Հինգշաբթի, 13 Մարտի 2014 17:18
2013թ. ընթացքում «Առէկսիմբանկ-Գազպրոմբանկի խումբ» ՓԲԸ-ն ակտիվորեն շարունակում էր բարձրացնել իր աշխատակիցների մասնագիտական որակավորումը
ԱրմԻնֆո. 2013թվականին «Առէկսիմբանկ-Գազպրոմբանկի խումբ» ՓԲԸ կադրային քաղաքականությունն ուղղված է եղել անձնակազմի մասնագիտական մակարդակի բարձրացմանն ու արդյունավետ աշխատանքի համար բարենպաստ պայմանների ապահովմանը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, տարեվերջի դրությամբ Բանկում աշխատում էր թվով 487 աշխատակից (215-ը Գլխամասային գրասենյակում և 272-ը` մասնաճյուղերում), ընդ որում` անձնակազմի թվաքանակը 2013 թվականում աճել է 6,5%-ով:
Աղբյուրի համաձայն բանկում ամեն տարի անցկացվում է անձնակազմի կանոնավոր գնահատում, որը թույլ է տալիս գնահատել աշխատակցի կատարած աշխատանքը և որոշել նրա գիտելիքների զարգացման աստիճանը: 2013թ. կանոնավոր գնահատման արդյունքներով 20 աշխատակից ստացել են պաշտոնի առաջխաղացում և 119 աշխատակից` պաշտոնային դրույքաչափի բարձրացում: 2013թ. ընթացքում Բանկը պարբերաբար կազմակերպել է սեմինարներ` ուղղված աշխատակիցների վերապատրաստմանն ու որակավորման բարձրացմանը: Արտաքին կազմակերպություններում անցկացված վերապատրաստումների թիվը կազմել է 108, որից 96-ը` Հայաստանի Հանրապետությունում, իսկ մնացածը`արտերկրում: Հատուկ ուշադրույթյուն է դարձվել Բանկի կառուցվածքային ստորաբաժանումների ղեկավարների վերապատրաստմանը` ISO 9001:2008 Որակի կառավարման համակարգի միջազգային ստանդարտներին համապատասխան, ինչպես նաև Բանկի բոլոր մասնաճյուղերի աշխատակիցների վերապատրաստմանը` ISO 27001:2005 Տեղեկատվական անվտանգության ստանդարտներին համապատասխան: Բացի այդ, ստորաբաժանումների ղեկավարների և առաջատար մասնագետների կողմից անցկացվել է 18 կենտրոնացված սեմինար` նվիրված Բանկում գործող ներքին կանոնակարգերին ու ընթացակարգերին: Յուրաքանչյուր աշխատակցի համար մշակվել են զարգացման անհատական ծրագրեր, որոնք ներառում են 2014 թվականի համար առաջադրված նպատակներն ու խնդիրները:
Այս ամենը հնարավորություն է տալիս էապես բարձրացնել Առէկսիմբանկի աշխատակիցների որակավորումն ու մասնագիտական պատրաստվածությունը, ինչպես և հաճախորդների սպասարկման որակը, նշվում է փաստաթղթում:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի տվյալների, 2013 թվականի ավարտին «Առէկսիմբանկ-Գազպրոմբանկի խումբ» ՓԲԸ աշխատակիցների ընդհանուր թիվը կազմել է 478 աշխատող, որոնցից 215-ը`գլխամասային գրասենյակում, իսկ մնացածը` մասնաճյուղերում: 2013 թվականի ընթացքում բանկի աշխատակիցների թիվն աճել է 6,2%: Վարչական ծախսերի մոտ 48 % - ը կամ 2.3 մլրդ դրամ բանկի կողմից ուղղվցել է աշխատակիցների աշխատավարձերի վճարմանը: Բանկում միջին աշխատավարձը 2013 թվականին աճել է 18%, մինչև 394 հազ.դրամ ($970):
Բանկի ընդհանուր կապիտալը 2013 թվականին աճել է 27,4 %, մինչև 21,4 մլրդ դրամ, ինչը պայմանավորված է եղել հուլիսին կանոնադրական կապիտալի մոտ 33.2% համալրումով, մինչև 16.452 մլրդ դրամ, ինչպես նաև կուտակված շահույթի 9.5 % աճով: Բանկի զուտ շահույթը 2013 թվականին կազմել է 475,9 մլն դրամ, ընդհանուր պարտավորություններն ավելացել են 2 անգամ, մինչև 212,1 մլրդ դրամ, հիմնականում ցպահանջ ավանդների 15% աճի հաշվին: Բանկի ակտիվները նույնպես 2013 թվականին 2 անգամ, մինչև 233.5 մլրդ դրամ:
Նշենք, որ «Առէկսիմբանկ- Գազպրոմբանկի խոիմբ» ՓԲԸ հիմնադրվել է 1998 թվականին, ձեռնարկատիրությանն աջակցելու, ինչպես նաև Ռուսաստան-Հայաստան ֆինանսական հոսքերը սպասարկելու նպատակով: 2007 թվականից բանկը հանդիսանում է Ռուսաստանի խոշորագույն «Գազպրոմբանկի» դուստը, որի Հայաստանի ֆինանսական շուկայում հայտնվելը պայմանավորվեց դեպի Հայաստանի տնտեսություն ռուսական ներդրումների աճով, ինչպես նաև Հայաստանի տարածքում «Գազպրոմի» ծրագրերի ֆինանսավորման անհրաժեշտությունով:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները