Երկուշաբթի, 23 Սեպտեմբերի 2013 16:49
EY լավագույն գործատու է ճանաչվել մասնագիտական ծառայություններ մատուցող ընկերությունների շրջանում
ԱրմԻնֆո. 50 World's Most Attractive Employers ամենամյա միջազգային վարկանիշում EY (նախկինում` Ernst & Young) լավագույն գործատու է ճանաչվել մասնագիտական ծառայություններ մատուցող ընկերությունների շրջանում: Ինչպես ԱրմԻնֆո գործակալության տեղեկացվել է ընկերության մամուլի ծառայությունից, ճշգրտելով, որ ընդհանուր վարկանիշում ընկերությունն զբաղեցնում է երկրորդ հորիզոնականը:
Աղբյուրի համաձայն, այս վարկանիշը կազմվում է Universum հեղինակավոր հետազոտական ընկերության կողմից, ՀՆԱ գծով 12 առաջատար երկրների առաջատար ուսումնական հաստատությունների բիզնեսի ֆակուլտետների 94000 ուսանողների գերադասությունների համաձայն: ՙՄենք շատ ենք հպարտանում, որ համաձայն վարկանիշի, EY ամենանգավիչ ընկերությունն է ճանաչվել մասնագիտական ծառայություններ մատուցող ընկերութուների ոլորտում և զբաղեցրել երկրորդ տեղը, համաձայն Universum-ի վարկանիշի: Մենք վստահ ենք, որ շնորհիվ այն մարդկանց, որոնք օգտագործում են կարիերայի կառուցման և մասնագիտական աճի բոլոր հնարավորությունները, մենք ունենք պրոֆեսիոնալների մի հանրություն, որով աշխարհը բարելավելու մեր ձգտումները դառնում են իրականություն: Եվ մենք մեր աշխատողներին նման հնարավորություններ ընձեռելու ուղղությամբ օգտագործում ենք բոլոր հնարավորությունները՚,-նշել է ընկերության երևանյան գրասենյակի ղեկավար Էրիկ Հայրապետյանը:
Նա տեղեկացրել է, որ ներկայումս EY-ն իր աշխատակիցներին առաջարկում է 16 000 տարբեր թրենինգներ: ՙԲացի այդ, մենք մշակել ենք մի շարք նախաձեռնություններ, որոնք ուղղված են կարիերայի և ինքնահաստատման զարգացմանը: Դա, մասնավորապես, մասնագիտական քննությունների հանձնումն է, տարբեր երկրներում միջազգային փորձի ձեռքբերումը, առողջ կենսաձևին աջակցումը, մասնակցությունը սոցիալական պատասխանատվությունների վերաբերյալ նախագծերին և այլն՚,-նշել է EY -ի գործընկեր ընկերության ներկայացուցիչ, ԱՊՀ գծով կադրային ռազմավարության ուղղության ղեկավար Սոֆյա Ազիզյանը: Նրա խոսքերով, EY նպատակը կայանում է նրանում, որպեսզի ընկերության աշխատակիցները կարողանան իրացնել իրենց ներուժը: ՙԴա նրանց թույլ կտա դրական լումա ներդնել ոչ միայն բիզնեսի, այլ նաև հասարակության ընդհանուր զարգացմանը՚,-նշել է նա:
Նշենք, որ EY ընկերությունը առաջատար դիրք է գրավում աուդիտորական, հարկային, գործարքների ուղեկցման և խորհրդատվական ծառայությունների համաշխարհային շուկայում. ՙմեր գիտելիքները և ծառայությունների որակն օգնում են ամրապնդել հանրության վստահությունը կապիտալի շուկաների և տնտեսության նկատմամբ աշխարհի տարբեր երկրներում: Մենք ձևավորում ենք նշանավոր առաջնորդներ, որոնց ղեկավարության ներքո մեր աշխատակազմը մշտապես կատարում է իր վրա դրված պարտավորությունները: Այդպիսով, մենք զգալի ներդրում ենք ունենում բարեկեցիկ աշխարհ կառուցելու հարցում` ի նպաստ մեր աշխատակիցների, հաճախորդների և ընդհանրապես հասարակության՚: Ընկերությունը մշտապես ընդլայնում է իր ծառայությունների և ռեսուրսների շրջանակըª հաշվի առնելով ԱՊՀ տարբեր շրջաններում հաճախորդների կարիքները: Ընկերության 19 գրասենյակներում` Մոսկվայում, Սանկտ Պետերբուրգում, Նովոսիբիրսկում, Եկատերինբուրգում, Կազանում, Կրասնոդարում, Տոլյատիում, Վլադիվոստոկում, Յուժնո-Սախալինսկում, Ալմաթիում, Աստանայում, Աթիրաուում, Բաքվում, Կիևում, Դոնեցկում, Տաշքենդում, Թբիլիսիում, Երևանում և Մինսկում աշխատում են շուրջ 4500 մասնագետներ: Ընկերությունը հայաստանյան շուկայում ներկա է 1999 թվականից, սակայն ակտիվ գործունեություն է ծավալել 2008 թվականից, երբ երևանյան գրասենյակը մտավ ԱՊՀ ենթատարածաշրջանի կազմի մեջ:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի