Չորեքշաբթի, 2 Հոկտեմբերի 2013 17:45

Յունիբանկն արդեն գործարկել է 41 վճարային տերմինալ

ԱրմԻնֆո. Հաճախորդների սպասարկման գործընթացն առավել հարմարավետ դարձնելու նպատակով Յունիբանկը շարունակում է նոր վճարային տերմինալների տեղադրման աշխատանքները:

Ինչպես ԱրմԻնֆո գործակալությանը տեղեկացվել է Յունիբանկի մամուլի ծառայությունից,
տերմինալների միջոցով հաճախորդները բանկային հաշվի համալրումն ու վարկի մարումը կարող են կատարել ինքնուրույն: Տերմինալի պարզ և մատչելի շահագործումը վճարման գործընթացը դարձնում է շատ արագ և հարմար: Հաճախորդը պարզապես պիտի ընտրի իրեն անհրաժեշտ գործարքը և հետևի տերմինալի էկրանին առաջարկվող քայլերի հերթականությանը:

Աղբյուրի համաձայն, ընդհանուր առմամբ Յունիբանկն արդեն տեղադրել է 41 տերմինալ մայրաքաղաքային և մարզային մասնաճյուղերում: Հետագայում նախատեսվում է տերմինալներ տեղադրել նաև հասարակական վայրերում:

ՙԺամանակակից տեխնոլոգիաների կիրառումը նպաստում է հաճախորդների սպասարկման գործընթացի արդյունավետության բարձրացմանը: Վարկի մարման կամ հաշվի համալրման համար այլևս պարտադիր չէ դիմել բանկի աշխատակցին: Յունիբանկում հաճախորդը կարող է դա անել ինքնուրույն: Շուտով տերմինալների միջոցով հնարավոր կլինի նաև կատարել տարբեր վճարումներ, այդ թվում` կոմունալ ծառայությունների դիմաց՚, - նշեց Յունիբանկի Վարչության նախագահի տեղակալ, Տեղեկատվական տեխնոլոգիաների և նորարարությունների տնօրեն Մեսրոպ Հակոբյանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	3.85	0.02
USD	395.05	0.14
EUR	410.46	-0.52
GBP	494.09	-5.04
CAD	274.66	0.23
JPY	25.20	0.04
CNY	54.13	0.01
CHF	441.54	0.69

Նորություններ

Յունիբանկն արդեն գործարկել է 41 վճարային տերմինալ