Ուրբաթ, 29 Մարտի 2013 15:53
Անելիք Բանկը շուկա է հանել նոր վարկատեսակ` ՙՀարսանեկան՚
Արմինֆո. Սույն թվականի մարտի 29- ից ՙԱնելիք Բանկ՚ ՓԲԸ շուկա է հանել նոր վարկատեսակ` ՙՀարսանեկան՚: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Բանկի կողմից նեդրված նոր ՙՀարսանեկան՚ վարկատեսակը հիանալի հնարավորություն է տալիս ամուսնության պատրաստվող զույգերին և ընդհանրապես տոնական միջոցառումների նախապատրաստվող անձանց` հոգալու իրենց ծախսերը:
Վարկի տրամադրման արագության և պահանջվող թղթաբանության սակավության շնորհիվ վարկառուները կարող են, առավելագույնս արագ ստանալով վարկը, կազմակերպել և նշել իրենց սպասվող տոնը: Առաջարկվող այս նոր վարկատեսակից կարող են օգտվել բոլոր նրանք, ովքեր սեփականության իրավունքով ունեն Երևան քաղաքի բազմաբնակարան շենքում գտնվող անշարժ գույք: Վարկը տրամադրվում է 1-ից մինչև 5 մլն. ՀՀ դրամ կամ դրան համարժեք արտարժույթի չափով` առանց եկամուտը հաստատող տեղեկանքների ներկայացման, միայն անշարժ գույքի գրավադրմամբ:
ՙՎարկատեսակի անվանումից պարզ է դառնում, որ վարկը նախատեսված է հարսանեկան և այլ տոնական միջոցառումների ծախսերը հոգալու համար, և վարկը ստանալու համար չի պահանջվում տոնական միջոցառման փաստը հավաստող որևիցե փաստաթուղթ: Վարկառուին անհրաժեշտ չի լինի ներկայացնել եկամուտը հաստատող փաստաթղթեր` տեղեկանք աշխատավայրից, եկամուտը հաստատող այլ տեղեկանքներ, և, միայն գրավադրելով անշարժ գույքը, կարող է ստանալ պահանջվող վարկը: Վարկատեսակի առավելությունը կայանում է նաև նրանում, որ վարկի տրամադրման որոշումը կայացվում է վարկառուի կողմից բոլոր անհրաժեշտ փաստաթղթերը ներկայացնելուց հետո առավելագույնը 24 ժամվա ընթացքում, որից հետո դրական որոշման դեպքում վարկը տրամադրվում է քարտով հաշված օրերի ընթացում: Վարկառուներին կտրամադրվեն նաև նվեր քարտեր VISA կամ MasterCard GOLD` առաջին 2 տարին առանց տարեկան սպասարկման վճարի, որոնցով անկանխիկ գնումներ կատարելիս քարտապանները կստանան զեղչեր Հայաստանի շուրջ 500 խանութներում, և սպասարկման կետերում: կարծում եմ, սա ևս մի խթան է մեր հաճախորդներին առավել մատչելի կազմակերպել իրենց տոնական միջոցառումը՚,- նշեց ՙԱնելիք Բանկ՚ ՓԲԸ Մարքեթինգի և հասարակության հետ կապերի վարչության պետ Արմեն Արևյանը:
Հարսանեկան քարտային վարկերը տրամադրելու են ՙԱնելիք Բանկ՚ ՓԲԸ ՙԲաղրամյան՚ (ք. Երևան, Բաղրամյան 75), ՙԱրաբկիր՚ (ք. Երևան, Կոմիտաս 44) ՙՇենգավիթ՚ (ք. Երևան, Արշակունյաց 51), ՙԴավիթաշեն՚ (ք. Երևան, Տիգրան Պետրոսյան 51/1), ՙԿենտրոնական՚ (ք. Երևան, Փարպեցի 9Ա) և ՙՆոր Նորք՚ (ք. Երևան, Մոլդովական 27Ա) մասնաճյուղերի կողմից:
Ըստ ԱրմԻնֆո գործակալության` Հայստանի բանկերի վերլուծության և ֆինանսական վարկանիշի արդյունքների, անշարժ գույքի գրավադրումով սպառողական վարկերի ծավալով Անելիք Բանկը գտնվում է Հայաստանի բանկերի առաջատարների հնգյակում, գրանցելով 20.9% տարեկան աճ, մինչև 3.3 մլրդ.դրամ: Բանկի վարկային քարտերի վրա եղած միջոցներն այդ ժամանակահատվածում աճել են 20%: Բանկի կողմից ֆիզիկական անձանց վարկավորման ծավալը հասել է 11.4 մլրդ.դրամի, գրանցելով տարեկան 19% աճ, կազմելով վարկային պորտֆելի ավելի քան 32%-ը:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին