Ուրբաթ, 27 Հունիսի 2014 17:46
Սիթին, Օվերսիս Փրայվիթ Ինվեսթմնթ Քորփորեյշնը եվ Ակբա-Կրեդիտ Ագրիկոլ Բանկը օժանդակում են հայաստանի միկրոֆինանսական սեկտորին
ԱրմԻնֆո. Սիթին և Օվերսիս Փրայվիթ Ինվեսթմնթ Քորփորեյշնը ("ՕՓԻՔ”) հունիսի 24-ին հայտարարել եին, որ կիրառելով իրենց առկա գործակցական շրջանակը, ԱԿԲԱ-ԿՐԵԴՒՏ ԱԳՐԻԿՈԼ ԲԱՆԿԻՆ տրամադրում են 10 մլն. դոլար վարկային գործիք՝ նպատակ ունենալով օժանդակություն ապահովել Հայաստանի Հանրապետությունում ԱԿԲԱ-ԿՐԵԴՒՏ ԱԳՐԻԿՈԼ ԲԱՆԿԻ գյուղատնտեսական միկրոֆինանսական պորտֆելին: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վարկային գործիքը բաղկացած է $5 մլն. ԱՄՆ դոլար և 2012թ-ին տրամադրված առանձին $5 մլն. ԱՄՆ վարկային գործիքիների երկարաձգված մասերից:
Աղբյուրի համաձայն, ֆինանսավորմանն ուղղված գործակցությունը կխթանի ՀՀ միկրոձեռնարկատերերի և փոքր ձեռնարկատիրության ֆինանսականը և ներգրավմանը գյուղատնտեսական սեկտորում: Վերոգրյալը հանդիսանում է Սիթիի և ՕՓԻՔ-ի համագործակցությամբ իրականացվող գործունեության մի մաս, որի նպատակն է օժանդակել աշխարհի զարգացող շուկաների միկրոֆինանսական վարկավորմանը: Համագործակցելով ՕՓԻՔ-ի հետ, Սիթին մշակել է ֆինանսական միջոցների բաշխման նոր մոդել՝ ուղղված զարգացող շուկաներում միկրո ձեռնարկատիրության համար ֆինանսավորման բարելավմանը, և 2012թ.-ին Գերազանց Բիզնեսը Համայնքում մրցանակաբաշխության Միջազգային կատեգորիայում զբաղեցրել է առաջին տեղը:
«Հասանելիության ընդլայնումը հանդիսանում է Սիթիի ֆինանսական ներգրավման աշխատանքի հիմնաքարը, և մենք ուրախ ենք շարունակել մեր ազդեցիկ համագործակցությունը ՕՓԻՔ-ի հետ՝ ընդլայնելով ֆինանսական ներգրավվածությունը, խթանելով տնտեսական կարողություններին և խրախուսելով հայաստանյան գյուղատնտեսական սեկտորի կայուն զարգացումը»,- ասաց Սիթի Քոմյունիթի Դիվելոփմենթ ընդ Ֆայնենս ընկերության համաշխարհային տնօրեն Բոբ Անիբալը:
«Փոքր բիզնեսների և գյուղացիական տնտեսությունների համար, անվտանգ և մատչելի կապիտալի հասանելիությունը թույլ է տալիս նրանց կայանալ և ապահովել կայուն կենսամիջոցներ:»
«Վերջին տարիներին, ՕՓԻՔ-ի գործակցությունը Սիթիի հետ թույլ է տվել ՕՓԻՔ-ին էլ ավել առաջ գնալ իր աշխատանքներում՝ ուղղված Սիթիի զարգացող շուկաներում մասնավոր վարկավորման ընդլայնման միջոցով ամբողջ աշխարհում զարգացման խթանմանը»-ասաց ՕՓԻՔ-ի նախագահ և գործադիր տնօրեն Էլիզաբեթ Լիթլֆիլդը: «Վարկավորման այս նոր գործիքը, որը կխթանի հայաստանյան գյուղատնտեսական սեկտորի զարգացումը, այն գործակցության ևս մեկ կարևոր արդյունք է, որը թույլ է տալիս օգտագործել մասնավոր կապիտալը հանրային շահի օգտին:»
«Մենք բարձր ենք գնահատում Սիթիի և ՕՓԻՔ-ի զարգացող համագործակցությունը միկրոֆինանսավորման և հատկապես մեր երկրի գյուղական սեկտորի ֆինանսավորման ոլորտում:»,-ասաց ԱԿԲԱ-ԿՐԵԴՒՏ ԱԳՐԻԿՈԼ ԲԱՆԿԻ գլխավոր գործադիր տնօրեն Հակոբ Անդրեասյանը: «Այս համագործակցությունը թույլ կտա առաջին հերթին հզորացնել գյուղատնտեսական հաճախորդների վարկավորման մեր կարողությունները, ինչը կենսական է Հայաստանի գյուղական շրջանների զարգացման համար:»
Ըստ ԱրմԻնֆո գործակալության` Հայաստանի Բանկրի Ֆինանսական Վարկանիշի, Հայաստանի բանկերի պատրաստել ԱրմԻնֆոյին, ԱԿԲԱ-ԿՐԵԴՒՏ ԱԳՐԻԿՈԼ ԲԱՆԿՆ իր գործունեության առաջին օրվանից հանդիսանում է գյուվարկավորման անվիճելի առաջատարը, 2014 թվականի ապրիլի 1 – ի դրությամբ ընդգրկելով վարկավորման այս հատվածի ավելի քան 50% - ը: Բանկի կողմից այդ ոլորտին է ուղղվել մոտ 62 մլրդ դրամ, որը կազմում է բանկի վարկային պորտֆելի ավելի քան 32% - ը: Միայն 2014 թվականի առաջին եռամսյակում բանկի գյուղատնտեսական վարկերի պորտֆլն ավելացել է 15%, իսկ տարեկան կտրվածքով`30%: Բանկի զուտ շահույթը 2013 թվականին կազմել է 5.1 մլրդ դրամ, տարեկան աճը`24,4%:
Նշենք, որ Overseas Private Investment Corporation (OPIC) կորպորացիան հիմնադրվել է 1971 թվականին, որպես ԱՄՆ կառավարության կազմում գործող անկախ կառույց: Կորպորացիան ամերիկյան ընկերություններին օգնում է արտասահմանում ներդրումների կատարման հարցում, օժանդակում նոր և զարգացող շուկաների տնտեսական զարգացմանը, օգնում մասնավոր հատվածին` ռիսկերի կառավարման հարցերում, որոնք կապված են արտասահմանյան երկրներում իրականացվող ուղղակի ներդրումների հետ, ինչպես նաև սատարում է ԱՄՆ արտաքին քաղաքականությանը:
Հիշեցնենք, որ Citibank-ը խոշորագույն միջազգային բանկ է, որը հիմնադրվել է 1812 թվականին, որպես City Bank of New York, իսկ այնուհետև` որպես First National City Bank of New York: ներկայումս Citibank –ը գտնվում Citigroup-ի կազմում, որը հանդիսանում է ֆինանսական ծառայությունների ոլորտի խոշորագույն միջազգային կորպորացիա: 2007 թվականի մարտից հանդիսանալով ԱՄՆ խոշորագույն բանկը հոլդինգների շրջանում: Citibank-ը գործում է ավելի քան 100 երկրներում:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին