Ուրբաթ, 31 Հունվարի 2014 18:09

Ամերիաբանկը նախատեսում է 2014 թվականին 18 տոկոսով ավելացնել շահույթը, հիմնականում, վարկային ներդրումների աճի հաշվին

ԱրմԻնֆո. Ամերիաբանկը ծրագրում է 2014 թվականին 18 տոկոսով ավելացնել զուտ շահույթը` 2013 թվականի 2 տոկոս աճի դիմաց: Այդ մասին հունվարի 31-ին մամուլի ասուլիսում հայտարարել է «Ամերիաբանկե ՓԲԸ տնօրինության նախագահ, գլխավոր տնօրեն Արտակ Հանեսյանը` պատասխանելով ԱրմԻնֆոյի հարցին:

Նրա ասելով, այդ աճը, հիմնականում, կապահովվի վարկային ներդրումների ենթադրյալ 22 % աճի հաշվին, այդ թվում` ՓՄՁ վարկերի 31%, մանրածախ վարկերի 30%, ինչպես նաև պետական պարտատոմսերի, այդ թվում եվրապարտատոմսերի պորտֆելի աճի հաշվին: Հիշեցնենք, որ 2013 թվականի IV եռամսյակում Ամերիաբանկն առաջինը Հայաստանում իր հաճախորդներին տրամադրեց կապիտալի միջազգային շուկայում շրջանառվող հայկական եվրապարտատոմսեր գնելու բացառիկ հնարավորություն:

Միևնույն ժամանակ բանկի ժամկետային ավանդների ծավալը 2014 թվականին կավելանա 8%-ով, ինչը կապահովվի միջազգային կազմակերպություններից վարկերի ներգրավման հաշվին:
Բանկիրը նաև նշել է, որ Ամերիաբանկը մտադիր է 2014 թվականին ակտիվներն ավելացնել 10%-ով, 2013 թվականի 29% փաստացի աճի դիմաց: «Նախորդ տարի արձանագրված աճի և 2014 թվականին նախատեսվող աճի միջև տարբերությունը պայմանավորված է այն հանգամանքով, որ ընթացիկ տարում բանկը մտադիր է շեշտադրումը կատարել ակտիվների արդյունավետության բարձրացման վրա, որը ենթադրում է դրանց օգտագործման ավելի արդյունավետ ուղղությունների ընտրությունե, - նշել է Ա.Հանեսյանը, հավելելով, որ ակտիվների արդյունավետության բարձրացման հաշվին բանկը մտադիր է բարելավել ROE և ROA ցուցանիշները:

«2016 թվականին բանկը նախատեսում է դուրս գալ IPO համաշխարհային շուկա, եթե իրավիճակը համաշխարհային և հայրենական տնտեսությունում կայուն լինի` առանց չնախատեսված ցնցումներիե, - ավելացրել է Ա.Հանեսյանը:
Վերջին տվյաների համաձայն, 2013 թվականին Ամերիաբանկի զուտ շահույթը մեկ տարում ավելացել է 2%-ով, կազմելով 6.2 մլրդ դրամ: Բանկին բաժին է ընկել բանկային համակարգի միագումար զուտ շահույթի 13%-ը: Այդ ցուցանիշի գծով բանկը 3-րդ դիրքն է զբաղեցրել: Վարկային պորտֆելի չափով Ամերիաբանկն զբաղեցրել է երկրորդ տեղը` 2013 թվականին այն ավելացնելով 20,5%-ով, մինչև 176 մլրդ դրամ: Բանկը նաև առաջատար դիրքի է հասել ընդհանուր պարտավորությունների չափով, մեկ տարում այդ ցուցանիշն ավելացնելով 32,6%-ով` մինչև 276.2 մլրդ դրամ: Ամերիաբանկի պետական պարտատոմսերի պորտֆելը 2013 թվականի վերջին կազմել է 3.9 մլրդ դրամ: Բանկի ընդհանուր կապիտալը 2014 թվականի հունվարի 1-ի դրությամբ կազմել է 38.8 մլրդ դրամ (5,5% տարեկան աճով), կանոնադրական կապիտալի անփոփոխ 25.4 մլրդ դրամ մակարդակի դեպքում: Ըստ ընդհանուր կապիտալի բանկը պահպանում է չորրորդ դիրքը, իսկ ըստ կանոնադրական կապիտալի` երկրորդը: Բանկի ընդհանուր կապիտալի կառուցվածքում հաշվետու տարում զգալիորեն ավելացել է վերագնահատման պահուստը` գրեթե 10 անգամ, մինչև 417.5 մլն դրամ, իսկ կուտակված շահույթն ավելացել է 14,7%-ով, մինչև 12.9 մլրդ դրամ (հինգերորդ դիրքը շուկայում):

Նշենք, որ «Ամերիաբանկե ՓԲԸ ունիվերսալ բանկ է, որը տրամադրում է ներդրումային, կորպորատիվ և մանրածախ բանկային ծառայություններ` բանկային լուծումների համալիր փաթեթի տեսքով: 2011 թվականի նոյեմբերից որպես Ամերիաբանկի մաժորիտար բաժնետեր հանդես է գալիս «Ամերիա գրուպ CY Ltdե` կապիտալում 99,99% բաժնեմասով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.27	0.02
USD	388.09	0.57
EUR	421.93	2.44
GBP	491.67	3.28
CAD	284.77	0.52
JPY	25.09	0.21
CNY	53.77	0.12
CHF	430.06	2.10

Նորություններ

Ամերիաբանկը նախատեսում է 2014 թվականին 18 տոկոսով ավելացնել շահույթը, հիմնականում, վարկային ներդրումների աճի հաշվին