա՚` 2.3 մլրդ.դրամ, գրանցելով տարեկան 4.4% աճ, ՙԻՆՈ Արմենիա՚` 2 մլրդ.դրամ ¥11.4% տարեկան աճով¤ և ՙՌԱՍԿՈ՚`1.8 մլրդ.դրամ, 13.3% տարեկան աճով ապահովագրական ընկերությունները: Իսկ սեփական կապիտալի նվազագույն չափերը գրանցել է ՙՍԻԼ Ինշուրանս՚-ը` 1.6 մլրդ.դրամ, տարեկան կտրվածքով գրանցելով 2.1% անկում:
Ապահովագրական ընկերությունների սեփական կապիտալի կազմում կանոնադրական կապիտալի բաժինը կազմել է 84.6% կամ 12.3 մլրդ.դրամ. իսկ կուտակված շահույթի բաժինը`12.7% կամ 1.8 մլրդ.դրամ: Կուտակված շահույթ է գրանցվել 5 ապահովագրական ընկերություններում, իսկ երեքի` ՌԵՍՈ, ՙՌոսգոսստրախ Արմենիա՚ և ՙԿասկադ Ինշունարս՚ ապահովագրական ընկերությունների մոտ գրանցվել է վնաս: Ամենամեծ վնասը գրանցել է ՌԵՍՈ-ն, ինչը կարելի է բացատրել գործունեության համեմատաբար կարճ ժամկետներով: Ռոսգոսստախ Արմենիա ընկերության վնասը կազմել է 208.8 մլրդ. դրամ, իսկ Կասկադ Ինշունարսի վնասը` 97.7 մլրդ.դրամ:
Հայաստանի 8 ապահովագրական ընկերությունների միագումար կուտակված շահույթը տարեկան կտրվածքով աճել է 11.6%, իսկ միայն առաջին եռամսյակում կրճատվել է 32%: Կուտակված շահույթի գծով առաջատարներն են` ԻՆՈ Արմենիա` 921.2 մլրդ.դրամ ¥12.3% տարեկան աճ¤ և ՌԱՍԿՈ` 857.2 մլն.դրամ ¥34.1% տարեկան աճով¤ ընկերությունները: