Երեքշաբթի, 1 Ապրիլի 2014 17:12
«Անելիք Բանկ» ՓԲԸ հատուկ փոքր և միջին բիզնեսի համար տրամադրում է նոր «Պարզ-Արագ» ձեռնարկատիրական վարկեր
ԱրմԻնֆո. Դեռևս 2012 թվականից «Անելիք Բանկ» ՓԲԸ-ի կողմից ներդրված «Պարզ-Արագ» վարկատեսակների շրջանակներում, Բանկն այսօր փոքր և միջին բիզնեսի վարկավորման համար մշակել և առաջարկում է նոր բիզնես վարկատեսակ` անհամեմատ ճկուն պայմաններով: Տվյալ վարկերը տրամադրվում են անշարժ գույքի և ոսկու գրավադրմամբ, ինչպես նաև` երաշխավորությամբ:
Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, անշարժ գուքի գրավադրման դեպքում վարկառուն հնարավորություն ունի ստանալ մինչև 50 000 ԱՄՆ դոլար վարկ առավելագույնը 7 տարի մարման ժամկետով` սկսած տարեկան 12% տոկոսադրույքից: Ոսկու գրավադրմամբ տրամադրվող վարկերի սահմանաչափը ևս կարող է լինել մինչև 50 000 ԱՄՆ դոլար, իսկ տոկոսադրույքը` 13% տարեկան: «Անելիք Բանկ» ՓԲԸ-ն փոքր և միջին ձեռնարկատերերին նաև հնարավորություն է ընձեռում ստանալ վարկեր երաշխավորությամբ` մինչև 5000 ԱՄՆ դոլար, 3 տարի մարման ժամկետով և տարեկան սկսած 16% տոկոսադրույքից:
««Անելիք Բանկ»-ի վարկային պորտֆելում ձեռնարկատիրական վարկերը մշտապես ունեցել են և ունեն լուրջ տեսակարար կշիռ: Բանկը փոքր և միջին բիզնեսով զբաղվող ձեռնարկատերերին հնարավորինս խրախուսելու և նրանց բիզնեսը խթանելու նպատակով ներդրել է վերոնշյալ «Պարզ-Արագ» ձեռնարկատիրական վարկատեսակը: Կարծում եմ, որ մեզ հաջողվել է վարկի տրամադրման այնպիսի պայմաններ մշակել և առաջարկել, որ փոքր և միջին ձեռնարկատիրական ոլորտի ներկայացուցիչները հնարավորություն կունենան առավել մատչելի օգտվել «Անելիք Բանկ»-ի ֆինանսական ռեսուրսներից իրենց բիզնեսը զարգացնելու համար»,- ասել է «Անելիք Բանկ» ՓԲԸ Վարչության նախագահի առաջին տեղակալ Կարեն Ջանինյանը:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի տվյալների, Անելիք Բանկի վարկային պորտֆելը 2013 թվականին ավելացել է 36 %, մինչև 7,2 մլրդ դրամ: Բանկի վարկային պորտֆելում բիզնես-վարկերի մասնաբաժինը կազմում է մոտ 20 %, որտեղ մեծ մասը կազմում են առևտրի ոլորտի վարկերը:
Նշենք, որ միակ Անելիք Բանկի միանձնյա սեփականատերն է Լիբանանի Credit Bank SAL բանկը, որը 2013 թվականի IV եռամսյակում իր բաժնեմասը 89,95 % - ից ավելեցրեց մինչև 100%: Բանկն աշխատում է փոխկապակցված` Anelik միջազգային դրամական փոխանցումների համակարգի, ինչպես նաև MoneyGram և Intel Express համակարգերի հետ: Բանկն ունի 12 մասնաճյուղ, որից 6-ը գտնվում է Երևանում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները