Ուրբաթ, 16 Նոյեմբերի 2012 19:47
Հայաստանի տնտեսության վարկավորման ընդհանուր ծավալում արտարժութային բաղադրիչի բաժինն ավելացել է 59,4%-ից մինչև 63,9%
ԱրմԻնֆո. Հայաստանի իրական հատվածի վարկավորման ընդհանուր ծավալում ռեզիդենտների գծով արտարժութային վարկերի բաժինը մեկ ամսում մնացել է անփոփոխ և 2012 թ. սեպտեմբերին պահպանվել է 63,9% մակարդակում: Ինչպես նշվում է ՀՀ ԿԲ ամենամսյա տեղեկագրում, III եռամսյակում այդ ցուցանիշը նվազել է 0,1 կետով, իսկ տարեկան կտրվածքով (2012 թ. սեպտեմբերին 2011 թ. սեպտեմբերի համեմատ) բարձրացել է 4,5 կետով:
Աղբյուրի համաձայն, Հայաստանի բանկերի վարկային ներդրումները 2012 թ. սեպտեմբերին ավելացել են 1,9%-ով, հոկտեմբերի 1-ին կազմելով 1.551 տրլն դրամ (3.743 մլրդ դոլար)` 29,9% տարեկան աճով: Վարկավորման զգալի մասը բաժին է ընկել առևտրի հատվածին, վերամշակման հատվածին, սպառողական վարկեիկն, հիփոթեքային վարկերին, ագրարային հատվածին, էներգետիկ հատվածին:
Նշենք, որ բանկերի վարկային պորտֆելում (չհաշված երկարաձգված և ժամկետանց վարկերը) դրամային վարկերի բաժինը կազմել է 35,3% կամ 522 մլրդ դրամ. իսկ արտարժութային վարկերինը` 64,7% կամ 955.7 մլրդ դրամ: Բանկերի կողմից դրամային վարկավորումը հաշվետու ժամանակահատվածում կրճատվել է 8%-ով` տարեկան 15% աճի դեպքում: Արտարժութային վարկավորումը սեպտեմբերին ավելացել է 1,9%-ով` տարեկան 40,2% աճի պայմաններում:
Ռեզիդենտների ավանդների արտարժութային բաժինը դրամական զագվածում 2012 թ. հոկտեմբերի 1-ին կազմել է 45,5%, մեկ ամսում և III եռամսյակում ավելանալով 0,1 կետով` տարեկան կտրվածքով 3,1 կետով աճի պայմաններում: 2012 թ. I եռամսյակում ռեզիդենտների արտատրժութային ավանդների բաժինը դրամական զանգվածում ավելացել է 1,2 կետով, կազմելով 43%, իսկ II եռամսյակում` 2,4 կետով մինչև 45,4%:
Ռեզիդենտների ավանդների ընդհանուր պորտֆելում արտարժութային ավանդների բաժինը մինչև հոկտեմբերի 1-ը կազմել է 63,3%, ինչն օգոստոսի ցուցանիշին զիջում է 0,3 կետով, III եռամսյակի անփոփոխության և տարեկան կտրվածքով 1,5 կետով աճի պայմաններում: 2012 թ. I եռամսյակում ռեզիդենտների ավանդների ընդհանուր պորտֆելում արտարժութային ավանդների բաժինը կրճատվել է 0,6 կետով, կազմելով 60%, II եռամսյակում ավելացել է 3,3 կետով մինչև 63,6%:
Ռեզիդենտների ցպահանջ արտարժութային ավանդների բաժինը ավանդների ընդհանուր պորտֆելում մինչև 2012 թ. հոկտեմբերի 1-ը կազմել է 55,3%, սեպտեմբերին ավելանալով 1,4 կետով, III եռամսյակում 0,1 կետով աճի, իսկ տարեկան կտրվածքով` 2,7 կետով անկման պայմաններւոմ: 2012 թ. I եռամսյակում ռեզիդենտների ցպահանջ արտարժութային ավանդների բաժինը ցպահանջ ավանդների ընդհանուր պորտֆելում ավելացել է 0,7 կետով, կազմելով 53,9%, II եռամսյակում` 1.3 կետով մինչև 55,2%: Ռեզիդենտ ֆիզիկական անձանց ժամկետային ավանդների պորտֆելում արտարժութային ժամկետային ավանդների բաժինը կազմել է 74,6%, սեպտեմբերին նվազելով 0,1 կետով, իսկ III եռամսյակում` 0,3 կետով,տարեկան 0,4 կետով աճի դեպքում: 2012 թ. I եռամսյակում ռեզիդենտ ֆիզիկական անձանց ժամկետային ավանդների պորտֆելում արտարժութային ժամկետային ավանդների բաժինը կրճատվել է 2,8 կետով, կազմելով 73,3%, II եռամսյակում`1,6 կետ աճ:
Նշենք, որ 2012 թ. սեպտեմբերին Հայաստանի բանկերի ներգրաված ավանդների ծավալը ավելացել է 3,7%-ով, տարեկան 32,9% աճի դեպքում, 2012 թ. հոկտեմբերի 1-ին հասնելով 1.165 տրլն դրամի կամ 2.9 մլրդ դոլարի: Դրանց կառույցում դրամայինների բաժինը կազմել է 29,3% կամ 341.9 մլրդ դրամ (841.7 մլն դոլար), ամսական 4,4% աճով, տարեկան 27,1% անկմամբ, իսկ արտարժութային ավանդներին բաժին է ընկել 70,7% կամ 823.2 մլրդ դրամ ( 2.026 մլրդ դոլար), սեպտեմբերին 3,4%, իսկ տարեկան կտրվածքով 34,9% աճի պայմաններում: Բանկերի ավանդների ընդհանուր ծավալում դրամային ավանդների տեսակարար կշիռը սեպտեմբերին ավելացել է 0,1 կետով` արտարժութային ավանդների բաժնի համանման անկմամբ: Ռեզիդենտների ավանդներին բաժին է ընկել ավանդների ընդհանուր ծավալի 76,8% կամ 895 մլրդ դրամ (սեպտեմբերին 3,2%, իսկ տարեկան կտրվածքով 30,6% աճի պայմաններում): Դրանցից 325 մլրդ դրամ դրամային ավանդներն են (ամսական 4,5%, տարեկան 26,5% աճ), իսկ 570 մլրդ դրամ արտարժութային (ամսական 2,5%, տարեկան 33,2% աճ).
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
Հայաստան ներմուծվող ցորենի ավելի քան 99,9%-ը ստացվում է Ռուսաստանից