Երկուշաբթի, 28 Ապրիլի 2014 17:28
2013 թվականին HSBC Բանկ Հայաստանի առևտրի ֆինանսավորման պորտֆելն ավելացել 14 տոկոսով
ԱրմԻնֆո. 2013 թվականին HSBC Բանկ Հայաստանի առևտրի ֆինանսավորման պորտֆելն ավելացել 14%, մինչև 18 մլրդ.դրամ (44.4 մլն.դոլար): Այս մասին այսօր լրագրողների հետ հանդիպմանը հայտարարել է HSBC Բանկ Հայաստանի առևտրի ֆինանսավորման բաժնի կառավարիչ Կամո Մարգարյանը, բանկի կողմից կազմակերպված`«Առևտրի ֆինանսավորման ակադեմիայի» սեմինարի ընթացքում:
Նրա խոսքով, 2013-ին առևտրի ֆինանսավորման կառուցվածքում ներմուծման գործարքների ծավալը կազմել է 90%, ինչն, իրականում, «ճիշտ է արտացոլում է երկրի արտաքին առևտրի շրջանառությնա իրական պատկերը` արտահանման նկատմամբ ներմուծման 4 անգամ գերակշռությւոնը»,-ընդգծել է Մարգարյանը:
Նա նշել է, որ ընթացիկ տարվա առաջին եռամսյակում բանկն արձանագրել է ներմուծման ակրեդիտիվների տարեկան մոտ եռակի աճ: Նա հիշեցրել է, որ 2013-ի ապրիլից Բանկը հաճախորդներին տրամադրում է նաև սարքավորումների ներմուծման փաստաթղթային ակրեդիտիվներ` մինչև 30 ամիս մարման ժամկետով և տարեկան 7% տոկոսադրույքով: Ներկա դրույթամբ բանկն արդեն տրամադրել է 18 մլն.դոլար ընդհանուր գումարի նման ակրեդիտիվներ:
Մարգարյանը նշել է, որ `«Առևտրի ֆինանսավորման ակադեմիայի» սեմինարն ուղղված է Գերմանիայի հետ համագործակցությանը: «Անցյալ տարվա արդյունքներով բանկը գերմանական կողմի հետ արձանագրել է առևտրի ֆինանսավորման ծավալների մոտ 25% աճ: HSBC Խումբն ընդլայնում է իր մասնաճյուղերի ցանցը Գերմանիայում և դա ավելի բարենպաստ պայմաներ է ստեղծում հայ-գերմանական առևտրի հարաբերութոյւններում առևտրի ֆինանսավորման գործիքների կիրառման համար»,-ընդգծել է Մարգարյանը: Բացի այդ, նա նշել է, որ Գերմանիան հանդիսանում է Հայաստանի առևտրի առաջատար գործընկերը ԵՄ-ում, իսկ ապրանքաշրջանառության ընդհանուր ծավալներով երրորդն է:
Ըստ ՀՀ Ազգային վիճակագրական ծառայության տվյալների, Գերմանիայի հետ Հայաստանի առևտրի շրջանառությունը 2013 թվականին կազմել է 370 մլն.դոլար, 2012-ի համեմատ գրեթե մնալով անփոփոխ: Բացասական սալդոն աճել է 21.3%, մինչև 195 մլն. դոլար: Գերմանիայի հետ արտաքին առևտրի կառուցվածքում արտահանումը կազմել է 85.6 մլն.դոլար, իսկ ներմուծումը`280,6 մլն դոլար:
Նշենք, որ HSBC Բանկ Հայաստանի բաժնետերերն են HSBC Europe B.V.-ը` 70% և Wings Establishment-ը` 30%: