Հինգշաբթի, 17 Հոկտեմբերի 2013 13:49
ՎՏԲ-Հայաստան Բանկն ընդլայնում է քարտից քարտ փոխանցման հնարավորությունները
ԱրմԻնֆո. ՎՏԲ-Հայաստան Բանկն ընդլայնում է քարտից քարտ փոխանցման հնարավորությունները, որոնք առաջարկվում էին 2012 թվականից: Մասնավորապես, նախկինում հաճախորդներին հասանելի էին միայն փոխանցումներ Բանկի քարտերի միջև, այնուհետև` Բանկի Visa քարտերից` տեղական բանկերի թողարկված Visa քարտերին, իսկ այժմ արդեն` փոխանցումներ ինչպես տեղական, այնպես էլ ԱՊՀ երկրների և Վրաստանի բանկերի կողմից թողարկված բոլոր Visa քարտերին ՎՏԲ-Հայաստան Բանկի 117 բանկոմատների միջոցով օրվա ցանկացած ժամի Visa Money Transfer համակարգի միջոցով:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
ՎՏԲ-Հայաստան Բանկի, ԱՊՀ երկրների և Վրաստանի բանկերի կողմից թողարկված Visa քարտերին դրամական փոխանցումներ հնարավոր է կատարել 4 արժույթով` ՀՀ դրամով, ՌԴ ռուբլիով, ԱՄՆ դոլարով ու Եվրոյով: ՀՀ այլ բանկերի կողմից թողարկված քարտերին` միայն ՀՀ դրամով:
Ծառայությունից օգտվելու համար անհրաժեշտ է. Բանկոմատի մենյուից ընտրել ստորև նշված տարբերակներից որևէ մեկը` ՙՓոխանցում ՀՀ և ԱՊՀ բանկեր՚ կամ ՙՓոխանցում ՎՏԲ քարտերին՚, մուտքագրել գումարը ստացող քարտապանի քարտի համարը, ընտրել արժույթը, մուտքագրել փոխանցվող գումարը և հաստատել գործարքը: Փոխանցված գումարը շուրջօրյա և հաշված վայրկյաններից մինչև մեկ բանկային օրվա ընթացքում հասանելի կդառնա փոխանցվող քարտին` կախված հասցեատիրոջ քարտը սպասարկող բանկից:
Քարտից քարտ փոխանցումները մտերիմների` ՎՏԲ-Հայաստան Բանկի և տեղական այլ բանկերի կողմից թողարկած Visa քարտերին գումար փոխանցելու հնարավորություն է ոչ միայն Հայաստանի, այլ նաև ԱՊՀ և Վրաստանի ցանկացած քաղաք` իմանալով միայն ստացողի քարտի համարը:
Աղբյուրը նշում է, որ օգտվելով քարտից քարտ փոխանցումներից` ՎՏԲ-Հայաստան Բանկի հաճախորդները խնայում են իրենց ժամանակը, քանի որ քարտից քարտ գումարներ հնարավոր է փոխանցել ամենուրեք, որտեղ առկա է ՎՏԲ-Հայաստան Բանկի բանկոմատ օրվա ցանկացած պահի : Ընդ որում, չկա փոխանցման համար ուղարկողի մոտ կանխիկի առկայության, երկար հերթեր կանգնելու անհրաժեշտություն, իսկ նրա գործողությունները սահմանափակված չեն Բանկի աշխատանքային ժամերով:
ՙՄենք կենտրոնացած ենք ունիվերսալ և բարձր արդյունավետությամբ դրամական փոխանցումների համակարգի ստեղծման ուղղությամբ, որն ամբողջովին կհամապատասխանի մեր հաճախորդների պահանջներին: Քարտից քարտ փոխանցումներն ուղղված են նրան, որ լինեն էլ ավելի հարմար և հասանելի հաճախորդների համար: Այս ծառայության միջոցով կարելի է կատարել շուրջօրյա փոխանցումներ հաճախորդի` տարբեր բանկերի քարտերի միջև և փոխանցել գումար այլ մարդու: Դրա համար պետք չեն ոչ մի բարդ բանկային ռեկվիզիտներ՚,- նշել է ՙՎՏԲ Հայաստան Բանկ՚ ՓԲԸ լխավոր տնօրեն-Տնօրինության նախագահ Յուրի ուսևը:
Ըստ ԱրմԻնֆո գործակալության`ՙՀայաստանի բանկերը քարտայիին բիզնեսում՚ վերլուծական տեղեկագրի յոթերորդ թողարկման, Հայաստանի պլաստիկ քարտերի շուկայում ՎՏԲ-Հայաստան Բանկը պահպանում է առաջատարի դիրքերը ինչպես քարտերի ընդհանուր թվով, այնպես էլ Visa ակտիվ քարտերի թվով, որոնք 2013 թվականի ապրիլի 1-ի դրությյամբ կազմել են 232 հազար քարտ, տարեկան կտրվածքով աճելով 44%: Բանկի ակտիվ քերտերի մեջ ավելի քան 55%-ը հանդիսանում են աշխատավարձային նախագծերը, իսկ մոտ 26%-ը` կենսաթոշակային քարտերը, որոնցող նույնպես բանկը գտնվում է առաջատարների շարքում: ՎՏԲ-Հայաստան Բանկի քարտերով իրականացված տրանսակցիաների ընդհանուր ծավալը 2012 թվականին աճեց 65.4%, մինչև 115 մլրդ.դրամ, ինչը բանկին հնարավորություն տվեց բարձրանալ առաջին տեղ: Բանկը թողարկում է միայն Visa քարտեր, միաժամանակ սպասարկելով նար տղական ArCa քարտերը: Նշենք, որ ՙՎՏԲ-Հայաստան Բանկ՚ ՓԲԸ ՙՎՏԲ՚ միջազգային ֆինանսական խմբի մասնակից է դարձել 2004 թվականի ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Նշենք, որ Visa-ն հանդիսանում է գլոբալ վճարային համակարգ, գործելով ավելի քան 200 երկրներում: Visa քարտերն աշխարհով մեկ վճարման են ընդունվում ավելի քան 20 մլն. տարբեր հաստատությունների կողմից: Էլեկտրոնային վճարումներն իրականացվում են VisaNet ինովացիոն պրոցեսինգային համակարգի կողմից, որն ի վիճակի է վայրկյանում մշակել ավելի քան 24 հազար տրանսակցիա: Visa քարտերով առևտրի տարեկան շրջանառությունը կազմում է 4.8 տրլն.դոլար: Ներկայումս աշխարհում կա ավելի քան 2011 մլրդ.ակտիվ Visa քարտ: Հայաստանը Visa համակարգի անդամ է 2001 թվականից: 2013 թվականի ապրիլի 1-ի դրությամբ Visa ակտիվ քարտերի ընդհանուր թիվը Հայաստանում կազմել է 515 հազար քարտ:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ