Հինգշաբթի, 31 Հունվարի 2013 19:47

ՙԱռէկսիմբանկ-Գազպրոմբանկի խումբ՚ ՓԲԸ-ն MasterCard վճարային քարտեր շնորհեց ՙԱմենաֆինանսական ստեղծագործություն՚ մրցույթի հաղթողներին

Արմինֆո. ՙԱռէկսիմբանկ-Գազպրոմբանկի խումբ՚ ՓԲԸ-ն մրցանակներ հանձնեց ՙԱմենաֆինանսական ստեղծագործություն՚ մրցույթի մասնակիցներին, որը շուրջ մեկ ամիս անցկացվում էր Facebook սոցիալական ցանցում: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, մրցույթի ընթացքում ավելի քան 700 նոր անդամներ միացան Facebook-ում գտնվող Բանկի խմբին:

Աղբյուրի համաձայն, մրցույթի անվանակարգերում հաղթողներին տրվել են MasterCard Gold տիպի քարտեր, իսկ մյուս մասնակիցներին` MasterCard Standard պլաստիկ քարտեր: Բանկի պլաստիկ քարտերի միջոցով քարտապաններին հնարավորություն է տրվում ստանալու զեղչեր ավելի քան 200 սպասարկման կետերում և ընկերություններում (առևտրի կենտրոններ, հյուրանոցներ, ապահովագրական ընկերություններ, բժշկական կենտրոններ, ինչպես նաև հանգստի և զվարճանքների կենտրոններ)` ողջ Հայաստանի տարածքով:

Հիշեցնենք, որ ՙԱմենաֆինանսական ստեղծագործություն՚-ը հեղինակային աշխատանքների մրցույթ է` նվիրված բանկային և ֆինանսական ոլորտին: Մրցույթն անցկացվում էր հետևյալ անվանակարգերում` լուսանկարչություն, գեղանկարչություն, պատկերազարդում, բանաստեղծություն, երաժշտական ստեղծագործություն, ծաղրաշար, կարճամետրաժ ֆիլմ, տեսանյութ և այլն:

Բանկն առաջարկում էր բոլոր ցանկացողներին իրենց աշխատանքները տեղադրել Facebook-ի ՙԱռէկսիմբանկ-Գազպրոմբանկի խումբ՚ ՓԲԸ կայքում, որտեղ հենց համացանցի օգտատերերը գնահատում էին մրցույթի մասնակիցների կողմից ներկայացված աշխատանքները: Ըստ այդմ, անվանակարգում մրցույթի հաղթողներ դառձան ամենաշատ «լայքերե հավաքողները:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	3.74	0.08
USD	397.88	3.24
EUR	418.65	1.83
GBP	505.55	4.71
CAD	283.45	1.69
JPY	26.50	0.18
CNY	54.70	0.20
CHF	449.28	1.03

Նորություններ

ՙԱռէկսիմբանկ-Գազպրոմբանկի խումբ՚ ՓԲԸ-ն MasterCard վճարային քարտեր շնորհեց ՙԱմենաֆինանսական ստեղծագործություն՚ մրցույթի հաղթողներին