Երկուշաբթի, 5 Մայիսի 2014 20:05
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ պաշտոնապես հայտարարել է Երևանում «Երիտասարդական» նոր մասնաճյուղի բացման մասին
ԱրմԻնֆո. ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ պաշտոնապես հայտարարել է Երևանում «Երիտասարդական» նոր մասնաճյուղի բացման մասին: Նոր մասնաճյուղի բացումը նվիրված էր բանկի գլխավոր տնօրեն Ստեփան Գիշյանի 50-ամյակին, ով վախճանվեց վերջերս:
Նոր մասնաճյուղը տեղակայված է Երևանի կենտրոնում, Աբովյան-36 հասցեում, որը ՀՀ Կենտրոնական բանկի կողմից գրանցվել էր ապրիլի 9-ին:
Ինչպես լրագրողների հետ զրույցում նշել է բանկի նորանշանական ղեկավար Հակոբ Անդրեասյանը, մասնաճյուղը «Երիտասարդական» է անվանվել Ստեփան Գիշյանի ցանկությամբ: «Չնայած այն բանին, որ նոր մասնաճյուղը կառաջարկի բանկային համալիր ծառայություններ, այնուամենայնիվ, այն առաջին հերթին ուղղված կլինի դեպի երիտասարդությունը: Դրանով մենք ցանկանում ենք երիտասարդների համար բարձրացնել մատչելիությունը մեր ծառայությունների նկատմամբ: Նրանց համար հատուկ կմշակվեն նոր պրոդուկտներ` սպառողական վարկավորման հատվածում, կլինեն նոր քարտային նախագծեր, ինչպես նաև «սթարտ-ափ» գծով նոր բիզնես-վարկավորման տեսակներ»,-նշել է Անդրեասյանը: Նա նաև նշել է, որ բանկը մտադիր է իր ներկայությունն ավելի ընդլայնել Հայաստանի տարածքում: Ընթացիկ տարում նախատեսվում է ևս 6 մասնաճյուղերի բացում, որից 3-ը կլինի Երևանում: Մասնաճյուղերի ցանցի ընդլայնումը կշարունակվի նաև 2015 թվականին:
Նշենք, որ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ մասնաճյուղերի ցանցով Հայաստանի բանկային համակարգում զբաղեցնում է 3-րդ տեղը, իսկ միայն շրջանային մասնաճյուղերով` երկրորդ տեղը: Ներկայուսմ բանկն ունի 49 մասնաճյուղ, որից 11-ը տեղակայված է Երևանում:
Հիշեցնենք, որ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ Հայաստանում գործում է 1995 թվականից: 2006-ից բանկի մեծամասնական բաժնետերն է եվրոպական խոշորագույն Credit Agricole S.A.բանկը` 15.56%, որի հաջորդում է SJSC «Sacam International»-ը (Credit Agricole S.A խմբի անդամ)` 12.44%: Բացի այդ, բանկի կապիտալում իրենց մասնակցությունն ունեն Գյուղական փոխօգնության 10 մարզային միություններ: Իր հիմնական ֆինանսական ցուցանիշներով բանկը գտնվում է Հայաստանի առաջատար բանկերի հնգյակում:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին