Ուրբաթ, 8 Նոյեմբերի 2013 20:22
Ամերիաբանկն առաջինը Հայաստանում իր հաճախորդներին ընձեռում է միջազգային կապիտալի շուկայում շրջանառվող Հայաստանի եվրոպարտատոմսեր ձեռք բերելու եզակի հնարավորություն
ԱրմԻնֆո: Ամերիաբանկն առաջինը Հայաստանում իր հաճախորդներին ընձեռում է եզակի հնարավորություն` ձեռք բերելու միջազգային կապիտալի շուկայում շրջանառվող Հայաստանի առաջին սուվերեն – ԱՄՆ դոլարով թողարկված եվրոպարտատոմսերը: Ինչպես ԱրմԻնֆո գործակալությանը հաղորդեցին բանկի մամուլի ծառայությունից, Հայաստանի կողմից առաջին անգամ թողարկված եվրոպարտատոմսերի պահանջարկն արդեն հատել է երեք միլիարդ ԱՄՆ դոլարի սահմանը:
Փորձագետների կարիծքով, Հայաստանի եվրոպարտատոմսերի դուրս բերումը կարևոր իրադարձություն է թե ապագա կորպորատիվ էմինենտների համար, թե յուրահատուկ բենչմարկ է օտարերկրյա ներդրողների համար, որոնք մասնագիտանում են, այսպես կոչված, ՙնոր շուկաների՚ (Emerging Markets) ընկերությունների արժեթղթերում ներդրումներում:
Հայաստանի կառավարությունը սուվերեն եվրոպարտատոմսերի թողարկման և կապիտալի միջազգային շուկաներում տեղաբաշխման մասին հայեցակարգային որոշում էր կայացրել դեռ մայիսին: Հայաստանն առաջին անգամ եվրոպարտատոմսեր է թողարկել սեպտեմբերի 19-ի ուշ երեկոյան: Որպես գլխավոր անդերռայթեր հանդես են եկել Deutsche Bank AG, LondonBranch, HSBC Bank plc և J.P.Morgan Securities plc.: Սեպտեմբերի 20-ին ՀՀ ֆինանսների նախարարությունը հաղորդել է պարտատոմսերի հաջող տեղաբաշխման մասին: Թողարկման ծավալը կազմել է 700 մլն դոլար, շրջանառության ժամկետը` 7 տարի, եկամտաբերությունը` 6%: Ընդ որում տեղաբաշխման ընթացքում ձևավորվել էր ավելի ցածր գին` ապահովելով 6,25% եկամտաբերություն:
Վերջին տվյալներով, Moody's գործակալությունը Հայաստանին շնորհել է ՙBa2՚, իսկ Fitch-ը` ՙBB-՚ վարկանիշ, և երկու դեպքում էլ` ՙկայուն՚ կանխատեսմամբ: Moody's վարկանշային գործակալությունը սեպտեմբերին Հայաստանի արտարժութային պարտատոմսերի առավելագույն վարկանիշը իջեցրել էր Baa3-ից մինչև Ba1:
Վերանայվել է նաև կարճաժամկետ արտարժութային պարտատոմսերի արձանագրությունը` Prime-3 (P-3)-ից մինչև Not-Prime (NP): Moody's գործակալությունը Հայաստանի վարկանիշների նվազեցման վերաբերյալ իր որոշումը պայմանավորել է երկրում ցածր ինստիտուցիոնալ մակարդակով և ֆինանսների ու առևտրի սահմանափակ թափանցիկությամբ: Պարտատոմսերի վարկանիշի փոփոխությունից հետո Moody's-ը կարող է վերանայել նաև Հայաստանի երկրի վարկանիշը:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները