Երեթշաբթի, 29 Ապրիլի 2014 18:41
Ազգային Հիփոթեքային ընկերությունը քննարկում է եվրոպական տեսակի հիփոթեքային պարտատոմսերի թողարկման հնարավորությունը
ԱրմԻնֆո. Ազգային Հիփոթեքային ընկերությունը (ԱՀԸ) քննարկում է եվրոպական տեսակի հիփոթեքային պարտատոմսերի թողարկման հնարավորությունը: Այս մասին ԱրմԻնֆո գործակալության հետ զրույցում հաղորդել է ԱՀԸ ղեկավար Մհեր Եդիգարյանը, մեկնաբանելով ԱՀԸ հիփոթեքային պարտատոմսերի առաջիկա թողարկման մասին Հայաստանում KfW ներկայացուցիչ Զառա Չատինյանի կարճ հաղորդագրությունը որն արվել էր հայ ընտանիքների բնակարանային պայմաների բարելավման, ինչպես նաև էներգաարդյունավետության բարձրացման հարցերին նվիրված միջոցառմանը:
Եդիգարյանը պարզաբանել է, որ հիփոթեքային պարտատոմսերի եվրոպական մոդելն արմատապես տարբերվում է ամերիկյանից. «հսկայական տարբերություն կա պարտատոմսերի ամերիկյան և եվրոպական մոդելների միջև: Ամերիկյան մոդելի ժամանակ դեպքում ռիսկը կրում է ներդրողը, եվրոպականի պարագայում` էմիտենտը»: Վերջին տարբերակը, հավելել է Եդիգարյանը, ենթադրում է բանկերի նկատմամբ ավելի կոշտ կարգավորոումների կիրառում` հիփոթեքային պորտֆելի որակը չվատթարացնելու նպատակով: Նա ընդգծել է, որ նոր թողարկման ծրագիրը դեռ քննարկվում է:
Հայաստանում KfW ներկայացուցիչն էլ իր հերթին է ԱրմԻնֆո-ին հաղորդել, որ ընկերության հիփոթեքային պարտատոմսերի թողարկումը թույլ կտա դիվերսիֆիկացնել մատչելի հիփոթեքային վարկերի ֆինանսավորման աղբյուրները: «KfW խնդիրը կայանում է նրանում, որպեսզի թողարկման շրջանակներում հրավիրվեն խորհրդատուներ, և որոնք հետազոտելով բոլոր հնարավորությունները, կներկայացնեն իրենց պատկերացումներն այն մասին, թե ինչպես կարելի է լավագույն տարբերակով կազմակերպել թողարկումը»,-պարզաբանել է Չատինյանը:
Նշենք, որ «Ազգային հիփոթեքային ընկերություն» ՈւՎԿ-ն Հայստանի կապիտալի շուկա է դուրս եկել 2011 թվականի նոյեմբերին, պարտատոմսերի թողարկման 1 մլրդ.դրամ ծավալով և 9.6% եկամտաբերությունով: Ներկայումս բորսայում շրջանառվում են ընկերության միանգամից երեք տրանշների կորպորատիվ պարտատոմսերը: Իսկ ապրիլի 23-ին ԱՀԸ հայտաարարեց փակ բաժանորդագրության միջոցով միջնաժամկետ կորպորատիվ արժեկտրոնային պարտատոմսերի հերթական (10-րդ) տրանշի թողարկման մասին:
Telcell-ը դուրս է գալիս ինստիտուցիոնալ զարգացման ուղի
Պետությունը պետք է ներդրողի հետ փոխհարաբերությունների կոշտ կանոններ սահմանի, այլ ոչ թե անկանոն կապերի մեջ մտնի նրա հետ. Արթուր Աշուղյան
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի