Հինգշաբթի, 29 Նոյեմբերի 2012 18:31

Տրանսֆերտների գծով Առեկսիմբանկի կանխատեսումը. 2012 թ.իրավիճակի բարելավմամբ հուսով ենք, որ 2013-ին դրամական փոխանցումների ծավալը կաճի 15%-ով

ԱրմԻնֆո. 2012 թվականին տիրող իրավիճակի բարելավմամբ հուսով ենք, որ 2013 թվականին դրամական փոխանցումների ծավալը կաճի 15%-ով, չնայած այն բանին, որ ՀՀ տարածքում դադարեցվել է դրամական փոխանցումների ՙՄիգոմ՚ համակարգի գործունեությունը: Տրանսֆերտների շուկայի վերաբերյալ նման կանխատեսումներով է այսօր կայացած ճեպազրույցում հանդես եկել Առէկսիմբանկ-Գազպրոմբանկի Խմբի փոխտնօրեն Ռուբեն Խաչատրյանը:

Նա պարզաբանել է, որ այսօր գրեթե բոլոր բանկերը հաճախորդներին առաջարկում են միջազգային դրամական փոխանցումների ծառայություններ, ընդ որում, միատեսակ պայմաններով: ՙՇուկան հագեցած է նման առաջարկներով, հետևաբար, նվազում է պահանջարկը: Կշահի նա, ով կառաջարկի ավելի որակյալ սպասարկում: Դրա համար անհրաժեշտ է մշտապես բարձրացնել գործունեության արդյունավետությունը, ընդլայնել գործընկերությունը միջազգային տարբեր վճարային համակարգերի հետ, ինչպես նաև մատուցվող ծառայությունների տեսականին: Մենք նույնպես ընթանում ենք այդ ճանապարհով՚, - ասել է նա:

ՙՓոխանցումների քանակով և ծավալով առաջատար են համարվում Ռուսաստանի Դաշնությունը և ԱՄՆ: 2012թ. 10 ամիսների ընթացքում Ռուսաստանի և Հայաստանի միջև իրականացվել են 13.864.271 ԱՄՆ դոլարի թվով 21 864 դրամական փոխանցումներ, իսկ Հայաստանի և ԱՄՆ միջև` 625.627 ԱՄՆ դոլարի թվով 1242 փոխանցումներ: Երրորդ տեղն է զբաղեցնում Ուկրաինան` 682 փոխանցումներ 463.206 ԱՄՆ դոլար ընդհանուր գումարով: Ղազախստանից և ԱՄԷ-ից փոխանցումների մեծ ներհոսքը դեպի Հայաստան ենթադրաբար կապված է մեր բնակչության` դեպի այդ երկրներ արտագնա աշխատանքի մեկնելու, ինչպես նաև ֆիզիկական և իրավաբանական անձանց կողմից առևտրային համաձայնագրերի ձեռքբերման հետ: Խոսելով տրանսֆերների շուկայի ընդհանուր միտումների մասին կարծում եմ, որ Ուկրաինայից և ԱՄՆ-ից դրամական փոխանցումների կրճատումն ուղղակիորեն պայմանավորված է նշված երկրների ներկայիս տնտեսական անկայուն վիճակով՚,-նշել է նա:

Ըստ ՀՀ Կենտրոնական բանկի տվյալների, S.W.I.F.T.-ի մասնաբաժինը Հայաստաի դրամական փոխանցումների ընդհանուր ծավալում 2009-2012 թվականներին նվազել են (53%-ից մինչև 46%), իսկ թվաքանակով`10%-ից մինչև 5%, իսկ մյուս համակարգերի բաժինը ցուցադրումէ կայուն աճ: Ընդ որում, եթե դեպի Հայաստան փոխանցումների 67%-ը իրականացվում է առանց բանկային հաշիվ բացելու, ապա դեպի արտասահման փոխանցումների 78%-ը կատարվում է SWIFT համակարգի միջոցով:

Ըստ ՀՀ ԿԲ կանխատեսումների, ֆիզիկական անձանց տրանսֆերտների զուտ հոսքը 2012 թվականին կաճի 10-12%, մինչ այդ կանխատեսված` 9-12%-ի փոխարեն: 2013 թվականին այս ցուցանիշը կդանդաղի մինչև 9-11%, կապված ՌԴ տնտեսական աճի կանխատեսումների հետ:

Ըստ ՀՀ Կենտրոնական բանկի վերջին տվյալների, առաջին կիսամյակում ոչ ռևտրային բնույթի տրանսֆերտների ներհոսքը, Հայաստանի բանկային համակարգի միջոցով, կազմել է $ 664,5 մլն (տարեկան աճը` 8.2%), ինչի արդյունքում զուտ ներհոսքը 2012-ին կազմել է $ 532.6 մլն (տարեկան աճը` 8%): Ներհոսող տրանսֆերտների մեծ մասն ավանդաբար գալիս է Ռուսաստանից` 83%, որին հաջորդում են` ԱՄՆ` 5.3%, Ուկրաինան` 1.3%, Ղազախստանը` 1.2%, Ֆրանսիան եւ երմանիան` 0.8%:

Նշենք, որ այսօր Հայաստանում գործում են ավելի քան 14 միջազգային դրամա-վճարային համակարգեր, որոնց թվում են` MoneyGram, Unistream, Anelik, ինչպես նաև ՙԲիստրյա պոչտա՚, Contact և Blizko համակարգերը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.29	0.03
USD	387.97	0.37
EUR	421.76	1.64
GBP	492.84	2.53
CAD	284.92	0.76
JPY	24.91	0.04
CNY	53.64	0.01
CHF	426.90	0.68

Նորություններ

Տրանսֆերտների գծով Առեկսիմբանկի կանխատեսումը. 2012 թ.իրավիճակի բարելավմամբ հուսով ենք, որ 2013-ին դրամական փոխանցումների ծավալը կաճի 15%-ով