Երկուշաբթի, 16 Հունիսի 2014 10:04
Հայաստանի ապահովագրական շուկայում հատուցումների ամենամեծ ծավալն ապահովել է Նաիրի Ինշուրանս ընկերությունը
ԱրմԻնֆո. Հայաստանի ապահովագրողների կողմից իրականացված ապահովագրական հատուցումների ծավալը (առանց Գարանտ Իշուրանսի) 2014 թվականի առաջին եռամսյակում կազմել է 5.5 մլրդ դրամ (ըստ ընկերությունների հաշվետվությւոնների` ՀՀ ԿԲ ստանդարտներով): Հատուցումների ծավալներում շարունակում է գերակշռել ԱՊՊԱ-ն:
Ըստ ԱրմԻնֆո գործակալությա` Հայաստանի ապահովագրական ընկերությունների Ռենկինգի, ապահովագրական հատուցումների ծավալը տարեկան կտրվածքով աճել է 24.2%: Ընդ որում, ապահովագրական պրեմիաները տարեկան կտրվածքով կրճատվել են 4.1%, կազմելով 10.3 մլրդ դրամ:
Աղբյուրի համաձայն, հատուցումների տարեկան աճն այս անգամ ապահովվել է 2 ընկերությունների հաշվին, մինչդեռ մյուս 4 ընկերությունների մոտ արձանագրվել է տարաբնույթ դինամիկա: Առաջին տեղում է Նաիրի Ինշուրանսը, ում ապահովագրական հատուցումների ծավալն աճել է ավելի քան 2 անգամ, երկրորդ տեղում է ՍԻԼ Ինշուրանսը` տարեկան աճը` 89.1%, Երրորդ տեղում է Ռոսգոսստրախ Արմենիան` տարվա աճը` 24.5%, Արմենիա Ինշուրանսի մոտ աճը կազմել է 19.8%, ԻՆԳՈ Արմենիայի մոտ տարեկան անկումը կազմել է 16.4%, իսկ ՌԵՍՈ ընկերության մոտ` 6%:
Ըստ Ռենկինգի, ապահովագրական հատուցումների ծավալով առաջին տեղում է Ռոսգոսստրախ Արմենիան` 2.1 մլրդ դրամ, երկրորդ տեղում է Նաիրի Ինշուրանսը` 1,1 մլրդ դրամ, երրորդ տեղում է ԻՆԳՈ Արմենիան` 867,9 մլն.դրամ: Այնուհետև հաջորդում են ՌԵՍՈ-ն` 639,9 մլն դրամ, ՍԻԼ Ինմշուրանսը` 484.3 մլն դրամ և Արմենիա Ինշուրանսը` 244.4 մլն.դրամ:
Հատուցումների կառուցվածքում ամենամեծ ծավալներն արձանագրվել են ԱՊՊԱ գծով` 2.6 մլրդ դրամ, տարեկան աճը` 0.4%: Բժշկական ապահովագրությքն մասնաբաժինը կազմել է 22.7% կամ 1,2 մլրդ, տարեկան անկումը` 7.3%: Բեռների ապահովագրության մասնաբաժինը կազմել է 512,6 մլն.դրամ կամ հատուցման ընդհանուր ծավալների 9.4%-ը: Ֆինանսական ռիսկերի ապահովագրության մասնաբաժինը կազմել է 429 մլն դրամ կամ 7.8%, Casco հատվածում ապահովագրական հատուցումները կազմել են 376,7 մլն դրամ կամ հատուցումների ընդհանուր ծավալի 6,9%-ը, գույքային ապահովագրութւան գծով հատուցումները կազմել են 169,3 մլն դրամ կամ 3%: Այսպիսով, ապահովագրական 6 դասերի գծով (որոնցից 2 –ը` պարտադիր), հատուցումները կազմել են հատուցումների ընդհանուր ծավալի 98%-ը: Մյուս դասերով հատուցումմները կազմել են մոտ 100 մլն դրամ, իսկ մանսցած դասերով ապահովագրական հատուցումներ չեն իրականացվել:
Առաջին եռամսյակում Հայաստանում արձանագրվել է 42.625 ապահովագրական պատահար, որից 27 477-ը` բժշկական ապահովագրության գծով, 14.019-ը` ԱՊՊԱ գծով և 801 ապահովագրական պատահար է արձանագրվել ԿԱՍԿՈ գծով:
Նշենք, որ Հայաստանի ապահովագրական շուկայում գործում է պարտադիր ապահովագրության 2 տեսակ` ԱՊՊԱ-ն և բյուջետային աշխատողների բուժապահովագրությունը: (ՀՀ դրամի փոխարժեքը ԱՄՆ դոլարի նկատմամբ 31.03.2014 դրությամբ կազմել 413.31 / $):
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին