Երկուշաբթի, 24 Սեպտեմբերի 2012 16:47
Բյուջետային աշխատողների բուժապահովագրությունն ապահովագրողների պորտֆելը մեծացրեց 66 տոկոսով, մինչեւ 57.1 մլրդ.դրամ
ԱրմԻնֆո. Հայաստանի 7 ապահովագրական ընկերությունների ապահովագրական պրեմիաների միագումար ծավալը 2012 թվականի առաջին կիսամյակում կազմել է 23.8 մլրդ դրամ ($ 57.1 մլն), տարեկան կտրվածքով աճելով 66%:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, ապահովագրական պրեմիաների կազմում կորպորատիվ ապահովագրության բաժինը կազմել է 24%, մանրածխի բաժինը` 76%: Ապահովագրական պրեմիանրի գծով առաջին տեղում է ԻՆՈ Արմենիան` 6.5 մլրդ դրամ (տարեկան աճը` գրեթե 2 անգամ): Երկրորդ տեղում է Ռոսգոսստրախ Արմենիան (վերջին տարիներին պրեմիաների գծով ընկերությունն ավանդաբար առաջին տեղն էր զբաղեցնում շուկայում), գրանցելով 6.1 մլրդ դրամ ցուցանիշ (տարեկան աճը 26.6%): Երրորդ տեղում է ՌԵՍՈ-ն` առաջին կիսամյակում կրկնապատկելով ապահովագրական պորտֆելը եւ հասցնելով 3.9 մլրդ.դրամի: Չորրորդ տեղում է Նաիրի Ինշուրանսը` 2.7 մլրդ.դրամ (տարվա աճը` 54.4%¤: Հինգերորդ տեղում է արանտ Ինշուրանսը` 2.3 մլրդ դրամ¥տարկան աճը` 2 անգամ¤: Այնուհետև հաջորդում են` ՌԱՍԿՈ-ն` 1,4 մլդ.դրամ (աճը` 80.1%) և ՍԻԼ Ինշուրանսը` 832 մլն դրամ (տարեկան աճը` 30.5%):
Հայաստանի 7 ապահովագրական ընկերությունների ընդհանուր պորտֆելում ԱՊՊԱ գծով պրեմիաների բաժինը 2012 թվականի առաջին կիսամյակում կազմել է 42.5% կամ 10.1 մլրդ դրամ: Այս հատվածը մեկ տարում կրճատվել է 10,8%: Այստեղ ավանդաբար առաջատարն է Ռոսգոսստրախ Արմենիան` 3.1 մլրդ դրամ, իսկ նվազագույն ծավալները գրանցել է ՍԻԼ Ինշուրանսը` 644,1 մլն դրամ: Ապահովագրական վճարները առողջության ապահովագրության գծով մեկ տարում ավելացել են գրեթե 17 անգամ, մինչեւ 10.5 մլրդ դրամ, ինչը պայմանավորված է Հայաստանում 2012-ից բյուջետային աշխատողների սոցապահովագրության փաթեթի ներդրումով, որի պոլիսի բազային սակագինը կազմում է 52 հազ.դրամ: Այս հատվածում հավաքագրված պրեմիաների ծավալներով առաջատարն է Ինգո Արմենիան` 2.8 մլրդ դրամ:
Հյաստանի 7 ապահովագրողների ապահովագրական ընդհանուր պորտֆելում գույքային ապահովագրության գծով պրեմիաների բաժինը կազմել է 5.5%, կամ 1.3 մլրդ դրամ, տարեկան կտրվածքով աճելով 70%: Այս հատվածում առաջատարն է ԻՆՈ Արմենիան (757.6 մլն դրամ): Ցամաքային տրանսպորտի ապահովագրության գծով (CASCO) առաջին կիսամյակում 7 ընկերությունների հավաքագրված ընդհանուր պրեմիաները կազմել են 911 մլրդ.դրամ (ընդհանուր պրեմիաների 3.8%-ը): Այս հատվածում էլ առաջատարն է ԻՆՈ Արմենիան` 298 մլն.դրամ: Ընդհանւր պատասխանատվության ապահովագրության հատվածում 7 ընկերություններն առաջին կիսամյակում հավաքագրել են 195,5 մլն դրամ (ընդհանուր պրեմիաների 0.83%-ը), տարեկան կտրվածքով աճելով 15.1%: Այստեղ առաջատարհ է Ինգո Արմենիան` 85,7 մլն դրամ է: 2012 թվականի առաջին կիսամյակում 7 ապահովագրական ընկերությունները բեռների ապահովագրության հատվածում հվաքագրել են 185.8 մլն.դրամի պրեմիաներ (ընդհանուր պրեմիաների 0,8%-ը), տարեկան կտրվածքով կրճատվելով 37.7%: Այս հատվածում նույնպես առաջին տեղում է Ինգո Արմենիան` 45.5 մլն.դրամ: Ջրային տրանսպորտի ապահովագրության, Ջրային տրանսպորտի օգտագործումից բխող պարտավորության եւ ֆինանսական երաշխիքի տրամադրման ապահովագրությունների գծով ընթացիկ տարվա առաջին կիսամյակում ապահովագրական ոչ մի պայմանագիր չի կնքվել: