Ուրբաթ, 8 Հունիսի 2012 22:43
Երևանում ընթանում է կորպորատիվ կառավարման պրակտիկայի բարելավմանը նվիրված սեմինար
ԱրմԻնֆո: Երևանում նախօրեին իր աշխատանքն է սկսել «Ռիսկերի կառավարումը և տնօրենների խորհուրդը՚ կորպորատիվ կառավարման պրակտիկայի բարելավմանը նվիրված երկօրյա սեմինարը: Սեմինարը կազմակերպել է Միջազգային ֆինանսական կորպորացիան (IFC)` Կորպորատիվ կառավարման կենտրոնի հետ համատեղ:
Ինչպես սեմինարի բացմանը ժամանակ հաղորդել է ծրագրի ղեկավար Վահագն Մովսիսյանը, սեմինարով փաստորեն մեկնարկ է տրվում երկամյա ծրագրի`նպատակաուղղված հայկական ընկերությունների կորպորատիվ կառավարման բարելավմանը, այդ ոլորտում իրավական բազայի կատարելագործմանը և կառավարման համակարգի ուսումնասիրման և խորհրդատվությունների տրամադրման միջոցով կոնկրետ ձեռնարկություններում հստակ աշխատանքի իրականացմանը: Ծրագրի շրջանակներում հրավիրված և տեղացի մասնագետները երկարաժամկետ դասընթացներ կանցկացնեն ձեռնարկություններում ու ընկերություններում, որոնք կնպաստեն կորպորատիվ կառավարման համակարգի ստեղծմանը և կատարելագործմանը`որպես գործուն Տնօրենների խորհուրդների ձևավորման և տարբեր ռիսկերի կառավարման հիմնական գործիք: Նրա խոսքով, հայկական ընկերություններում կորպորատիվ համակարգի ներդրման թեմատիկային զգալի ուշադրություն է հատկացվում կարգավորողների կողմից, ինչի հետ կապված`հիշյալ ծրագիրը չափազանց օգտակար կլինի այդ ոլորտում համաշխարհային առաջատար IFC-ի կողմից մշակված ստանդարտների ներդրման համար:
ՀՀ էկոնոմիկայի նախարարի առաջին տեղակալ Կարինե Մինասյանը, ելույթ ունենալով սեմինարի ժամանակ, ընդգծել է, որ սեմինարը պետք է պատասխանի երկու հարցի: Առաջինը`կարո±ղ է արդյոք կորպորատիվ կառավարման համակարգը հանդիսանալ այն հենակետը, որի վրա կարելի է հենվել հիմնական կառավարչական համակարգերի`ռիսկեր, ներքին վերահսկողություն, մարքեթինգ, կատարելագործման հարցում: Երկրորդ հարցն այն է, թե թույլ կտա արդյոք դա բարձրացնել հայկական ձեռնարկությունների և ընկերությունների աշխատանքի արդյունավետությունը: Փոխնախարարի կարծիքով, այդ ոլորտում կառավարությունն արդեն ձեռնարկել է մի շարք քայլեր, այդ թվում`ուղղումներ է կատարել ՙԲԸ մասին օրենքում՚, որտեղ փորձել է լուծել պաշտոնական հաշվետվությունում բաժնետերերի համար աֆիլացված անձանց և գործարքների վերաբերյալ տեղեկատվության բացահայտման խնդիրը, ինչը շատ լուրջ խնդիր է տնտեսության համար, և մի քանի կոշտ պատժամիջոցներ է ընդունել ձեռնարկությունների գործադիր տնօրենների նկատմամբ, ովքեր շրջանցում են այդ պահանջները:
Telcell-ը դուրս է գալիս ինստիտուցիոնալ զարգացման ուղի
Պետությունը պետք է ներդրողի հետ փոխհարաբերությունների կոշտ կանոններ սահմանի, այլ ոչ թե անկանոն կապերի մեջ մտնի նրա հետ. Արթուր Աշուղյան
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի