Ուրբաթ, 24 Մայիսի 2013 20:54
Հայաստանի նախագահը և ԱԺ նախագահը խոստացել են օգնել Արցախբանկի մասնակցությամբ Tonus construction շինարարական ֆիմայի բնակարանային խարդախության զոհերին
ԱրմԻնֆո. Դավիթաշեն համայնքում (46 շենքի հարևանությամբ) Tonus construction շինարարական ընկերության կառուցած նորակառույցի բնակարանների խաբված գնորդները մայիսի 24-ին դիմել են նախագահի աշխատակազմ և ստացել Հայաստանի նախագահ Սերժ Սարգսյանին ուղղված նամակի պատասխանը: Նամակում, մասնավորապես, շարադրված էր խնդրանք` ուշադրություն դարձնել Արցախբանկի մասնակցությամբ Tonus construction շինարարական ֆիմայի բնակարանային խարդախության զոհերի խնդրին, ազդել այդ երկու կազմակերպությունների կեղավարների գործողությունների վրա և իրենց օգնել ստանալ բնակարանները, որոնց դիմաց վճարել են: ՙՆախագահն անձամբ իրազեկված է ձեր պահանջի մասին և անպայման համապատասխան կարգադրություն կանի այդ խնդիրը լուծելու համար՚, - հավաստիացրել են նախագահի աշխատակազմում: Այնտեղ նաև նշել են, որ որոշակի քայլեր կձեռնարկվեն արդեն հաջորդ շաբաթվա երկրորդ կեսին:
Նույն խնդրանքով, փաստորեն, արդեն կառուցված շենքի բնակարանների տերերը դիմել էին Ազգային ժողով: Այնտեղ բողոքավորներին ասել են, թե անհրաժեշտ է գրել համապատասխան նամակ` ուղղված ԱԺ նախագահ Հովիկ Աբրահամյանին, և նա անպատճառ այդ հարցը կբարձրացնի խորհդրարանի հերթական նիաստում:
Լրագրողների հետ զրույցում չարաբաստիկ նորակառույցի բնակարանների խաբված գնորդները, մասնավորապես, պատմել են, որ դեռ 2006 թվականին Tonus construction ընկերության հետ պայմանագրեր են կնքել, որոնց համաձայն, շինարարական ֆիրման պետք է կառուցեր և 2008 թվականին շահագործման հանձներ բնակելի շենքը: Հետագայում տարբեր պատճառներով պայմանագրերը երկարաձգվել են: Շինարարությունն 80 տոկոսով ավարտվել է, և շենքը լիովին կարող է բնակեցվել, սակայն սեփականատերերին, պարզապես, մոտ չեն թողնում շենքին, որտեղ կան 156 բնակարան:
Այն մասին, որ բազմաբնակարան շենքը, որի բնակելի մակերեսները վաղուց վաճառվել են երրորդ անձանց, Tonus construction-ը գրավ է դրել Արցախբանկում 6 մլն դոլար վարկի դիմաց, սեփականատերերն իմացել են միայն երկու ամիս առաջ: Վարկը չի վճարվել, և, համապատասխանաբար, շենքը կալանքի տակ է, իսկ գնորդները զրկված են ձեռք բերված անշարժ գույքի տնօրինման իրավունքից: Ավելին, Tonus construction ֆիրմայի սեփականատեր Աշոտ Տոնոյանն իրեն սնանկ է հայտարարել, ինչպես նաև հայտարարել գնորդներին, թե ինքը ոչնչով օգնել չի կարող, քանի որ բնակելի շենքն Արցախբանկն իրենից վերցրել է : Ա.Տոնոյանը խաբված քաղաքացիներին խնդրել է այդ հարցով իրեն չանհանգստացնել: Եվ դա այն դեպքում, երբ դեռ մի երկու ամիս առաջ Ա.Տոնոյանը ՙփայատերերից՚ գումարներ է հավաքել բնակարանների ներքին հարդարման համար:
Մինչդեռ մի քանի օր առաջ Արցախբանկի մամուլի ծառայությունը ԶԼՄ-ներում հաղորդագրություն էր տարածել այն մասին, որ Բանկը որևէ կերպ չէր կարող տեղյակ լինել դեռ չկառուցված բնակարանների առուվաճառքի նախնական պայմանագրերի, դրանց հիմքով կատարված վճարումների ու դրանցից բխող իրավունքների մասին: Կառուցողը վարկային պայմանագիր է կնքել Արցախբանկի հետ շենքի կառուցման համար վարկ ստանալու նպատակով, ինչեպս նաև գրավի մասին պայմանագիր, որի համաձայն, գրավադրվել է կիսակառույց շենքը: Սակայն պայմանագրում ընկերությունը երրորդ անձանց պահանջների մասին չի նշել: ՙԻնչպե±ս կարող էր բանկը չիմանալ այն մասին, որ այդ բնակարաններն արդեն վաճառված են, եթե ինքն էր գովազդային ակցիաներ անցկացրել , որոնցով քաղաքացիներին առաջարկում էր իր միոջոցով գնել այդ բնակարանները՚, - տարակուսում են խաբված գնորդները: Ավելին, նրանք հավաստիացնում են, որ այդ բնակարանների գնման դիմաց կանոնավոր վճարումներ են իրականացվել հենց Արցախբանկում:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին