Չորեքշաբթի, 19 Դեկտեմբերի 2012 19:45

Հայաստանում անշարժ գույքի միջին շուկայական գինը մեկ տարում աճել է 2.5 տոկոսով, հիմնականում բազմաբնակարանների թանկացման հաշվին

ԱրմԻնֆո. Հայաստանում անշարժ գույքի միջին շուկայական գինը 2012 թվականի հոկտեմբերին աճել է 0.5%, տարեկան կտրվածքով` 2.5%, 2012 թվականի նոյեմբերի 1-ին կազմելով 178.4 հազ.դրամ/քառ.մ: Ինչպես վկայում են ՀՀ Անշարժ գույքի կադաստրի պետական կոմիտեի տվյալները, որոնք տրամադրվել են ԱրմԻնֆո գործակալությանը, բազմաբնակարան շենքերի բնակարանները հաշվետու ամսում թանկացել են 0.6%, տարեկան կտրվածքով` 3.6%, մինչև 173 հազ.դրամ/քառ.մ: Իսկ մասնավոր տներում քանկացել են 0.4%, տարեկան կտրվածքով` 1.4%, մինչև 183.6 հազ.դրամ/քառ.մ:

Երեւանի բազմաբնակարան շենքերի բնակարանների մեկ ք.մ. գինը հոկտեմբերին աճել է 0.5%, տարեկան աճը` 2.5%, մինչեւ 263 հազ.դրամ, իսկ մարզերում` աճել է 0.6%, տարեկան աճը` 4.7%, մինչև 83.3 հազ.դրամ: Ընդ որում, մարզային բազմաթիվ քաղաքներում գները մնացել են անփոփոխ:

Միեւնույն ժամանակ, Երևանում մասնավոր տների գները հոկտեմբերին աճել են 0,4%, տարեկան աճը`1.9%, նոյեմբերի 1-ին կազմելով 279.3 հազ.դրամ/1ք.մ: Մարզերում մասնավոր տների գները անփոփոխվել են աննշան, մոտ 0.5%, իսկ տարեկան կտրվածքով` 0.9%, կազմելով 87.8 հազ.դրամ/1ք.մ:

Ըստ կադաստրի տվյալների, ամենաբարձր գները գրանցվել են ԵրեւանիԿենտրոն համայնքում գներն աճել են 0.3%, իսկ տարեկան անկումը կազմել է 3.8%, նոյեմբերի1-ին կազմելով` 419.5 հազ.դրամ: Արաբկիրում այն կազմել է 347 հազ.դրամ, մեկ ամսում աճելով 0,3%, իսկ տարեկան աճը կազմել է 1.5%: Մնացած համայնքներում գներն սկսվում են 232 հազ.դրամից, բացառությամբ Նուբարաշենի, որտեղ միջին գինը կազմում է 142 հազ.դրամ:

Մարզերում, գները տեղաբաշխվել են հետևյալ ձևով. Ծաղկաձոր` 292.5 հազ.դրամ, տարեկան աճը` 45.2%, հոկտեմբերին մնալով անփոփոխ, որին հաջորդում են` Վաղարշապատը` 153,2 հազ.դրամ, տարեկան աճը` 8.5%, Աբովյանը` 153,1 հազ.դրամ, տարեկան աճը` 7%: Մնացած քաղաքներից առաջատարներն են Այրումը (Տավուշի մարզ) եւ Ճամբարակը (եղարքունիքի մարզ), որտեղ աճը կազմել է 4,3-4,8%, մինչև 24-26,2 հազ.դրամ, գրանցելով տարեկան 5,7-18,1% անկում:

Երևանում մասնավոր տների ամենաբարձր գները գրանցվել են Կենտրոն և Արաբկիր համայնքներում, համապատասխանաբար կազմելով` 375-467.5 հազ.դրամ(ամսվա աճը` 0.1%, իսկ տարվա աճը` 1.9-2.7%): Այնուհետև հաջորդում են` Քանաքեռ-Զեյթուն, Նորք-Մարաշ, Ավան, Էրեբունի, Շենգավիթ, Դավիթաշեն, Աջափնյակ, Մալաթիա-Սեբաստիա համայնքները, որտեղ միջին գինը տատանվում է 232-286 հազ.դրամի սահմաններում: Իսկ Նուբարաշենում այն կազմում է 145,1 հազ.դրամ:

Մասնավոր տների գներով մարզերում առաջատարներն են` Ծաղկաձորը` 305 հազ.դրամ, (տարեկան անկումը` 1,5%), Աբովյանը`154,7 հազ.դրամ (տարեկան աճը` 3,1%) և Վաղարշապատը` 152,3 հազ.դրամ (տարեկան անկումը` 9.5%): Ամսական կտրվածքով գները մարզերի շատ քաղաքներում մնացել են անփոփոխ: ների ամենաբարձր աճը գրանցվել է Վարդենիսում` 5.9%, մինչև 36 հազ.դրամ մեկ քառ.մետրի դիմաց ¥տարեկան անկումը` 6%¤:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.72	-0.01
USD	382.61	0.07
EUR	442.37	0.54
GBP	503.51	2.11
CAD	272.92	1.86
JPY	24.82	-0.13
CNY	53.74	0.02
CHF	474.64	0.73

Նորություններ

Հայաստանում անշարժ գույքի միջին շուկայական գինը մեկ տարում աճել է 2.5 տոկոսով, հիմնականում բազմաբնակարանների թանկացման հաշվին