Երկուշաբթի, 11 Նոյեմբերի 2013 19:05
Հայաստանի ապահովագրական ընկերությունների ակտիվները երրորդ եռամսյակում աճել են 7.5 տոկոսով
ԱրմԻնֆո. Հայաստանի 7 ապահովագրական ընկերությունների միագումար ակտիվները 2013 թվականի 3-րդ եռամսյակում նվազել են 7.5 %, հաշվետու ժամանակահատվածի ավարտին կազմելով 46.2 մլրդ դրամ ($ 114.1 մլն):
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, ապահովագրողների ակտիվները տարեկան կտրվածքով աճել են 22%: Ակտիվների չափերով առաջին եռյակում են ՙՌոսգոսստրախ Արմենիան՚` 11.5 մլրդ դրամ (տարվա աճը` 28,4 %), ՙԻՆՈ Արմենիան՚` 10.9 մլրդ դրամ (աճը` 14%) եւ ՌԵՍՈ-ն` 8.7 մլրդ դրամ (աճը` 72.3 %): Ակտիվների ամենափոքր չափերն է գրանցել ՙարանտ Ինշուրանսը՚` 2.7 մլրդ դրամ:
Ապահովագրական ընկերությունների ակտիվների կառուցվածքում ընթացիկ ակտիվները կազմել են 87 % կամ 40 մլրդ դրամ: Այս ցուցանիշը մեկ տարում աճել է 22%, իսկ միայն երրորդ եռամսյակում նվազել է 7%: Ֆինանսական ընթացիկ ակտիվների մասնաբաժինը կազմել է 60,7 % կամ 28 մլրդ դրամ, տարեկան աճը` 30%: 2013 թվականի հաշվետու եռամսյակում ապահովագրողների ֆինանսական ներդրումներն աճել են 0.6%: Հայաստանի 7 ապահովագրական ընկերությունների կարճաժամկետ դեբիտորական պարտավորությունները երրորդ եռամսյակում կազմել են 10.4 մլրդ դրամ: Այս ցուցանիշը մեկ տարում աճել է 14 %, երրորդ եռամսյակում նվազել է 21.6 %: Դրամական եւ դրանց համարժեքների միջոցների մասնաբաժինն ընդհանուրակտիվներում հոկտեմբերի 1-ին կզմել է 1.8% կամ 824.1 մլն դրամ, տարեկան կտրվածքով աճելով 11%, իսկ երրորդ եռամսյակում նվազելով` 12.6 %:
Ըստ Ռենկինգի, Հայաստանի 7 ապահովագրական ընկերությունների միագումար ընդհանուր կապիտալը երրորդ եռամսյակում նվազել է 2%, հոկտեմբերի 1-ին կազմելով14.6 մլրդ դրամ ($ 36 մլն ): Ապահովագրողների սեփական կապիտալը տարեկան կտրվածքով աճել է 2.2%:
Հայաստանի 7 ապահովագրական ընկերությունների սեփական կապիտալի կառուցվածքում կանոնադրական կապիտալի մասնաբաժինը կազմել է 90.8 % կամ 13.2 մլրդ դրամ, իսկ կուտակված շահույթը` 5,7% կամ 826 մլն դրամ: 7 ապահովագրողների կուտակված շահույթը եռամսյակում նվազել է 10.7 %, տարվա կտրվածքով` 72.5 %: Կուտակված շահույթի մակարդակով, 2013 թվականի երրորդ եռամսյակի արդյունքներով, առաջին տեղում է ՙԱրմենիա Ինշուրանս՚ ընկերությունը` 1.4 մլրդ դրամ, երկրորդ տեղում է ՙՆաիրի Ինշուրանսը՚` 792,4 մլրդ դրամ, իսկ երրորդ տեղում է ՙԻՆՈ Արմենիա՚ ընկերությունը` 225 մլն դրամ: Մնացած 4 ապահովագրողները 2013 թվականի հոկտեմբերի 1-ին գրանցել են կուտակված վնասներ: Ընդ որում կուտակված ամենամեծ վնասը գրանցել է Ռոսգոսստրախ Արմենիան` 782,3 մլն դրամ, որի հաջորդում է ՌԵՍՈ-ն` 535 մլն դրամ: արանտ Ինշուրանսի կուտակված վնասը 3-րդ եռամսյակի արդյունքներով կազմել է 160,4 մլրդ դրամ, ՍԻԼ Ինշուրանսի վնասը` 103.2 մլն դրամ:
Հայաստանի 7 ապահովագրական ընկերությունների միագումար ընթացիկ պարտավորությունները երրորդ եռամսյակում կրճատվել են 10% եւ 2013 թվականի հոկտեմբերի 1-ին կազմելով 31.7 մլրդ դրամ, տարվա կտրվածքով աճելով 34%: Պասիվների կառուցվածքում ընթացիկ կրեդիտորական պարտավորությունների մասնաբաժինը կազմել է 8.6 % կամ 2.7 մլրդ դրամ, եռամսյակի անկումը` 18 %, իսկ տարեկան անկումը կազմել է 54 %:
Հայաստանի ապահովագրողների ապահովագրական պահուստների ընդհանուր գումարը հաշվետու եռամսյակում կրճատվել է 15%, 2013 թվականի հոկտեմբերի 1-ին կազմելով 18.4 մլրդ դրամ: Տարեկան կտրվածքով այս ցուցանիշն աճել է 6%:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին